Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. «Les eves sont si fieres con ja oïr porrez :
  2. «De pierres d''aymant i est grans la plentés ;
  3. «Onques Diex ne fist home,s''il i estoit antrez,
  4. «Por coi éust hauberc ne ceint le branc letré,
  5. «Que jamès an issist an trestot son aé .
  6. -Paumiers,dist l''enfes Guis ,m''isauras tu mener ?»
    7. [ fol. 0095 ]
  1. CE dist li enfes Guis :«Parole à moi,paumier :
  2. «Sauras me tu mener à Montorgueil le fier ?
  3. -Oïl,par ma foi,sire,oïl mult volentiers ;
  4. «Mais ce seroit folie se vous i aliez,
  5. «Que ja jor de cest siecle dedens n''anterriez .
  6. «Karles i sist .III .ans,li fors rois droituriers,
  7. «C''ains ne mesfist dedens vaillant .IIII .deniers .
  8. «N''en i fist mangonel ne periere drecier
  9. «Huidelons,n''en monta an cheval n''an destrier ;
  10. «Onques il ne si fil n''en vout armes baillier,
  11. «N''onques ne s''an deigna lever de son mangier .
  12. «Quant ce vit Karlemaines ne la porroit baillier,
  13. «S''ala à Montesclair,dolens et coreciés ;
  14. «.VIII .mois i sist li rois qui France a à baillier .
  15. «Au nueve s''an parti,dolans et coreciez ;
  16. «S''ala à Augorie,que rois Escorfaus tient .
  17. «Onques n''i laissa prince ne per ne chevalier,
  18. «Ains ala à Luiserne,où il encore siet ;
  19. «.VII .ans i a ja sis,mult li doit anoier .
  20. -Or,me manras,dist Guis,à Montorgueil le fier .
  21. «Tant te donrai avoir com en vodras baillier ;
  22. «Que,par cele corone que me mistrent el chief,
  23. «Ja n''irai à Karlon,le fort roi droiturier,
  24. «S''aurai pris Montorgueil,qui tant fist à proisier .»
  1. L''ENFES Guis de Borgoigne se prist à regarder :
  2. Contremont vers .I .tertre a son chief retorné,
  3. S''a véu les enfans qui vienent tot armé,
  4. Quant Guis les a véus,si est ancontre alez,
  5. .I .et .I .les besa,s''a Bertrant regardé :
  6. «Damoisiaus debonaires,comment avés erré ?
  7. «Véistes vos Karlon,le fort roi queroné ?
  8. -Oïl,par ma foi,sire :salus et amistez
  9. «Et vos mande li rois que vos le secorez,
    10. [ fol. 0096 ]
  10. «Por amor Dieu,biaus sire,que vos ne l''obliez,
  11. «Et Sanses de Borgoigne dont fustes engendrez ;
  12. «Et se n''avés preu terre,il vos donra assez .
  13. -Si m''aït Diex,dist Guis,ainçois parlerons d''el ;
  14. «A Montorgueil irons se Diex l''a destiné .»
  15. Et les dames des chars commencent à crier,
  16. Ains n''oserent au roi son commant devéer .
  1. L''ENFES Guis de Borgoigne en apela Bertran,
  2. Berart de Mondisdier et Estout le vaillant,
  3. Savari de Tolouse,Auberi le sachant,
  4. Et Torpin l''archevesque et les autres enfans .
  5. «Baron,ce dist li rois,entendez mon samblant :
  6. «Faites les trez destandre,gel voil et sel commant,
  7. «Et si faites les chars ateler maintenant ;
  8. «S''irons à Montorgueil,se Diex vient à talant,
  9. «Et panrons Huidelon,le cuivert mescréant .
  10. «S''il ne veut Jhesu croire,le pere roi amant,
  11. «Et bautisier sa fame et andeus ses enfans,
  12. «Je li ferai trencher la teste maintenant .»
  13. Et li enfant respondent :«Sire,vostre talant ;
  14. «Car nos n''osons desdire le vostre fier commant .»
  15. Lors sonerent .I .graille,et l''ost vait detriant .
  16. Les chars font ateler,si s''aroutent atant,
  17. Et les dames dedens orent les cuers dolans,
  18. Por ce qu''eles n''aloient à Luiserne la grant .
  19. Et l''ost s''est arotée et deriere et devant .
  20. Là oïssiés soner plus de .M .olifans,
  21. Grelles et chalemiaus et buisines bruians,
  22. Plorer et lermoier maint damoisel vaillant ;
  23. Mais n''osent à Guion desdire son commant .
  1. OR chevauce li rois,li et sa compaignie,
  2. Tot droit à Montorgueil,où li paumiers les guie .
    3. [ fol. 0097 ]
  3. L''enfes Guis de Borgoigne pansa mult grant folie :
  4. Huidelon quide panre à la barbe florie
  5. Et ses fils ambe .II .et sa grant baronie ;
  6. Mais il tienent lor terre du riche roi Marsile :
  7. Onques à Karlemaine n''en voldrent rendre mie .
  8. Et les dames des chars,chascune brait et crie,
  9. Por ce qu''ele n''aloient à Luiserne la riche,
  10. Por lor seignors véoir,que merveilles desirent .
  11. Et li rois Guis tantost fait mander dame Gile :
  12. Cele ert suer Karlemaine,le roi de Saint Denise,
  13. Et fame Ganelon,qui li cors Dieu maudie,
  14. Et ert mere Rollant à la chiere hardie .
  15. L''enfes va contre lui,ne se veut targer mie .
  16. Quant le voit la duchoise,durement li escrie :
  17. «Sire Guis de Borgoigne,por Dieu le fil Marie,
  18. «Irons nos à Luiserne,cele cité garnie ?
  19. -Dame,ce dist li enfes,nos n''irons encor mie ;
  20. «A Montorgueil irons,se Dex me benéie .»
  21. Quant les dames l''entendent,chascune brait et crie :
  22. «Lasses,maléureuses !com nos somes chaitives !
  23. «Nos ne verromes mès Karle de Saint Denise !»
  24. Et quant Guis l''entandi,li cuers li atanrie .
  25. Venus est au paumier ;à Montorgueil les guie .
  1. OR chevauce li rois,li paumiers le guia,
  2. Et par nuit et par jor onques l''ost ne fina .
  3. Quant ce vint au quinzieme,et li os s''arota,
  4. En .I .pré bel et gent li os se reposa .
  5. Tote nuit sejornerent tant que soleus leva,
  6. Si choisi Montorgueil,qui grant clarté geta,