Capitains Nemo

«Trestot le premier jor que il fu coronez,
«Que quidames en France dormir et reposer,
«Nos fist il après vos chevauchier et errer,
«Et si riche present vos a fait aporter .
«Bien est aparissant que mestier en avés :
«Je voi trestous vos homes et velus et anflés

[ fol. 0080 ]

«A paines puet chascuns sor ses .II .piés ester ;
«Ne vos ne poés mie sor .I .cheval monter,
«Ains avés .I .baston à coi vous apoés .
«Je quis que cis bienfais nos ert à mal tornés .
«Quant vos le menaciés,n''estes mie senés ;
«Mais,se sages fuissiés,vous l''an séussiés gré .»
Quant l''entent l''emperere,si a le chief cliné ;
Et quant il se redrece,si s''est haut escriés :
«Par saint Denis de France,vos dites verités ;
«D''ore en avant sera mon dru et mon privé,
«Benéoite soit l''eure que il fu angendré !»
Atant es vos Rollant et Olivier son per,
Qui vienent des montaignes dont il sont devalé .
Quant voient les somiers,grant joie en ont mené .
Les enfans esgarderent,que bien sont atorné .
«Biaus niés,dist l''emperere,Rollans,avant venez,
«Si orrois teus noveles dont vous joians serés :
«Il ont fait roi en France d''un mult biau bachelier ;
«Mais il n''a si riche home an la crestienté,
«Ne meillor chevalier,si com on m''a conté .
«Il est bons justicier ;ja mar le mescrerés .»
Quant Rollans l''entendi,si a .I .ris gité :
«Sire,ce dist li cuens,il ont mult bien ovré .
«S''il est si gentils hon com je vous oi conter,
«Vos li laisserés France à tous jors à garder,
«Et vos panrois Luiserne ;bien vous en guerirés .»
Quant l''entandi Karlon,si a le chief crollé,
Qu''il set bien que ses niez Rollans l''a ranposné :
«Ha !glous,dist l''emperere,com tu es forsené !
«Ains ne me fu par toi .I .bons consaus donés .»
Par poi que nel feri de son gant sor le nez .
«Sire,dist Olivier,mult grant tort en avés :
«Il a .XXVII .ans acomplis et passés
«Que je ne jui en sale ne en palais pavé,

[ fol. 0081 ]

«Mès par chans et par terre et par vaus et par prés,
«Et tant avons sosfert de pluies et d''orés,
«De grans fains et de sois et de chaitivetés
«Que nel porroit escrire nus clers tant soit letrés ;
«Et or,sans achoison,si fort nos ranposnés !
«Ne mès,par cel Seignor qui an crois fu penés,
«Ja ne verrois .VII .jors acomplis et passés
«Que je m''an quit en France ariere retorner .
«Ne vi pieça ma mere,qui tant fait à loer,
«Ne Aude,ma sereur,qui le viaire a cler .
-Par mon chief,dist Rollans,je ferai autretel .
«Laissomes ce viellart qui tous est assotez ;
«A .Cm .dyables soit ses cors commandés !»
Atant es Ganelon et son compain Hardré ;
Tebalt et Alori,Malvaisin et Mauré .

Cil Sires les confonde qui an crois fu penés !
Olivier de Viane a par non apelé :Guenes veit Olivier,si l''a aresonez .²
«Damoisiaus debonaires,à moi en entandés :
«Bien sommes .XVm .del meillor parenté,
«Qui tuit avons sor sains et plevi et juré
«Que nos an douce France an devons retorner .
«Pris avons les chastiaus,les bours et les cités ;
«Canque nous avons fait sera tout oblié .
«Or vienent cil garçon qui de France sont né,
«Qui sont de nos avoirs manans et asasés,
«Et amainent leur roi que il ont queroné .
«Par force nos toldroit totes nos herités ;
«Mais,par ce saint apostre c''on quiert en Noiron pré,
«Se volés otroier la moie volanté,
«Ja seront cist mesage ocis et decoupé .»
Quant Karles l''entandi,si a le chief cliné ;
Et quant il se redrece,s''apela son barné .

L''EMPERERE de France en apela Ogier,
Et Naimon à la barbe et Tierri et Renier,

[ fol. 0082 ]

Richart de Normandie et Sanson le guerrier,
Et Yvon et Yvoire,Haton et Berangier ;
Et s''an a regardé Rollant et Olivier .
Et s''i est Ganelon et dant Hardré ses niés,
Tiebaut et Alori,le cuivert renoié,
«Baron,dist l''emperere,et car me consoilliez :
«Il ont fait roi en France de Guion le guerrier,
«C''à moi n''à mon pooir n''an pristrent ains congié .»
Quant Naimes l''entandi,sel prist à araisnier ;
Par mautalent regarde le bon danois Ogier .
«Baron,dist l''emperere,trop vos voi aquoisier .
-Sire,dist Ganelons,je pallerai premier :
«Mult est de sens mauduit,ne vous set consoiller,
«Et de vostre demande ne vos set apaier .
«Il ont fait roi en France d''un cuivert pautonier,
«Qu''à vous n''à vo pooir n''an pristrent ains congié ;
«Certes,c''est une chose dont vos doit anoier .
«Or,faites la vitaille maintenant deschargier,
«Si la faites livrer as barons chevaliers,
«As princes et as dus et as contes prisiés .
«Gardés povres n''an ait vaillant .IIII .deniers,
«Que tost seroit gastée,se vous lor otroiez ;
«Puis,faites les enfans trestous nus despoiller,
«C''ancor nos pueent bien lor dras avoir mestier .
«Puis,lor faites lier et les mains et les piés
«Et faites à chascun une corde lacier

Gui de Bourgogne

Geste