Capitains Nemo

Il haucha le poing destre qu''il ot gros et quarré,
Parmi le chaaignon li a tel coup doné
Qu''il li froisse et esmie le maistre os moelé,
Les .II .eus de la teste li a fait jus voler ;
Très devant Aquilant l''a jus mort craventé .
Et Aquilant s''escrie :«Ce paumier me prenés ;
»Orandroit ert pandus sans point de demorer .

[ fol. 0092 ]

-Par Mahomet,mon Dieu,fait li rois Salatrés,
«Plus vos a il mesfait que li paumiers assés .
«Vos dites grant merveille et si antreprenez,
«Qu''il le prist par la barbe,sans point d''aresoner .
«S''il li éust mesfait,bien li fust amandé ;
«Vos l''en féissiés droit volantiers et de gré .
«La venjance en a prise,et sans lui desfier ;
«S''il l''en est meschéu,n''en fait mie à blasmer .
«Se li paumiers a droit,si l''en laissiez aler .»
Aquilant li respont :«Vos dites verité,
«Il n''aura mès hui garde de mort ne d''afoler .»
Atant es .I .garçon corant et abrievé .
Où qu''il voit Aquilant,si li a escrié :
«Aquilant,gentils rois,trop poez demorer :
«Ja perdrois ceste vile,se vous ne vous gardez .
«Karles assaut as portes,li fors rois coronez ;
«Il a le pont brisié et empli le fossé .»
Quant Aquilant l''entent,si s''est haut escrié :
«Or as armes,baron !gardez n''i demorez .»
Et il si firent sempres,quant il l''ot commandé .
Il méismes ses cors est maintenant montez s''est maintenant armez¹ ;
Où qu''il voit le paumier si est haut escriez :
«Paumier,dist Aquilant,frere,ci m''atandez ;
«Je revendrai à vous quant l''assaus ert remés ;
«Tant vos donrai dou mien que bon gré m''en saurez .
-Sire,dist l''emperere,si com vos commandez .»
Puis dist entre ses dens :«Atandus n''i serez .»
Aquilant de Luiserne est à l''assaut alez .
Karles li ampereres est an estant levés,
Parmi les orbes rues commença à aler
Et regarda la vile et de lonc et de lé,
Et voit les murs si fors et si bien séélé
Qu''il ne doutent assaut d''ome de mere né .
Lors s''en vait à la porte,qui fu d''antiquité .

[ fol. 0093 ]

Li Sarasin des murs commencent à crier :
«Paumiers,se tu t''an vas,il t''auront ja tué .»
Et Karles ne dit mot,ains a tout escouté .
Venus est au guichet,ains ne li fu vaez,
Et,quant il an fu hors,s''est an fuies tornez ;
Ne s''i tenist à lui .I .destrier sejornés .
Venus est à l''assaut,si l''a fait arester .

CHARLES a fait l''assaut remanoir et laissier,
Que bien sent que sa force ne li vaut .I .denier .
Dedens son tref demaine en apela Ogier,
Et Sanson de Borgoigne et Naimon le Baivier :
«Baron,laissiez l''assaut,que ne vous a mestier ;
«Autre chose i covient c''assaillir ne lancier .»
Icele nuit se couchent deci à l''esclairier .
Lors se leva li rois,il et si chevalier .
Devant lui fait venir Bertrant le timonier,
Bele et cortoisement le prent à araisnier :
«Amis,ce dist li rois,volez vos repairier ?
-Sire,ce dist Bertrans,nos n''avons que tardier .
-Saluez moi,dist Karles,vostre roi le guerrier,
«Si li dites por Dieu que il me viegne aidier,
«Si m''aït Diex de gloire,que g''en ai grant mestier ;
«Et s''il n''a preu de terre,je li croistrai son fié .
-Sire,ce dist Bertrans,com vos plera si ert .»
Li enfant s''en repairent le jor,après mangier,
Et Karles les convoie,il et si chevalier .
Au departir les a l''empereres baisiez,
Et d''ambes .II .les eus a ploré de son chief .
«Si m''aït Diex,dist Naimes,bien poons anragier,
«Que nos véons ici les fils de nos moilliers,
«Si ne nos daignent mie acoler ne baisier .»
Et Karles s''en torna,il et si chevalier ;
Et li enfant chevauchent baut,oiant et lié .

[ fol. 0094 ]

Desi à l''ost Guion ne voldrent atargier .
Et l''enfes Guis se lieve quant il dut esclairier .
Devant lui regarda s''a véu le paumier,
Qui li ot dit noveles de Karlon au vis fier .
«Paumiers,dist l''enfes Guis,à merveilles t''ai chier .
«Quel vile est Montorgueil ?car le me di,paumier ;
«Di moi vraies noveles,garde nel me noier .»
Et li paumiers respont :«Jel dirai volentiers .

-PAUMIERS,dist l''enfes Guis,or me di verité,
«Par la foi que tu dois sainte crestienté,
«Se vous savez chastel,recet ne fermeté
«Où li rois Karles fust,où ne péust antrer .
-Sire,dist li paumiers,de noient en parlez .
«Encor en sai tieus .III .qui mult font à douter .
«L''une est Montorgueil,qui siet desur la mer ;
«Si la tient Huidelon,qui mult est desfaez ;
«Et cil a .II .biaus fils de sa fame angendrez :
«Je quit en toute Espaigne n''a plus biaus bacheliers ;
«Et Huidelon est mult fel et mult² desmesurez .
«La cité est si noble com ja oïr porrez :
«.III .eves i acourent³ devant par les chanez,
«L''une a non Rupane,l''autre Marne des guez,
«Si i cort anviron qui cort à Balesguez ;
«Escarflaires i cort,dont li floz est levez,
«Et,d''autre part la vile,si cort li flos de mer
«Dedens les clos des vignes,les vignes et les blez .

Gui de Bourgogne

Geste