Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. «Par desous le menton,fort estraindre et lier,
  2. «Si les faites noer as keues des somiers,
  3. «Et si faites nostre ost meintenant deslogier,
  4. «Et alés sor Guion,ce cuivert pautonier,
  5. «Et si faites ses homes ocire et detranchier,
  6. «Et lui méismes fa tes as forches ancroier :
  7. «Jamès ne vous porrois plus belement vangier .»
  8. Quant Karles l''entendi,n''i ot que coroucier .
    9. [ fol. 0083 ]
  9. Dus Naimes de Baiviere an est saillis an piés :
  10. Son mantel lest chaoir,qu''est à or entailliés,
  11. Sa barbe li baloie jusc''au neu du braier,
  12. Par desour les oreilles ot les guernons treciés,
  13. Derier el haterel gentement atachiés ;
  14. Mult resamble bien prince qui terre ait à baillier .
  15. A sa vois qu''il ot clere commença à huchier :
  16. «De Damedieu le pere,qui le mont doit jugier,
  17. «Soit honie la char à itel conseillier,
  18. «Et maudis soit li rois qui vos a à baillier,
  19. «S''il selonc vo servisse ne vos rent le loier .»
  20. Quant Ganelon l''entent,le sens quida changier ;
  21. Nel vausist avoir dit por plain .I .val d''ormier .
  1. «SIRE,dist li dus Naime,entandés ma raison :
  2. «Ne créez la parole ne conseil Ganelon ;
  3. «Vos an repantiriés,par le cors saint Simon .
  4. «Ne volés pas ocire les mesages Guion,
  5. «Que li enfant sont né de nostre region .
  6. «Encor vos dirai plus,empereres frans hon :
  7. «Espoir mes fils i est ou l''Ogier le baron,
  8. «Ou Tieri ou Renier,ou le riche Sanson,
  9. «Ou Richart le Normant,ou le bon duc Odon .
  10. «Mais faites deschargier la vitaille à bandon,
  11. «Si en faites livrer à vostre ost par raison,
  12. «Si que povres ne riches n''an ait fors que par don .
  13. «Puis,prenés les enfans qui sont de grant renon,
  14. «Ses faites envoier en vostre region,
  15. «Jusc''à demain à l''aube que il s''esveilleront .
  16. «Lors,si mandez au roi grans mercis de son don,
  17. «Et vos viegne secorre por Dieu et por son non ;
  18. «Et si laissiés ester le consoil del felon .»
  19. Quant Ganes l''entendi,s''an ot grant marison .
  20. Il en a apelé Hardré,son compaignon,
    21. [ fol. 0084 ]
  21. Tibaut et Alori et ceus de Morillon,
  22. Et le riche linage qui ait maléicon :
  23. Bien furent .XVm .li encrimé felon .
  24. Il jurent Damedieu,qui soffri passion,
  25. Que il feront encore dolant le duc Naimon,
  26. Rollant et Olivier,l''emperéor Charlon .
  27. N''en mantirent de mot ;li cors Dieu mal lor dont !
  28. Que puis les vandi Ganes au roi Marsilion,
  29. Et traï par envie les .XII .compaignons,
  30. En Reinschevaus morurent à grant confussion .
  31. Huimès porrois oïr une bone chançon ;
  32. Jamès par jugléor tele n''orra nus hom .
  1. GANELON s''an repaire .Durement fu irés,
  2. Et jure Damedieu,qui an crois fu penés,
  3. Qu''il les fera encore coreceus et irés .
  4. Et Karles s''an repaire as loges et as trés,
  5. Puis a fait destrousser les mulès afeutrés,
  6. La vitaille par l''ost partir et deviser .
  7. Onques povres ne riches n''an fu de part ostés,
  8. Chascuns selonc sa puissance et selonc sa bontés ;
  9. Contremont la grant ost en avoit à plantez .
  10. De boivre et de mangier fu chascun asasez ;
  11. Tuit benéissent l''eure que Guis fu coronez .
  12. «Naimes,dist l''emperere,biaus sire,çà venez :
  13. «Véés vos cel enfant qui Bertrans est clamez ?
  14. «Damediex me confonde,qui en crois fu penés,
  15. «Se il n''est vostre fils,de vo fame angendrez ;
  16. «Je nel vi onques mais,mais bien l''ai avisé .
  17. -Ne sai,ce dist dus Naimes,mès felon l''ai trové .
  1. -SIRE Tierri d''Ardane,dist Karles au vis fier,
  2. «Véés là cel vallet qui tant fait à proisier ?
  3. «On l''apele Berart,si est de Mondisdier ;
    4. [ fol. 0085 ]
  4. «Damediex me confonde,qui tot puet justicier,
  5. «Se il n''est vostre fils et de vostre moiller .
  6. -Ne sai,ce dist Tierris,foi que doi saint Richier ;
  7. «Il me clama jehui felon et pautonier .
  8. «Mais faites les huimès avoc vos herbergier .»
  9. Et respont l''empereres :«Bien fait à otroier .
  1. «ENFANT,dist l''empereres,à moi en entandez :
  2. «Il vous covient huimez avec nous osteler .»
  3. Et cil ont respondu :«A vostre volenté .»
  4. Le duc Hue de Lengres a li rois apelé :
  5. «Dites as Alemans que il vuident leur trés,
  6. «Si faites ces enfans richement osteler,
  7. «Jusc''à demain à l''aube,que il soit ajorné .»
  8. Et cil li respondirent :«Si com vos commandez .»
  9. Tost et isnelement est ou cheval montez ;
  10. As Alemans a dit que il vuident lor trez .
  11. L''empereres de France i fait Bertrant mener,
  12. Ses autres compaignons i fait o lui aler ;
  13. Et cil se sont assis belement par les trez .
  14. Bertrans,li fils Naimon,le prist à apeler .
  15. «Seignor,ce dist li enfes,à moi en entandez :
  16. «Je vos proi,por celui qui en crois fu penez,
  17. «Que vos tot coiement huimès vos contenez .
  18. «Mangiez à mult grant joie et à reson bevez ;
  19. «Et ne vos chaille mie du roi Guion paller,
  20. «Ne qui est li suens peres et li siens parentés ;
  21. «Que Karles l''emperere est tant gentils et ber