Floovant

Geste

Floovant: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Lucence Ing , Floovant: Chanson de geste , éd. par Henri Michelant , Françoise Guessard , P. Jannet Paris 1858 F. Vieweg Paris 1859

  1. Que les flours et les pieres an ai jus abatu .
  2. La char li ai tranchie,li ous remest toz nuz ;
  3. S''or ne tornast l''espée,ja l''éut porfandu .
  1. FLOOVANS a broichié son auferrant corsier,
  2. Et a traiste l''espée don brunoie l''acier ;
  3. Vet ferir Fernagu sor sun elme vergié vergier1
  4. Que .III .des maitres serres en ai jus trebuchié .
  5. Une grant plene paupe a pris de l''anapier,
  6. Et de l''espaule destre an abat .I .cartier ;
  7. Entreci à la boche li ai tot depecié :
  8. Par desus son arçon li sans li descendié .
  9. Et Fernagu s''escrie :«Tu me vauz anpirer .
  10. «Ahi !Maünmot,sire,car me venez aider !
  11. «Ainzçois que je i mure,me quit je vandïer .
  1. DOLANZ fut Fernaguz quant de lui vit le sanc ;
  2. Il ai traite l''espé don li aciers replant,
  3. Si feri Floovant sor sun elme lusant
  4. Que tot l''ai estoné et dariés et devant .
    5. [ fol. 0356 ]
  5. Vers la destre partie vet li cous descendant,
  6. Qui li troinche l''aubert et sun ermine blanc ;
  7. Lez lou gros de l''espaule li fet coler le branc .
  8. Damedex le gari quant l''espaule n''an prant,
  9. Et que ons de sa char n''i antanmai néant .
  10. Desqu''an la terre vai li brans d''acier colent,
  11. Tot autresi bruant com foudre foudr qui descent .
  12. Quant Floovans le vit,mout por an fut dolanz ;
  13. Damedeu Damdeu reclama,le pere omipotant,
  14. Qui garise son cors de mort et de tormant
  15. Envers ce Tur puant qui tant ai hardemant .
  16. Estes vos .IIII .Turs devers .I .desrubant,
  17. Qui sunt felons et fiers et outregous formant ;
  18. Fernagu vont querant li traïtous puanz .
  1. Maugalie est as estre,la file Galié,
  2. O le .XXX .pucelles à bliaus entailiez ;
  3. Esgarde devant soi,vit Floovant le fier,
  4. Armerz de bones armes sor le corant destrié .
  5. Elle le vit bel et gant et hardi chevalier,
  6. Mout li voit Sarazins coper et detranchier ;
  7. Elle li escria :«Qui es tu,chevalier ?
  8. «Maonmoz te maudie,qui tot ai à bailier,
  9. «Se tu ne viesz à moi parler et donoier .
  10. «Onques mais ne te vis en estor commancier .
  11. «Divai,parole à moi,retorne ton destrié,
  12. «Je ne lairai à toi ne traire ne lancier ;
  13. «De toi ferai mon dru et mon confanoneir,
  14. «Si saras an ma chambre mes maitres consoiliers .»
  15. Floovans la regarde,prit la à acointier .
  16. A icele parole i est venuz Richier,
  17. Si ai pris son seignour por l''escu de cartier :
  18. «Vos faites que mauvais,quant vos ici plaidier ;
    19. [ fol. 0357 ]
  19. «Mas aulez en sa chambre de plus près consoilier .
  20. «Ses conduz n''i vauroit le montan d''un denier,
  21. «Se paiens vos trovoient ;vos perdriés le chief .
  22. «E !divai,mauvais hons,com te puez pou prisier,
  23. «Que si laises por le paiens à detrenchier
  24. «Et ton lous et conquerre et ton prou porchacier .
  25. «Tu fus chaciez de France por ta grant mauvaitié,
  26. «Si n''as or ne argent,paulefroi ne destrié,
  27. «Se tu ne lou conquier au fer et à l''acier !
  1. «FLOOVANS,dit Richiers,mult por estes cortois ;
  2. «Por noiant avez armes,destriez et paulefroiz .
  3. «Vos avez gant le cors,faites pinier vo poiel ;
  4. «Por amors ceste dame arez vos trop avoir .
  5. «E !diva,mauvais rois,ja fu tu fiz de roi,
  6. «Se n''as ne vars ne gris,destrier ne paulefroi,
  7. «Se tu ne lou conquiers à l''espée viannois !
  8. -Richiers,dit Floovans,merci,por Deu lou voir !
  9. «Ne lou panserai mais,or le me pardonoiz .
  10. -Sire,ce dit Richiers,tot pordonez vos soit,
  11. «Mas gardez vos très bien que plus ne lou pansoiz .
  12. -No ferai je,Richier,jel vos outroi por foi .»
  1. LA tançon ont laisie Richiers et Floovanz ;
  2. Vers Beaufort s''en retornent à lor grailes sonanz .
  3. Li borjois de la vile lor sunt venuz devant,
  4. Et moïmes li rois est venuz tot devant,
  5. Qui lor ai demandé com lor est covenant :
  6. «Qué novelles me dites dou Chatel Avenant ?
  7. -Moult bien,la merci Deu,dit Urbens l''Aulemaz ;
  8. «Vaincue est la bataile,si est nostres li chans .
  9. «Onques mès nan véites tant ocire de gant,
  10. «Ne omes si morir,ne paiens tan sanglanz ;
  11. «Sor tote nostre gant le firent miauz li Franc .
    12. [ fol. 0358 ]
  12. «Li novel adobez lor ai mort Escorfan,
  13. «Dotalien son drut et l''amiraul Gurtam ;
  14. «Deci à lor chatel les ai menez ferant .
  15. «Magalie est as estres,la file l''amiram ;
  16. «Asez dit Floovant paroles et samblanz .
  17. -Je sa bien,dit li rois,proudome sunt li Frans .»
  18. Il vint à Floovan,se li dit an riant :
  19. «Prenez de cest achec tot à vostre talant .
  20. -Sire,dit Floovans,je n''an demant noiant ;
  21. «Retenez à vos,sire,departez à vos ganz,
  22. «Au pouvres soudoiers,qui desservi l''an tant,
  23. «Qui por vos guerres sunt ci à vos remenanz .»
  1. LE gaieg departirent antre les soudoiiers ;
  2. A plux de .M .an donent qui ann orent mestier .
  3. A lor ostel s''an vont Floovans et Richier ;
  4. Ovecques aus ammoinent .IIIIc .chevalier,
  5. Et Urban l''Aulemant menerent por mengier .
  6. La pucelle desvaule contreval le plainchié,
  • 1.
    Sor son elme vergié. Le manuscrit
    donne ici vergier, comme plus haut deviser et coper
    pour devisé et copé.