Capitains Nemo

Lai trovai l''amiral Galienz le vis fier,
Où fait s''ost asanbler de la jant l''aversier ;
Nuns n''an sait aconter les çanz ne les miliers .
Mauderanz et ses freres li sont venuz à piez,
Le souler et la chauce li a estroit baisié .
L''amiraux lor demande :«Qui estes,chevalier ?
-Sire,dit Maudaranz,ne lou vos quier noier :
«Fis sumes le roi Flore,qui se fit batisier ;
«Nostre peres est déaubles,ne povons avoier,
«Ainz ai mandé an France .II .novaus novais¹ soudoiers .
«Il i ai .I .cuvert qui tant por se fait fiers
«Fernagu vostre fiz vos ocit avant ier,
«S''ai conquise ta file,Maugalie au vis fier .
«Il ne la doinea panre à pres² ne à moilier,

[ fol. 0365 ]

«Ainzsois la vot doner à .I .son escuier .
«N''an vosimes le plait graer ne outroiier ;
«A Moom nostre deu nos venos avoier .
-Barons,dit l''amiraus,moult faites à prisier ;
«Ne perdras de vo terres vailesant .I .donier,
«Aiz aurez de la moie .XV .chatais an fier .»
L''amiraux en apale Pinar le desfaé :
«Faite moi Maonmot devant moi aporter .»
Et cil li respondirent :«Si com vos commandez .»
Desuis .IIII .colomes le firent amener .
Li vilains fut moult gros et parfons et cairé ;
De plus fin or d''Esrabe fut forgiez et fondez,
Comme dame an gecine fut bien ancortinez ;
Ausi li lut la teste comme cierge ambrasez .
Maudaranz et Maudoires li sont à piez aulez .
«Aï !Maonmot sire,ja estes vos si ber
«Jai ne porai sans vos ja³ gresilier ne vanter ;
«Nos ne povons garir san la vostre bonté .
«Dou roi Flore no pere venons à vos parler,
«Dou barnaige de France venons à vos parler .»
.I .grant baton à or li ai ou poi boté .
.M .Sarazins s''an lievent,qui tuit li ont crié :
«Aï !Maonmot sire,ce droit lor recevez ;
«En vostre merci sont,quant pandre le vorez .
Lai ot .I .Sarazin qui ot non Jacobé,
Tot vaz et tot chenu,car .C .anz ot passez .
De la loi Maonmont fut si argumantez
Et si sout des estoiles et dou cours de la mer,
Si lor trait les sarmons à granz festes annez
De la loi Maonmot et d''Apolin lor dé,
Si com il vint an terre por lou pouple sauver .
«Barons,dit li cuvers,à moi ann antandez :
«Maonmoz nostre sire est mult gantiz et bers ;
«Ce droit que vos li faites an respit li metez

[ fol. 0366 ]

«De ci que à .III .mois que il soit porpansez ;
«Se povez bien servir,jai n''iert dou droit parler .
«Il vos manrai an Frace por si ruste firté
«Soz le pont de Monmartre vos ferai panre ostel ;
«Maudaranz serai rois,et fors rois coronez .»
Et respont li cüers :«De folie parlez ;
«Se mes sire me baile .IIIIc .ferarmez,
«Ja ne sera ainçois demen li soirs pasez
«Qu''ou Chatel Avenant li ferai panre pareostel :
«Les François li randrai qui moinent tel fierté .
-Barons,dit l''amiraus,vos an auré asez .»

OR escoutez,seignour,s''oez de Mauderam,
De Maudoire son frere,et fiz le roi Floram :
L''amiraus lor bailai .IIII .mile Persamz ;
Tote nuit ont erré à la lune lusant,
Et vindrent au chatel ainzsois l''aube aparant,
Et i vindrent lor homes en .I .petit pandant .
Maudaranz et Maudoire s''en sont aulez avant,
Et dient au portier .IIII .moz an roman rom:
«Portiers,ouvre la porte,lai nos antrer léanz .»
Li portiers fit que sages fit que fous⁴ ,si vit l''anboichemant
Des auberz et des elmes et des chevaus coranz .
Li portiers lor respont,qui n''estoit pas anfant :
«Glotons,estez arieres,n''i antreroz noiant .»
Quant l''entendi Maudoire,à po ne pert le sam :
«Ovre,cuvers,la porte ;ja sui je Maudaranz,
«Et mes freres Maudoires,et fiz le roi Floram :
«Au soudoiers de France volons parler léanz .
«Dès hui matin à l''aube avons esploitié tant,
«Demain irons à Basme movoir tornoiemant ;
«Se paiens s''an isoient,mout nos mout lor nos⁵ sanbleroit gant .»
Li portiers fit que fous,qui les laise antrer anz ;
Il i perdi la teste,n''i out de mort garant .

[ fol. 0367 ]

Maudaranz li copai à l''espée trainchant ;
La teste an fit voler sor le pont metenant .

LI portiers fit que fous qui lor ovri la porte ;
Il i perdi la teste enz qu''elle fut reclose .
Entrez sunt anz por force antre lui et Maudoire ;
De l''osteosté Floovan et à Richier,qui dorment,
A force,à poesté ont prisies les portes ;
Sore lor sunt coruz à mervoilouse force,
Et pristrent Floovant,qui ne lor pout estordre ;
Les poinz li ont liez estroit à une corde .

DE l''osteosté Floovant ont les portes prisiez ;
Sore li sont coruz plux de .IIII .miliers,
Floovant ont saisi,coroçous et irez,
A fors cordes li ont les poiz estroit liez .
Richiers jut d''autre part en .I .lit antailié ;
Quant vit son seignor panre,mout an fut corociez :
Il a pris une lance qui gisoit à son chief,
Firt .I .roi sarazin qui li est apruchiez
Que tot l''ai porfandu entreci qu''el braier,