Capitains Nemo

Desoz les oliviers où ses homes laisai .
Sore li sont coruz de plus de .XIII .parz ;
Il l''éusent ja mort,s''Emelons lor laisait,
Mas Emelons an jure le cors Saint Liemart :
«Mar i serai tochiez li nobiles versauz ;
«Car il se vot desfandre as armes,à chevaul,
«Que desuis son desfoi mon anfant tué ai :
«Ja aurai la bataille,que point ne demorai .»
Emelons s''adobai,lou auber andossai,
Puis cint Troinchesoué,une espée qu''il ai ;

[ fol. 0377 ]

A son coul son escu,.I .espié anpoignai .
Emelons fut proudons,montez est ou chevaul ;
S''à Richier vet joter,ja ne s''aloerai :
Des granz cous de Joouse ancui sa part aurai .

DE ce fit Emelons que chevaliers vailanz
Que randi à Richier trestoz ses garnemanz ;
Li bers s''an adobai tot et inelemant .
Quant la sale fut mise,si monte an l''auferrant,
Puis isi de la ville à esperons broichant,
Et Emelons le suit à esperons broichant,
Que il crient que Richiers ne s''an aulast fuant ;
Mas por néant le panse,Richiers n''an ai talant .

RICHIERS point le chevaul parmi le brueroi,
Et chosi Emelon,lou bon duc,devant soi ;
Damedeu reclamai où il fiance avoit :
«Ci voi .I .chevalier,mout fier,à grant desroi .
«Por son fiz que j''ocis l''autrier,ce poise moi :
«Se vient à moi conbatre,et ocire me doit .
«Bien sai que je ai tort,certes,et il ai droit .
«Or pri je à celui qui fu mis en la croiz
«Que mon cors me desfande de honte et d''enoi,
«Qe Floovant mon sire puisse ancores ravoir .
«S''a lui me combatoie,grant folie saroit .
«Or ferai une chose don ferai que cortois ;
«Por plus prouz m''an tanront chevalier et borgois :
«Crierai li merci por amours Deu le voir,
«Por Por a¹ l''arme de son fiz,dont ill ai le cour noir,
«Que cis ci sires ait l''arme,qui sor nos ai povoir ;
«Et se plux truis an lu ne orguil ne bofoi,
«De m''espée Joieuse tex .III .cous li donrois
«Que plux n''aurai talant de conbatre envers moi ;
«Jemais n''aurai mestier à nul jor desor ciel .»

[ fol. 0378 ]

Este vos Emelom,vers Richier apoignoit .
«Versauz,dit Emelons,prouz estes et cortois,
«Tu ne doignas foïr por autre ne por moi ;
«Torne çai cel escu,si te conbat à moi :
«Dès or te rons tes trives,je nes quier plus avoir .
-Sire,ce dit Richiers,granz folie saroit ;
«Mas fates une chose,si feroiz que cortois :
«Se je ai ton fiz mor,certes,çou poise moi ;
«Pordone moi sa mort,por amors Dex lou voir,
«Que merci ait de l''arme Jesus li verais rois .
-Versaus,dit Emelons,ja mar an parleroiz ;
«Sachez je nou feroie por nule le nule² riens qui soit .
«Je vos todrai la teste,ne porai remenoir,
«Por la mort de mo fiz c''ocias l''autre soir :
«Orendroit te deffi de mon espié Torcois .»
Lors broiche le chevaul des esperons Torcois,
Et Richiers contre lui,quam priere n''i voit .
Granz cous se vont doner es escuz de cartier,
Desoz les bocles d''or font les targes paroir ;
Damedex les gari por la sue pité,
Que lor cors n''ont maumis des bons espiez Torcois .
Mult sont bons chevalier quant n''an perdent conroi
Puis traient les espées au branz Sarazenois ;
Vont s''an antreferir sor les elmes Grezois
Que escuz ne aubers ne lor vailent .I .pois :
Lou sanc pormi les mailes des aubers de .II .ploiz
Font choioir à la terre,qui des cors decoroit .
Mout fut granz la bataile des chevaliers adroiz ;
Onques mais por .II .homes ne fut tele por voir .
Dex aït à Richier,car Emelons ai droit,
Que s''Emelon ocit,ne porai remenoir
Que il ne soit detrainchiez ileques demenois ;
Et s''Emelons l''ocit,jemais plus n''an saroit,
Ne jemais Floovans de la chartre n''itroit .

[ fol. 0379 ]

RICHIERS ai trait Joieuse,qui est d''or antailie,
Si feri Emelon sor l''elme de Pavie,
Que le corcle cocle li trenche rés à rés de l''oïe .
La char li a trenchie une grande partie ;
Li sans saut por les mailes an plus de .VII .parties .
Quant Richiers vit le sanc de chevalier nobiles,
Emelon an apale,formant marci li crie :
«Hé !Emelons,franc fancdux,por Deu le fiz Marie,
«Merci,frans chevaliers !ne te laisiez ocire .
«Ancor te ran m''espée,qui bien vaut .Vc .livres ;
«Bien me pouz,se tu viauz,detrainchier et ocire .»
Mas por néant li ofre,car il nou ferai mie .
Quant Emelons l''antant,si plore et sopire ;
Après cele parole ne li set il que dire .

«VERSAZ,dit Emelons,proz estes et jantis ;
«La vostre grant prouece ai mon orguel conquis .
«Por l''amours Damedeu,qui en la crois fut mis,
«Vos pordons je la mort à mon chier fiz,amis .
-Sire,ce dit Richiers,Dex lou vos puet merir .»
Le pié li vout baisier,quant Emelons le tint .

DE ce fit Emelons que chevalier nobiles,
Qui pordonai Richier son mautalant et s''ire,
Et li bers l''an randi puis isi bel merite
Qu''il le gari de mort et li tansai sa vie,