Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. «Que bien tost nos feroit espier et garder,
  2. «Savoir s''il nos orroit du roi Guion paller,
  3. «Ne qui est li siens peres et li siens parantez .
  4. «Et je ne le vodroie por .I .mui d''or comblé,
  5. «Que jamais à Guion n''oseriens retorner .»
  6. Et li enfant respondent :«Si com vos commandés,
    7. [ fol. 0086 ]
  7. «Et nos nos contendrons comme vos miels vodrez .»
  1. L''EMPERERE de France fist forment à proisier ;
  2. Odon en apela et Naimon et Ogier,
  3. Et Tierri l''Ardenois,et Richart et Renier,
  4. Et les barons de France,qui mult font à proisier :
  5. «Seignor,dist l''emperere,montez sans detrier,
  6. «S''irons à ces enfans parler et acointier .»
  7. Et cil ont respondu :«Bien fait à otroier .»
  8. Lors monta meintenant Rollans et Olivier,
  9. Et tuit li autre après,sans plus de l''atargier ;
  10. Jusc''às trés as enfant ne volrent detrier .
  11. Premerains les choisi Berart de Mondisdier ;
  12. Où que il voit Bertrant,sel prist à araisnier :
  13. «Damoisiaus debonaire,vés ci Karle au vis fier,
  14. «Et si est vostre peres trestout ou premier chief .
  15. -Ausi i est li vostres,Bertrans li respondié .
  16. «Seignor,ce dist Bertrans,vostre reson bessiez,
  17. «Que ne vos oie Karles,l''empereres proisiez .»
  18. Estes vos l''emperere qui descendi à pié .
  19. Encontre lui se dresce Bertrans li mesagiers,
  20. Auberis li Borgoins et Hues l''envoisiez,
  21. Estous,li fils Odon,Berart de Mondisdier .
  22. L''emperere de France les en a araisniez :
  23. «Enfant,ce dist li rois,de Dieu soiez seigniez
  24. «Et de la sainte crois où il fut traveilliez ;
  25. «Je suis à vos venus parler par amistiez .»
  26. Et li enfant respondent :«Diex an soit graciez .»
  27. Karles li empereres joste Berart s''asiet,
  28. Et Turpins l''archevesques est assis dalés lié .
  29. Karles en apela Bertrant le mesagier .
  30. «Amis,dist l''ampereres,faites pais,si m''oiez :
  31. «Quels hom est vostre sires ?Gardés nel me noiez .
  32. -Par mon chief,fait il,sire,mult est bien enseigniez .
    33. [ fol. 0087 ]
  33. -Si m''aït Diex,dist Karles,il fait mult à proisier ;
  34. «Mès fors que d''une chose me puis mult merviller,
  35. «Quant il corone a mise,sans mon loz,sor son chief .
  36. -Que vos a il mesfait ?dist Torpin au vis fier .Bertran li respondi .1
  37. «Ains n''ot an tote France ne chastel ne plessié,
  38. «Ne n''i reçut de rante vaillant .I .sol denier .»
  39. Et Berart respondi :«Il dit voir par mon chief .
  40. -Et les dames que font ?dist Karles li proisiés .
  41. -Sire,ce dist Berars,à celer nel vous quier,
  42. «En chars et en charetes les fesons charier ;
  43. «Si i vient vostre suer,à celer nel vous quier,
  44. «Et si i vient bele Aude,la soreur Olivier .»
  45. Quant Rollans l''entandi,s''an est plus mervilliés .
  46. Où que il voit Bertrant,sel prist à araisnier,
  47. Tost et isnelement le corut enbracier :
  48. «Damoisiaus debonaires,par la vertu du ciel,
  49. «S''or éusse avoc moi palefroi ne destrier,
  50. «Ou bon faucon mué ou ramage esprevier,
  51. «Certes gel vos donasse de gré et volentier .
  52. -Sire,ce dist Bertrans,à celer nel vos quier,
  53. «Quant vos serés en France venus et repairiés,
  54. «Et aurés recéu vos rantes et vos fiés,
  55. «S''adont faites por moi,bien vos doi mercier .
  56. -Si m''aït Diex,dist Karles,bien estes enseigniez .»
  57. A icele parole en est levez an piés .
  58. «Enfant,fait l 'empereres il2 ,je vos demant congié,
  59. «A ce Dieu vos commant,qui en crois fu dreciés .»
  60. Au departir qu''il firent plorerent de pitié,
  61. Et si plorent andui Rollant et Olivier .
  62. L''emperere de France an retorna arier,
  63. Devant lui regarda,si choisi .I .paumier,
  64. Qui ot espié et paume et chapel en son chief .
  65. L''emperere de France le prist à araisnier :
  66. «Car me prestés vos dras,qui ne sont pas antier,
    67. [ fol. 0088 ]
  67. «Et si vestez les miens,qui sont riche et mult chier .
  68. -Volentiers,à non Dieu »,ce li dist li paumiers .
  69. Entre lui et le roi sont andui despoillié .
  70. Karles vesti la guige here3 ,mist le chapel el chief,
  71. Les housiaus a liez desi au col du pié,
  72. L''escherpe cordowane a à son col lacié ;
  73. Il a pris le bordon grant et gros et antier .
  74. Karles se regarda,si vit blanchir ses piés ;
  75. En sa main tint li rois .I .quenivet d''acier,
  76. En plus de .XXX .leus en fait le sanc glacier,
  77. Après les a boutés en .I .tas de fumier ;
  78. Mult par furent hideus quant les en a sachiez .
  79. Il en a apelé le bon Danois Ogier .
  80. «Amis,ce dist li rois,mult me puis merviller :
  81. «Il ont fait roi en France de Guion le guerrier,
  82. «A moi n''à mon pooir ne pristrent onc congié ;
  83. «Certes,c''est une chose dont me puet anuier .
  84. «Par icel saint apostre que quierent penancier,
  85. «Ne voil que l''an me tiegne à coart n''à lanier,
  86. «Que je encor ne puisse monter sor mon destrier
  87. «Et porter mon escu,ferir dou branc d''acier .
  88. «Je m''an irai léans la cité espier,
  89. «Savoir où li mur sont plus legier à percier .
  90. «Ja Damedieu ne place qu''en puisse repairier
  91. «S''aie éu paor de la teste tranchier ;
  92. «Qui la novele an voist à Guion le guerrier,
  93. «Qu''il me crieme et redoute de la teste tranchier .
  • 1. Que vous a il mesfait ? dist Torpin au vis fier.
    Leçon de b :
    Que vous a il mesfait ? Bertran li respondi.
  • 2.
    Enfant, fait l'empereres, je vous demant congié.
    Leçon de a : Enfant, fait il, je vous.....
  • 3.
    Karles vesti la guige, mist le chapele et le chief.
    Leçon de b :
    Karles vesti la here.....
    leçon qui nous semble préférable. On se revêt d'une
    haire, et non d'une guige, qui est un cordon.