Capitains Nemo

«Il li donra Espaigne,s''il la puet conquester .
-Par mon chief,dist li Turs,teus noveles portés
«Dont vos serois ancui menans et asasez .

[ fol. 0101 ]

-Voire,dist l''enfes Guis,je sui mult esfraez,
«Que nos ne savons mie ces eves trespasser :
«La piere d''aymant fet mult à redoter,
«Que nos haubers avons vestus et andossez,
«Que nos ne poons mie à Huidelon parler,
«Ce savons nos sans faille,se n''i poons passer .
-Par mon chief,dist li Turs,teus noveles portés
«Que je vous conduirai,puis que la pes querés .»
Contremont la riviere les a li Turs menés ;
Iluec truevent l''entrée par où doivent passer .
«Seignor,dist Maucabrez,entandez mon pensé :
«Ci a une chaucie qui a .X .piés de lé,
«Et si a .XII .liues de lonc à trespasser ;
«Or entrés belement,gardés n''i meschevés .
«Se vos la destornés,mult bien perdre i porrés ;
«Tost vos puet à domage et à anui torner .
-Par saint Denis,dist Guis,ne par saint Honoré,
«Vos i entrerés primes,qui les eves savés ;
«Se riens i perdïons,vos en seriés blasmés .»
Et li paiens respont :«Si com vos commandés .»
Il broche le destrier,si est avant entrez .
Or oiez les miracles que por Guion fist Dez :
Les eves sont retraites,si vont en lor chanés ;
Onques n''i ot cheval qui moillast les costés .
Et quant il vindrent outre,s''a Maucabré pallé :
«Seignor,dist li paiens,or pansez de l''errer .
«Alés à Huidelon vo mesage conter ;
«Vos savés bien la voie par où repairerés .
«S''il vos vient à plaisir,je m''en voil retorner .
-Amis,dist l''enfes Guis,à vostre Dieu alez,
Que il te maint Et que il te conduie¹ ,s''il puet,à sauveté .»
A icele parole s''an est li Turs tornez,
Et les gens Gui chevauchent,les frains abandonez .

[ fol. 0102 ]

OR chevauche li rois,et il et sa grant compaignie il et sa compaignie² ;
Desi à Montorgueil ne s''aséurent mie .
Parmi la maistre ³ porte entrerent en la vile
Et virent ces borjois qui à ces portaus sistrent ;
Chevaus vinrent virent⁴ et murs et destriers de Sulie,
Cendaus et siglatons de soie d''Aumarie,
Et virent soie ouvrer as beles Sarasines,
Les riches tors de marbre et les sales perines .
«Hé Diex !dist l''enfes Guis,dame sainte Marie !
«Karles li empereres,à la barbe florie,
«C''a tant fait en Espaigne o sa grant compaignie,
«Qu''il n''a ceste cité en la soie baillie !
Droit vers le grant palais ont lor voie acoillie,
Ja verront Huidelon et sa grant compaignie .
Cil Sire les conduie qui char prist en Marie ;
Car il i troveront orgueil et felonie .

OR chevauce li rois,et il et ses barnez,
Droit vers la tor,el chief les vers hiaumes gemez .
Sarasins et Persans les ont mult esgardez,
Et dist li uns à l''autre :«Por Mahomet,véés :
«Icist sont de Karlon parti et desevré ;
«Li rois n''est gaires loing de cest nostre regné .
«Hui perdra Huidelon par ceus ceste cité ;
«Ja ne l''an demorra .I .denier monéé .»
Et li enfant chevauchent,les frains abandonez .
Jusc''à la maistre porte⁵ n''i ot regne tiré,
Et virent .I .jaiant lés le guichet ester .
Portiers ert Huidelon,mult fet à redouter ;
De si fait pautonier n''orrés jamais parler .
Il ot les sorcils grans et s''ot le poil levé large le nez⁶ ,
Et si avoit les dens de la bouche getés,
Les oreilles mossues et les eus enfossés ;
Et ot la jambe plate et le talon crevé .

[ fol. 0103 ]

Diex li doinst male honte qui en crois fu penez !
Et dist Guis de Borgoigne :«Sire compains,véés,
«Véistes onques mais nul plus biau baceler ?
«Cis portiers Huidelon fait mult à redoter ;
«Il a maint gentil home murtri et estranglé .»
Et dist li cuens Bertrans :«Se gel puis encontrer,
«Je li quit .I .tel cop de m''espée doner
«Jamès ne li devra huis de porte garder .»
A icele parole commença à errer .
Quant li jaians les voit,s''est sor ses piez levez .
Qui li oïst les dens ensamble marteler,
.I .martel sor l''anglume ne féist noise tel .
Et saisi .I .baston qui fu gros et quarrez,
En plus de .XXX .lius estoit d''acier bandez,
Et en son ce baston si pendoient les clés .
En trestot Montorgueil n''ot si fort bacheler
Qui portast le baston .I .arpent mesuré
Que tuit ne l''en ploiassent li flanc et li costé ;
Autresi le paumoie com fust .I .rain pelé .
Atant es les enfans,qui l''ont haut salué ;
Tel salu li ont dit dont il ne lor sot gré :
«Diex te saut,ce dist Guis,si com j''ai devisé .
«Est léans Huidelons ?porrons à lui parler ?»
Quant li jaians l''entent,si a le chief crollé,
Et dist :«Mar i entrastes,cher sera comperé !»
Il hauche le baston qu''il tint,gros et quarré,
Qu''il en quida Bertrant parmi le chief doner ;
Sor l''oreille feri le destrier pomelé,
Desous le duc Bertran a le cheval tué .
Voit le Guis de Borgoigne,le sens quida derver .
Il a traite l''espée,dont li brans fu letrez,

Gui de Bourgogne

Geste