Capitains Nemo

«Quant ne vos puis avoir,le cour an ai dolant .
-Dame,dit Floovanz,dés or poignez avant .
«Maugalie est ma drue,o le cors avenant,

[ fol. 0410 ]

«Ne li faudroie mie por les manbres perdanz,
«Car ole m''ai gari de mervoilous tormant,
«Et je l''esposerai por lou los de ma gant .»
Quant l''antandi Florote,à pou ne pert lou sanc ;
Elle vint à son pere,se li dit an plorant :
«Merci,bau sire peres,por Deu omnipotant !
«Se vos ne me donez lou marchis Floovant,
«Je n''aurai mais mari an trestot mon vivant .»
A Floovant anvoie trestot de meintenant
Que vene à lui parler,car mestier an ai grant .
Quant lou mesaigier voit Floovant li vailanz,
Au roi an est aulez et avec lui sa gant .
Où que li rois lou voit,si li dit simplemant :
«Car recevez ma file,frans chevalier vailanz,
«Si serez roi d''Ausai de quanqu''il i apent ;
«Asez conquerrons terres sor la paienne gant .»
Et Floovanz li dit bel et cortoisemant :
«Sire,ce ne pout estre,sachez certenemant .
«Ci ai une pucelle,o le cors avenant,
«Qui m''ai mis fors de chartre et toz ces autres Frans ;
«Lai où nos devoit pandre l''amiraus des Persam,
«Nos gari la pucelle de mort et de tormant .
«Ma foi li ai plevie,voiant tote ma gant,
«Que fanme la prandroie pandroie,se Dex lou me consant ;
«Je ne l''an matiroie por la teste perdant .
«Dès or vos doi je dire mon cor et mon talant :
«Je sui fiz Cloovis,l''anparesre aparesre des Frans,
«Qui me chaçai de France por son fier mautalant ;
«Por .I .petit mesfait,qui ne fut gaires granz,
«Que copai à mon maitre les grenons an dormant,
«Me fit forjurier France de ci que à .VII .anz .
«Or est venuz li termes que li grenons sont granz,
«Si m''an ira an France antre moi et ma jant
«Por pandre la quarone dou reigne qui m''apant .

[ fol. 0411 ]

«Moult amase Florote,ne la refus noiant ;
«Mas n''en puis doues avoir,que la loi lou desfant .
«Donez la,bau doz sire,à Richier lou vailant,
«Qui fiz est à cest duc,lou ardi conbatant ;
«Richiers vos servirai mais trestot son vivant,
«Si vos serai por fiz dois ce pas an avant .
«Donez li vostre file por itel covenant
«Que ne vos facent guerre Sarazins ne Persanz
«Que je ne vos secore à .XLm .Frans .
-Por foi,dit li rois Flores,ce me vient à talant .
-Sire,dit la pucelle,je le voul ausimant ;
«Quant autre ne pout estre,à Richier me commant .
-Venez avant,Richiers,dit li prouz Floovanz,
«Si recivez la file au riche roi Floram,
«Le réaume et l''enour et quanqu''il i apant .
-Sire,ce dit Richiers,tot à vostre talant .»
Illucque l''ai plevie Richiers de metenant,
Puis li ai fait omaige,féauté ausimant
Ja ne lou tréirai an trestot son vivant .
Donques mandai li rois ses homes et sa gant ;
Féauté et omaige font Richier bonemant .
Au croisant de la lune,que la joie fut granz,
Esposerent lor fanmes Richiers et Floovanz,
Puis an firent lor noces anz ou palais plus grant .
Or ai fiz recovré li riches rois Floranz ;
Onc plus saige de lui ne tint espée à flanc,
Ne nus plus poisanz d''armes,en estor fort et grant,
For Guilaume au Cors Nés,qui tant fu combatanz
Contre paiens felons que onc n''amai néant .
Puis qu''i fut rois d''Ausai,d''Osteriche la grant,
Conquit il Romenie envers paiene gant,
Oue Sarazins tenoient adonc an son vivant .

MOUT demoinent grant joie ou palais principel

[ fol. 0412 ]

Maugalie la bale et Floovanz li bers .
Et Richiers et Florote qui tant fait à loer .
Estes vos .I .mesaige de France lou regné ;
Il aportoit .I .brief,tot estoit las d''esrer .
Por les degrez de mabre est montez ou plainchier,
Et demande et anquier de Floovant lou ber ;
Et Richiers li cortois li vai mou tot montrer .
Lai où voit Floovans lou prent à apeler .
«Sire,ce dit Richiers,je voel à vos parler :
«Quenuisez ce mesaige ?ce dit Richiers li bers .
-Oïl,dit Floovanz,je lou quenois asez .
«Venez avant,Guimar,moult faites à loer ;
«Chanbellanz fus mon pere,mout te soloie amer .
«Por moi t''ai fait mes peres de ma terre geter ;
«Jemais ne te faudrai por nul home mortel .
-Sire,ce dist Guimarz,je i viens tot por el :
«Vostre peres vos mande que vos lou secorez,
«L''amiraus de Persie e trestoz ses barnez,
«Au chatel de Loon l''on paiens ansarré .
«Vostre mere la jante ne fine de plorer ;
«Par moi vos mande,sire,que vos la secorez .»
Quant l''antant Floovanz,si an ot joie tel .
«A Dex !dit Floovanz,vos soiez aorez orez,
«Quant celui me requiert qui tant m''ot an vité
«Qu''i me chaçai de France à mout petit barné .
Richiers et lou roi Flore,qui mult font à loer,
Floovans les an ai mentenant apelez .
«Seignors,dit Floovanz,quel consot me donez ?
«Mes peres si me mande et ma mere ausimant
«L''amiraus l''ai essis à Loon la cité,