Otinel

Geste

Otinel: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Elena Albarran , , éd. par François Guessard , Henri Michelant , Otinel: Chanson de geste P. Jannet Paris 1858 F. Vieweg Paris 1859

Li rois se pasme,quant se senti blechiés .
Rollans regarde contreval .I .plessiez,
Et voit Garsile qui estoit trebuchiez ;
Sachiez de voir qu''il n''en fu pas iriez .
Le cheval broche,si s''est bien afichiez,
alaine Al miex ¹ qu''il pot s''est li ber avanciez,
Ainz que Garsiles poïst estre dreciez .
Li quens Rollans li est tant aprochiez,
As mains le prent,onques ne fu si liez ;
Quant il le tint,si fu bien justiciez .
Garsile crie :«Seignors,ne me touchiez ;
«A vos me rent,ma vie me lessiez,
«Atant vos pri que vos ne m''ociez .»

LI .XII .per sunt illec assemblez,
Garsile voient qui est pris et matez ;

[ fol. 0286 ]

Trestuit ensemble l''en ont au roi menez .
Mès li Danois est illec demorez :
Voit .I .paien fuiant parmi les prez
Vers la cité,por avoir sauvetez .
Mult estoit fier et fort desmesurez ;
Amirans ert de mult grant parentez ;
Trestuit si home erent mort et tuez .
Cel jour avoit mult nostre gient grevez,
Mien escient,plus de .CCC .tuez ;
Mès li Danois li est devant alez .
Les lances baissent,si se sunt encontrez,
Le paien faut,qu''il ne l''a adesez ;
Mès Ogier l''a fierement assenez,
Parmi le cuer li a l''espier passez :
«Avant,dist il,cuvert desmesurez,
«Jamès par vos n''ert François destorbez .»
Monjoie escrie,outre s''en est passez,
Jusqu 'à l''estor n''i a regne tirez .
Nostre Emperere a son prison gardez,
Dedens sa chartre fu mis et enserrez .
Illec moru à duel et à viltez ;
Jamès prodome ne toudra heritez .
Et nos François sont bien resvigorez,
Chascuns i fiert du branc d''acier letrez,
Paiens ocient et metent à viltez .
Ainz qu''il soit vespre ne soleil resconsez,
Les ont vaincuz et prise la citez .
Dedens la vile s''en sont li nostre entrez,
Tot ont ocis quanqu''il i ont trovez .
De la vitaille truevent à grant plentez .

[ fol. 0287 ]

Karles li rois a Oton apellez,
Et il i vint,bel s''i est presentez ;
Sa fille mande par Naimes le barbez,
Cil li amaine,n''i a pas demorez .
Karles la donne à Oton le senez .
Tot maintenant sont au mostier alez,
[Et] l''arcevesques a la messe chanté .
A la loi Dieu se sont entr''espousé .
Quant sont sacré,arriere sont torné,
Ou haut [palais] sont ensemble montez .
Li keu avoient le mengier aprestez,
L''eve aporterent,si a li rois lavez .
Grans sont les noces,.XV .jors ont durez,
Nules plus riches ne vit hom qui soit nez .
Nostre emperere ne s''est mi[e] oubliez :
Après mengier a son nevou mandez,
Et Olivier li preuz et li senez,
Et ses barons cels où plus s''est fiez,
Pus si lor a le rengne devisez,
L''un après l''autre a paié à son grez .
Otinel est ou païs demorez,
Et Belissent,ou gient cors honorez ;
De la terre est et saisi et chasez,
Pus en fu il sires et rois clamez .
Nostre emperere a son erre aprestez,
Venir s''en voust en France,à son rengné .
A Otinel a congié demandé
Et à sa fille au grelle cors mollé,
Et il li donne volentiers et de gré .
Au departir ot maint cheveil tiré,

[ fol. 0288 ]

Lermes plorées et grant duel demené .
Kalles baisa Otinel l''alosé,
Et Belissent,quar mult l''avoit amé .
A ces paroles se sunt acheminé
Et Otes remest à garder la cité .
Par ses jornés à nostre rois erré
Tant que il vint à Paris sa cité .
De ses François fu forment honoré,
Mult ont grant joie quant Dex l''ot amené .
Par ses chastiaux s''est Karles reposé,
Et Otinel a gardé le rengné .
De totes parz l''a fierement gardé,
Pour ce biaus hons ² que fu et grans et redouté,
Et si fu prouz et plain de léauté,
Et essauça sainte crestienté .
Bien tint sa terre les jors de son aé ;
Sa fin fu bele,plaine de grant bonté :
Diex en ait l''ame par la soe pitié .