Floovant

Geste

Floovant: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Lucence Ing , Floovant: Chanson de geste , éd. par Henri Michelant , Françoise Guessard , P. Jannet Paris 1858 F. Vieweg Paris 1859

  1. A icele parole est antrez an la chanbre
  2. Parler à Maugalie,qui tote jor le mande .
  3. Estes vos .XII .pers de la terre de France,
  4. Les escharpes es cous,sor les muloz qui anblent .
    5. [ fol. 0386 ]
  5. Paiens les orent pris au pié d''une montaigne .
  6. Premiers parlai Pinel et Ganour d''Oriande :
  7. «Amiraus de Persie,ta joie recommance ;
  8. «Maom et Tavergan an doiz grant merci randre,
  9. «Qui te mot an prison le barnaige de France .
  10. «Nos an avons tex .XII,por le mien esciantre,
  11. «Li peres1 puet mander .XXm .homes as lances .»
  12. Quant l''amiraus l''antan,si an ot joie grande :
  13. «Aï !Maonmot sire,com avez grant poisance !
  14. «Ja me donez vos plux que je ne vos demande .
  1. «AHI !Mahonmot sire,com voz estes poisanz !
  2. «Jai me donez vos plux que je ne vos demant .
  3. «Metez moi ces François an la chartre léanz ;
  4. «Demain saront panduz,ja n''an auront garant .»
  5. A fuz et à tinés les anmoinent batant ;
  6. Enz o fonz de la chartre les ont getez léanz .
  7. Quant Floovans les vit,mout s''an vai mervoilanz ;
  8. Il lor ai demandé,li chevalier vailanz :
  9. «Qui estes vos,seignour ?que querez vos céanz ?
  10. «Vos me sanblez François au parler lo roman .
  11. -Voire,por ma foi,sire ;que vos mantiriens ?
  12. «Cil ai an nom Antaume et li quens Joceranz,
  13. «Angeliers de Bordale,lou ardi conbatant,
  14. «Et Anmarri de Chartres,et son frere Moran,
  15. «Escorfan de Bretaigne,et Richart le Norman,
  16. «Et Forquerez de Troies,Bauduins li Flamanz,
  17. «Et li dux de Borgoigne,qui est riches menaz,
  18. «Et li quens de Saint Gile,où grant honour apant,
  19. «Et je suis li dozemes,qui ai non Guineman,
  20. «Qui tient Chatel Landon,Erupuis et le Manz ;
  21. «Dusque où Vaul Guion fait on lou mien commant .
  1. -SEIGNOUR,dit Floovans,por Deu et por son non,
    2. [ fol. 0387 ]
  2. «Liqués est Guinemanz qui tient Chatel Landon ?
  3. «Il ai céanz .I .frere qui ne est gaire loint .»
  4. Quant il l''ont antandu,li nobiles barons,
  5. Si li ont demandé commant il ai an non .
  6. «Seignour,dit Floovans,ne vos an mantirons,
  7. «Je suis fiz Cloovis,le roi de Monloüm,
  8. «Qui me chaçai de France por une mesprison
  9. «Que je fis vers mon maitre,Senechaul de Dijon D,
  10. «Cui je copai la barbe enz après lou grenon .
  11. «Por tans ne pous remaindre à Roins ne à Loon,
  12. «Ainz fus chaciez de France,toz sous,san conpainon,
  13. «Fors d''un franc escuier,qui Richier ai an nom,
  14. «Fiz au duc Joceram que nos ici vaons,
  15. «Et frere Guinemant,lou nobile baron .»
  16. Et François li escrient :«Sire,baisiez nous don ;
  17. «Ja n''ai il céanz home,sire,ne soit vostre hons .»
  18. En la chartre se baisent et grant joie se font .
  1. OR demoinent grant joie en la chartre léanz .
  2. Floovans les apale,li prouz et li vailanz :
  3. «Seignour,or m''antandez,ce lour dit Floovanz,
  4. «Richiers est là amont ovec les mescréanz ;
  5. «L''amiraus l''aime plux que nul home vivant,
  6. «Et li ai fait acroire que il est ses paranz :
  7. «Il ne demorai gaires que ne vene céanz .»
  8. Richiers est en la chanbre la file l''amiran,
  9. Où il joue es eschas à .I .roi d''Ocidam ;
  10. Estes vos .I .mesaige parmi la chanbre errant .
  11. Où qu''il vit la pucelle,se li dit en riant :
  12. «Par Mahon,damoisale,joie vos croit moult grant ;
  13. «Moult devez mercier Mahon et Tavergam
  14. «Qui vos mot an prison le barnaige des Frans .
  15. «Tes peres an ai .XII,por le mien esciant ;
  16. «Li peres2 vaut .I .sent,s''il ai ses garnemanz .»
    17. [ fol. 0388 ]
  17. Quant l''antandi Richiers,griés an fut et dolanz ;
  18. Il laisai le joer et s''asit sor .I .banc .
  1. RICHIERS let le joer,si s''est aulez soioir .
  2. Maugalie la bale,qui grant bauté avoit,
  3. De joste lui s''essit,la bale,demenois ;
  4. Ses branz3 li mit au coul,si l''ai baisié .III .foiz :
  5. «Cosins,dit la pucelle,qués homes sont François ?
  6. -Dame,dit ai Richiers,ja plus prouz n''en auroiz .
  7. «Contre .XXX .paiens s''an conbatrient .III .
  8. -Cosins,dit la pucelle,por ma foi,bien t''an croi .
  9. «Mes peres an ai .XII .qui furent pris arsoir ;
  10. «En cele chartre sunt ;car les aulons vooir .
  11. -Dame,ce dit Richiers,bien i recouvrerez ;
  12. «Tel maul ai an mon chief ne puis le jor véoir .»
  13. Puis dit antre ses danz :«Jai par moi n''ierez .»
  14. Atant le lait la dame,et vai joer por soi ;
  15. As eschas vai joer à Pinar,.I .fort roi .
  16. Richiers an fut moult liez,ce saichiez vos por voir ;
  17. Por tant vorai auler por tans vers nos François .
  1. RICHIERS laise joier la pucele à Pinar,
  2. Vint à l''us de la chanbre,si s''an vai d''autre part ;
  3. De ci que à la chartre onques ne tresfinais .
  4. Les chartreniers apale,Joces et Caïfas :
  5. «Qués Qué homes ai donc pris mes sires l''amiraus ?
  6. -Sire,de ces de France,des meilours qu''il i ai .
  7. -Ovrez moi celle chartre,je i antrera jai ;
  8. «Tel i porai connitre qui chier lou conparai .»
  9. Cil li ovrent la chartre,et Richiers i antrai ;
  10. Lai où il vit les constes uns et uns les baisa,
  11. Et grant joie et grant doil ont il demené lai .
  12. Doil ont de la prison don il n''itront jemais,
  • 1.
    Li peres (sic), pour li pires, comme
    encore plus bas, p. 45, v. 33.
  • 2.
  • 3.
    Ses branz (sic), pour ses bras.