Floovant

Geste

Floovant: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Lucence Ing , Floovant: Chanson de geste , éd. par Henri Michelant , Françoise Guessard , P. Jannet Paris 1858 F. Vieweg Paris 1859

  1. Puis an ocit .I .autre qui mult fu foz et fiers .
  2. Richiers vit la grant presse des cuvers renoiez ;
  3. Il ai sasi Joouse qui estoit à son chief,
  4. Lors est venuz au murs,si s''est aval glaciez :
  5. Cele nuit s''anboichai à la lune et au ciel .
  1. RICHIER s''est anboichiés en .I .brulet foilu .
  2. Maudaranz et Maudoires et li rois Mauqueruz
  3. Le fiz le roi de France leverent sur .I .mul ;
  4. Les piez li ont liez et les mains por desuis .
  5. Quant il ont Maugalie,onc tel joie ne fut .
  6. Or chevauchent paiens,à qui jai Dex n''aüt,
  7. S''anmoinent Floovant,dolant et irascu .
    8. [ fol. 0368 ]
  8. Des larmes de ses iauz l''ermine qu''ot vestu
  9. An est trestoz moiliez et li bliaus desuis .
  10. Tandremant vai plorant et sopire menu :
  11. «Par Deu,baus sire peres,tor an avez éu ;
  12. «Jemais ne me vauras,se Dex ne fait vertuz .
  13. «E !Richiers,jantis bers,fiz Joceram le duc,
  14. «Jemais por vostre cors ne saira secoruz .»
  15. Tant chevauchent paiens qu''à Bame sunt venuz .
  16. Sor l''erbe qui fut verz sont à pié desçanduz,
  17. Et tindrent Floovant por l''ermin qu''ot vestu ;
  18. Por les degrez de mabre sont ou palais venuz .
  1. MAUDARANZ et Maudoires,li cuvers losoingiers,
  2. Por les degrez de mabre monterent ou plainchié .
  3. Et trovent de Persie l''amiraul Galiien :
  4. «Amiraus de Persie,or soies baus et liez ;
  5. «Le François te randons qu''est estant outrequdiez .
  6. «Ber,car an fait jotise,si li cope le chief .»
  7. Quant l''amiraus l''entant,onques ne fut si liez ;
  8. Ses mains an a tandues contramont vers le ciel :
  9. «Ahi !Maonmot sire,mout par iestes prisiez .»
  10. De ses homes apale li cüers renoiez :
  11. «Faites moi unes forches desor ce pui drecier,
  12. «Si pandrons ce François,quant nos arons mengié .»
  13. Quant l''antant Maugalie,si l''an prist grant pitié ;
  14. Au Chatel Avenant li ot il ja mestier :
  15. «Amiraus de Persie,car te lais conselier ;
  16. «Deci à .XV .diz .I .respi lor donez,
  17. «Qu''aurez mandez vos homes,vostre ariere ban fier,
  18. «Puis an feroiz jotise,voiant .M .chevalier .
  19. -File,dit l''amiraus,mout faites à prisier ;
  20. «Tout ce qne vos me dites doi je bien outroier .»
  21. Anz ou fonz de la chartre lai le fait trabuchier .
  22. Boz i ai et calovres,don est mout esmaiez ;
    23. [ fol. 0369 ]
  23. Sore li sont coruz comme chiens anraigiez :
  24. Il ne remansit mie que il ne fut mengiez ;
  25. Mas li bers s''i desfant à .I .picon d''acier
  26. Que Sarazins i orent oblié et laisié .
  27. Laisons de Floovant,qui n''ai pas le cors lié,
  28. Si dirons de Richier commant ai esploitié .
  29. Tote nuit a jéu en .I .brulot foilié,
  30. Deci à l''andemain que il dut esclarier,
  31. Que li bers se redroce,qui le cour ot iré
  32. De ce que Maudaranz les ot si anginez,
  33. De Floovant,son maitre,qui à mort est jugiez .
  34. Pres vai qu''i ne s''ocit de doel et de pitié ;
  35. Ses poinz vai detordanz li gantiz chevalier .
  1. TOTE nuit just Richiers enz ou bois verdéant,
  2. Vit le chatel ardoir et le palais plus grant ;
  3. Uns et uns reversa toz les morz por les chans,
  4. Savoir se il trovat son seignour Floovant .
  5. Quant il ne pout trover,moult por an fut dolanz .
  6. Antre les autres trove dan Urban l''Aulemant,
  7. Navré pormi le cors de .II .espiez troichant .
  8. Quant Richiers l''ai véu,moult por an fu dolanz ;
  9. Demande li novelles de l''anfant Floovant .
  10. «Paiens l''an ont mené »,ce li ai dit Urbans .
  11. Adonc s''est estanduz,l''arme s''an part atant .
  12. A Damedeu dou ciel,lou roi omnipotant,
  13. Ai commandée l''arme Richiers,qui moult es frans,
  14. Puis an vint à Biaufort,ainçois tierce sonant .
  15. Li rois estoit montez sor .I .mulet anblant,
  16. Si auloit oïr messe au moustier sain Vinçant .
  17. Lors s''estoit regardez tot contravaul .I .chan,
  18. Et vit venir Richier,coroçous et dolant,
  19. En chemise et an braies,s''espée paumoiant .
  20. Quant li rois l''ai véu,ancontre vai errant ;
    21. [ fol. 0370 ]
  21. Si li ai demandé com li est covenant .
  22. «Sire,ce dit Richiers,certes mauvaisement .
  23. «Tu fil nos ont traï,li glotons soduanz,
  24. «Qui ont ars ton chatel et ocise tan gant .
  25. «Et Sarazins anmoinent mon seignor Floovant .»
  26. Quant l''entandi li rois,à poi d''ire ne fant ;
  27. .IIII .foiz se paumai desus le mul anblant :
  28. Ja fut chéuz à terre,se ne fuse sa gant .
  1. QUANT entandi li rois de ses fiz les déaubles,
  2. Qui ont ars son chatel et ocis son barnaige :
  3. «Ahi !cuvers,fait il,por coi onc le pansates ?
  4. «A Damedeu m''an plain et au baron Saint Jaque,
  5. «Et à toz les sainz Deu,qui jotise m''an facent .»
  6. Onques mais ne dit chose qui plux fut veritauble ;
  7. Car puis lors ann avint une honte si maule
  8. Comme vos m''orez dire,se la chançon dure auques .
  1. LI diaus fut an la vile mirabiles et pesmes ;
  2. Mas desor touz les autres le moine moinent1 la pucelle .
  3. Où que el vit Richier,doucemant l''an apale :
  4. «Commant vos est,fait elle,chevalier debonaires ?
  5. «Est dons pris Floovans à la color novelle,
  6. «Le moilour chevalier qui onc montast an salle ?
  • 1.
    Li diaus fut an la vile mirabiles et pesmes,
    Mas desor touz les autres le moine la pucele.
    C'est-à-dire : Le deuil fut en la ville prodigieux et cruel ;
    mais par dessus tous les autres le mène la pucelle. (La
    pucelle est plus affligée que personne.) En conséquence
    nous corrigeons le manuscrit, qui donne par erreur
    moinent au lieu de moine.