Otinel

Geste

Otinel: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Elena Albarran , , éd. par François Guessard , Henri Michelant , Otinel: Chanson de geste P. Jannet Paris 1858 F. Vieweg Paris 1859

Li Sarazin en vient devant le rei .
«Charles,feit il,ore entend envers mei :
«Messager sui,ço quid,al meillur rei
Li Sarrazins s''en vint devant le roi :
« Karle,dit il,entendez envers moi,
«Ne vos salu,que fere ne le doi .

¹

«K''unques féust en la paiene lei .
«Ne te salu,k''à dreit faire nel dei,
«Forfait en es vers Mahum et vers mei ;
«Cil te confunde en la ki lei jo crei,
«E tuz ces altres qui sunt envirun tei,
«E ton nevu Rollant,que jo ci vei .
«Si uncore un jor le truis en tornei,
«Ke mun destrer puisse acurser vers lei,
«De m''espée le quid faire un espei

[ fol. 0218 ]

«Parmi le cors ;molt ert fort si nel plei .»
Rollant se rit,si reguarde le rei .

²

«SARAZIN frere,fet Rolland l''alosez,
«Tu poez bien dire tutes tes volentez,
«Ja pur Franceis ne serras atuchez .
- Nun,ço dit Charles,puis ke vos le volez ;
«De meie part est il bien afiez,
«De hui en cest jor desk''à uit jurs passez .»
Dist Otuel :«De folie parlez ;
«Ne redut humme qui de mere seit nez,
«Tant cum aurai cest''espée à mun leez,
«Ço est Curçuse dunt jo sui adubez ;
«Nen at mie uncore nef meis passez
«K''à mil Franceis en ai les chefs colpez .
- U fu ço,frere ?»fet Charles li membrez .
Dit Otinel :«Jo vos dirra assez :
«Ore at wit meis,el nefme sui entrez,
«Destruite iert Romme,ta vaillante citez,
«De laquele estes emperere clamez .
«Li reis Garsie la prist o sis barnez ;
«Vint mil [le] hummes,tut à cunte numbrez,
«Hummes que femmes uncore plus assez
«I avium mort,n''[en] est un eschapez,
«E jo i feri tant de m''espée de lez
«Ke uit jurs pleners oï les poinz enflez .»
Dient Franceis :«Mar fustes unques nez .»
Estult de Lengres s''[en] est en piez levez ;
Tint un bastun qui devant fu quarrez .
Ja le ferist,ço savum nos assez ;

[ fol. 0219 ]

Meis li niés Charles en [est] encontre alez,
Se li a dit :«Sire Estult,reposez,
«Pur meie amur,si de rien m''amez ;
«Kar le paen est de mei afiez,
«Laissez lui dire tutes ses volentez .»
Un chevaler i sist qui fu mal senez³ ,
Provencel iert,de Seint Gile fu nez ;
Al messager est derere alez,
Amdui ses puinz li at el chief mellez,
Trait le à terre,kar cil ne s''est gardez .
Meis Otinel est molt tost relevez ;
Trait Cur[e]çuse,dunt le punz fu dorrez,
Ferir le veit,ne s''est pas ubliez,
K''as piez le rei en est le chef colpez .
Franceis s''escrient :«Barun,kar le prenez !»
Otinel s''est à une part tornez,
Les oilz roïlle,les grenuns a levez,
Liun resemble qui seit enchaenez .
En halt s''escrie :«Baruns,ne vos remuez,
«Kar,par icel cel⁴ Dex à qui me sui donez,
«Ja mur[er]unt set cenz,si vos croulez .»
L''emperere s''en est en piez levez,
Si lui a dit :«L''espée me donez .»
Dit li paien :«De folie parlez .»
Dunc dist Rodlant :«A mei [si] la rendez,
«Assez l''auerez quant vos departirez .»
Dit Otinel :«Beal sire,or la tenez ;
«Mès molt vos prie ke bien la me guardez .
«Ne la doreie pur set de vos citez,
«Uncore en ert de celui vostre lui voz⁵ chief colpez .»

[ fol. 0220 ]

Dit Rodlant :«Par fei,trop vos avancez ;
«Vostre message dites,puis vos en alez .⁶
- Jo volenters,dist-il ;ore escutez :

⁷

«CHARLES,fet il,jo ne te celerai mie⁸
«Messager sui l''emperur Gars[il]ie,
«Ki tient Espanie,Alexandre et Roussie,
«Tyre e Sydonie,Perse e Barbarie .

⁹

«Par mei te mande :leisse cristienie,

¹⁰

«Crestienté ne valt pas une alie,
«Et qui la croit,si fait il grant folie ;
«Mès croi Mahom qui tut le munde guie tut a en sa baillie¹¹ ,
«Et ciel et terre et la mer qui ondie ;
«Deviens ses hons et toi et ta lignie,
«Puis si t''en vien al riche rei Garsie au richie Garsile¹² .
«Il te donra avoir et manantie mantie¹³ ,
«En surktetut te lerra Et sus tot te te lera¹⁴ Normendie .
«Et d''Angleterre les porz le port¹⁵ et la navie ;
«A ton nevou Rollant donra Roussie,
«A Oliver donra Esclavonie ;
«Mès douce France ne te laira il mie,
«Qu''il l''a donée Florient de Sulie .
«N''a plus preudome en tote paienie,
«Ne plus hardi de tote chevalerie,
«Ne qui miex fiere de l''espée forbie ;
«Cil tendra France et la grant seignoirie .»
Et dit li rois :«Ensi n''ira il mie .