Reine Sebile

Geste

Reine Sebile: Fragment de Sion - texte fondé sur l'édition Aebischer , éd. par Paul Aebischer, édition numérique sous la direction de Jean-Baptiste Camps , , éd. par Paul Aebischer , Fragments de la Chanson de la Reine Sebile et du roman de Florence de Rome conservés aux Archives cantonales de Sion Zeitschrift fur Romanische Philologie 1950 66 385-408

  1. Mès Ogiers lé apale pour aus reconforter .
  2. «Baron,ce dit li dus,ne chaut de vous haster :
  3. Je vai an Normandie pour le duc ancenier ;
  4. Cil referai son ot venir et essanbler »
  5. Et cil ont respondu :«Bien fait a creancer »
  6. Et Ogierz s''an tornai sanz plus de demorer :
  7. Juque an NormandieNormande ne se vot arrester .
  8. Illuc trovai le duc qui moult ............1
  9. De Karlon li contai,ne li vot rien celer,
  10. Que Grifon ont essis pour lui desireter .
  11. «Par devant Autefuille vous i covint antrer »
  12. Et quant li dus l''antant,si comance a plorer .
  13. «Ogiers,ce dit li dus,par le cors sent Omer,
  14. Moult par est Karles fos,et moult fait a blesmer,
  15. Quant la raïne vuet ensi desireterdeireter !
  16. .I .bel anfant avai,ce ai oï conter,
  17. Qui ai a non Loys :moult est biaus bachelerz .
  18. Voudroit ores li rois,que France ai a baillier a garder,
  19. Que j''alese a l''anfant pour conbatre et grever ?
  20. Louez le vous,Ogiers ?dites votre panser !
  21. Par ice sent seignor,qui tot ai a saver,
  22. Je n''i farai ma gent pour ce besoingbesoig aler,
  23. Ainz irai a l''anfant pour lui merci crier .
  24. Il ne me sara je nule riens demander
  25. Que je tot ne li face pour amor achiter,
  26. Quar il est mes droiz sires :si ne li doi faser !
  1. [ col. b ] Ogiers antant le duc :li cuerz li ai tandrie .
  2. «Sire,ce dit li dus,ce ne lesiez vous mie
  3. Que ne veigniez a roi parler par amistie .
  4. Si prierons le roi,qui France ai an baillie,
  5. Que repreigne sa fome,Sebile l''eschevie »
  6. «Ogiers,ce dit li dus,l''anfant ne fadra mie
  7. Tant con j''avrai ou cors la santé ne la vie »
  8. Lors mande chevaliers par tote Normandie .
  9. Quant furent essanblé,si con pour ot banie,
  10. Bien sont .XIIII ..M .de bone gent hardie .
  11. De la vile s''an isent,quant ............crie .
  12. Les jornees qui firent ne vous conterai mie .
  13. A Paris sont venu,en l''ot se sont logie .
  14. Lors s''armerentamerent ansanble pour le roi faire aïe .
  15. To droit ver Autefule on lor voie ........2
  16. A uneun lieue près ont pris abergerie .
  1. À une lieue près d''Autefuille la grant
  2. Se sont logié et Borüier et Normant
  3. Karles ot les novales moult ..........dolant
  4. Que François sont venu ..........vaillant
  5. D 'Autefuille est is ...............
  6. .I .espié s''an torne ...............
  7. Vint en l''ot de ..........
  8. .........Loys .....................
  9. «Baron,or tot es armes,sanz nul arestemant !
  10. Si asadrons Karlon l''anpereor puisant »
  11. Grifon se sont armé,ne se vont arestant,
  12. Et François d''atre part vont lor armes praignant .
  13. A l''esanbler desde oz noz fu la noisenois moult grant
  14. Si a que si duressent,moult alet malemant .
  15. Mès la nuz est venue,li solauz vai couchant ;
  16. L 'apostoiles i vient,qui les vai sarmonant ;
  17. La bataille ont lesie juque a l''abe aparant .
  1. La bataille ont lesie ;les oz laisant ester,
  2. Li François,li Grifon sont alé reposer .
  3. Les trieves sont donée entre ci qu''a jor cler ;
  4. En son tré repairai Karlemaignes li berz .
  5. Warochiers li vaillar le prant a raviser :
  6. Lors apelai Loys,si li prit a mostrer :
  7. «A,gardez,biaus droiz sires,par le cors sent Omer,
  8. Veez lai vostre pere,qui tant sait a doner,
  9. Que vostre mere fit de la tere giter »
  • 1. On pourrait postuler fait a pris(i)er.
  • 2. On pourrait postuler accuillie.