Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. Et Yvon et1 Yvoire et Haton l''alosé ;
  2. Le jone roi d''Espaigne n''i a pas oblié ;
  3. Quanque l''angres li dit lor a tout raconté .
  4. Quant li baron l''oïrent,forment lor vint à gré .
  5. «Sire,dist li dus Naimes,or tost de l''aprester !
  6. «Nos irons avec vous,se vos le commandés .
  7. -Je ne menrai que .IX,dist Karles li senez .»
  8. Le jone roi d''Espaigne a Karles apelé :
  9. «Sire Guis de Borgoigne,cest ost me garderés,
  10. «Que il n''i ait mellée,noise ne cri levé ;
  11. «Mais ce gardés,biaus sire,que pas n''i assaillés
  12. «De ci à icele oure que soie retornez .
  13. «Et vos,biaus sire niez,de ceste oevre pansez .
  14. -Sire,ce dist li cuens,si com vos commandez .»
  15. A icele parole an est li rois alés,
  16. Et Naimes et Ogiers et Sances l''adurés,
  17. Et Richars et Reniers et Tierri l''alosé ;
  18. A loi de pelerins sont chascuns atorné .
  19. Il n''orent mie bien demie liue alé
  20. Que li rois de Borgoigne a fait .I .cor soner :
  21. Ce est signefiance ke se deivent armer .2
  22. Qui or voldra chançon oïr et escouter,
  23. Si voist isnelement sa boursse desfermer,
  24. Qu 'il est huimès bien tans qu''il me doie doner .
  1. LOR s''armerent par l''ost à force et à baudor .
  2. L''enfes Guis fu armés el destrier misodor ;
    3. [ fol. 0172 ]
  3. Les enfans fait venir qui erent li meillor .
  4. Rollans et Olivier se sont mis au recor ;
  5. Les viellars font armer de la terre maior .
  6. Sarrazin les choisirent là dedens en la tor,
  7. Dont sevent bien anqui auront de mort paor .
  8. Aquilans s''escria à une vois hautor :
  9. «Baron,or de l''armer,sans nul point de sejor !
  10. «Ja seront assailli li grant et li menor .»
  11. Tot contreval Luiserne sonerent .M .tabor
  12. Et tymbres et buisines,et meinent tel fréor
  13. Que cil defors oïrent la noise et la tristor,
  14. Et Sarrazin se logent trestous as murs entor .
  1. QUANT tuit se sont armé cele gent paienie,
  2. Aquilans de Luiserne ne s''aséura mie,
  3. Ains a fait aprester une riche jalie .
  4. S''il voit qu''il a besoing,si garira sa vie,
  5. Et o lui .XXX .rois du regne de Persie .
  6. L''enfes Guis de Borgoigne ne s''aséura mie,
  7. A sa vois,qu''il ot clere,mult hautement s''escrie :
  8. «Seignor,or du bien faire !Diex nos soit en aïe !»
  9. Dont oïssiés par l''ost itele melodie une tele bundie3
  10. Et defors et dedens tele ne fu oïe .
  11. Del fossé font amplir une mult grant partie,
  12. Et de monter ces murs chascun d''eus se gramie .
  13. Et paien se desfendent,qui li cors Dieu maudie !
  14. Gietent pierres et fus et pois qui ert boulie,
  15. Teus .C .en eschauderent dont chascuns pert la vie .
  16. «Hé Diex !ce dise li anfes,dame sainte Marie,
  17. «Qui ce Seignor portastes dont fustes raemplie,
  18. «Par qui nos somes tuit raiens de mort à vie,
  19. «Ne me laissiés destruire ma bele compaignie,
  20. «Mais donez moi conquerre ceste grant tor antie !»
  21. Et Karles l''emperere ne s''aséura mie ;
    22. [ fol. 0173 ]
  22. Venus est à Saint Jake,il et sa baronie,
  23. Faite i a s''orison,s''offrande a establie .
  24. Et cil de l''ost assaillent par moult grant seignorie .
  1. CHARLES li empereres ariere retorna .
  2. Et cil de l''ost assaillent,que nus n''i sejorna .
  3. El point de miedi,quant li solaus leva,
  4. Einsi com nostre Sires le volt et commanda,
  5. Del mur de la cité .I .pan en craventa .
  6. Quant l''enfes Guis le voit,vers Dieu an anclina,
  7. Del cheval descendi,à terre se coucha,
  8. Par grant humilité Jhesu Crist reclama .
  9. Quant ot fait s''orison,ou cheval remonta,
  10. L''espée a traite fors et l''escu enbracha,
  11. D''entrer en la cité les enfans esforça ;
  12. Et cil si firent sempres,quant il le commanda .
  13. Parmi les murs versés .IIIIm .en entra,
  14. Et paien se desfendent,mès rien ne lor vaudra,
  15. Que chascun del ferir mult grant desirier a .
  16. Ocient et abatent et si fierent à tas ;
  17. Encor ne set Rollans,qui assaut d''autre part .
  1. QUANT li mur sont versé,lors entrent li marchis,
  2. Ocient et abatent paiens et Sarasins ;
  3. Onques ne vit nus hons si grant abatéis .
  4. Là poïssiés véir .I .si fier huéis,
  5. Soventes fois Monjoie escrier à haus cris .
  6. Cil de là fors l''entendent,li chevalier flori,
  7. Qui o Rollant assaillent as murs d''araisne bis ;
  8. Tost et isnelement cele part sont guencis vertis4 ,
  9. En la vile en entrerent,les escus avant mis,
  10. Et troverent paiens detranciés et ocis .
  11. «Par mon chief,dist Rollans,mult est cis rois gentis,
  12. «Car por lui fait vertus li rois de paradis ;
    13. [ fol. 0174 ]
  13. «Mult est fors sa puissance et il est de haut pris .»
  14. A ces paroles vindrent au grant abatéis,
  15. En la presse se fierent entre les Arrabis .
  16. Qui dont est encontrés bien est de la mort fis .
  17. Quant or voit Aquilant qu''il estoit si sorpris
  18. Que ne lui vaut desfendre vaillant .II .angevins,
  19. A la galie vient,meintenant s''i est mis,
  20. Et o lui .XXX .rois du regne de Persis .
  21. Il desancrent la nef,au nager se sont pris ;
  • 1. Correction par Guessard dans le texte sans justification.
  • 2.
    b Ce est signefiance ke se deivent armer.
    Ce vers n'est pas dans a, et se lit ainsi dans b :
    C'est signefiance ke se deit armer.
    Les trois vers qui suivent celui-ci ne se trouvent pas
    dans b.
  • 3.
    Dont oïssiés par l'ost itele melodie.
    Leçon de b : une tele bundie.
  • 4.
    Tost et isnelement cele part sont guencis.
    Leçon de b : vertis.