Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. Or les puist governer Pylate et Antecris !
  1. QUANT li rois Aquilans fu entrés en la mer,
  2. Il et trestuit li roi quiderent eschaper ;
  3. Mais Damedieu de gloire ne le vout andurer,
  4. Ains fist dedens le voile .I .grant vent venteler,
  5. Qui la fist peçoier et le mast tronçoner,
  6. Dont les covint par force ariere retorner,
  7. Par le commant de Dieu,et ariere amener .
  8. Covint cele galie au grant palais hurter,
  9. Issi très durement venir et encontrer
  10. Qu''il la covint par force partir et esfondrer ;
  11. Dont véissiés les rois parmi la mer floter .
  12. Cil qui par la mer va ne puet mie eschaper,
  13. Et cil qui ariva fu fis du chief couper .
  14. Quant l''enfes Guis le voit,Dieu prist à mercier .
  15. Rollans et Olivier pensent de decouper,
  16. De ferir et d''abatre,d''ocire et de tuer .
  17. Une nuit et .II .jors covint ce plait durer,
  18. Tant que tuit furent mor Sarrasin et Escler ;
  19. Puis ont fait tous les cors dedens la mer ruer .
  20. Et l''enfes de Borgoigne ne se volt oblier ;
  21. Maintenant en monta el palais principel,
  22. Et dit qu''il le randra Karlemaine au vis cler,
  23. Si l''an feront presant li jone bacheler .
    24. [ fol. 0175 ]
  24. Quant Rollans l''entendi,le sans quide derver :
  25. «Comment !dist il,dans rois,ne l''osés ja panser
  26. «Que vos deseure moi puissiez si haut monter !
  27. «Lessiez moi le palais,je le doi bien garder ;
  28. «Je le randrai Karlon,qui qu''en doie peser .
  29. -Sire,ce dist li enfes,ne vous quier à celer,
  30. «Si m''aït Diex de gloire qui se laissa pener
  31. «Ens en la sainte crois por son pueple sauver,
  32. «Je randrai le palais,qui qu''en doie peser ;
  33. «Maugré en aiés vos,je le doi bien garder .»
  34. Quant Rollans l''entendi,à lui se volt meller,
  35. Et dist qu''il le ferra,que mar l''osa panser .
  36. «Par mon chief !dist Bertrans,or oi musart parler .
  37. «Donques mar le féimes en France queroner,
  38. «Se nos ne le poons vers vostre cors tenser .
  39. «Certes,se l''osïés nis par mal esgarder,
  40. «Ja vous verriés ce branc parmi le cors bouter .
  41. -Voire,ce dist Berars,ou la teste couper .»
  42. Quant Rollans l''entendi,vis quida forsener .
  43. Guis,tant com il vesqui,ne le pot puis amer .
  1. LA dedens en Luiserne fu moult grans l''assemblée la mellée1
  2. Rollans fu mult iriez,c''est verités provée,
  3. Par pou que vers Guion ne commença mellée ;
  4. Mais li baron de France en font la desevrée,
  5. Car des frans damoisiaus fust mult cher comperée .
  6. Atant es vos Karlon à la chere menbrée,
  7. Qui revient de Saint Jaque o sa gent onorée .
  8. Quant il sot la novele la vile est conquestée,
  9. Mult an fu li rois liez,grant joie en a menée ;
  10. En la vile s''an entre à grant esperonée,
  11. De ci que au palais n''i ot fait arestée .
  12. Quant le voit sa mesnie,contre lui est alée ;
    13. [ fol. 0176 ]
  13. Mult par fu grans la joie que en li a menée,
  14. Et si ot de pité mainte larme plorée .
  15. Quant Rollans vit Karlon,si li dist sa pansée :
  16. «Biaus oncles,je vous rant ceste grant tor quarée .
  17. -Mais je,dist l''enfes Guis,que je l''ai conquestée,
  18. «Et la bele compaigne que je ai amenée .
  19. «Ainques nen fu par vous teste de bu copée,
  20. «Ne n''i feristes onques de lance ne d''espée .
  21. -Par mon chief !dist Rollans,c''est mençonge provée ;
  22. «Vos en aurés encor cele teste copée .»
  23. Et Guis li respondi une raison menbrée :
  24. «Vous ne vostre ire pris ne pris pas une pome parée2 .»
  25. Quant Karles l''entendi,s''a la color muée .
  26. Après en a li rois sa grant barbe jurée
  27. Mar i aura folie dite ne porpansée ;
  28. Puis si a fait crier par moult grant alenée
  29. Tuit issent de la vile sens nesune arestée ;
  30. Et il si font tantost,qui ains ains,à huée .
  31. Et Karles se coucha desor l''erbe en la prée,
  32. S''a faite .I .orison bien faite et enparlée,
  33. Que cele vile soit à tel fuer atornée
  34. Que de ceus ne d''autrui ne soit mès golosée .
  35. Dont n''éussiés vos mie demie liue alée
  36. Que la citez est toute en abysme coulée,
  37. Et par desus les murs tote d''eve rasée,
  38. Si est assés plus noire que n''est pois destemprée,
  39. Et li mur sont vermeil comme rose esmerée ;
  40. Encor le voient cil qui vont en la contrée .
  41. Quant ce voient li prince,merveilles lor agrée ;
  42. Chascun contre Oriant a sa chiere tornée .
  43. Lors commande li rois que l''ost soit destravée,
  44. S''iront en Reinschevaus à lor fort destinée .
  45. Seignor franc chevalier,la chançons est finée .
    46. [ fol. 0177 ]
  46. Diex garisse celui qui le vous a chantée,
  47. Et vous soiés tuit sauf qui l''avés escoutée .
  • 1. Là dedens en Luiserne fu moult grans l'assemblée.
    Leçon de b a : la mellée, qui revient au second vers
    après celui-ci ; mais, cette fois, la leçon est bonne.
  • 2.
    Vous ne vostre ire pris une pome parée.
    Nous corrigeons ainsi la leçon vicieuse de a, qui
    donne ce vers faux :
    Vous ne vostre ire ne pris pas une pome parée.