Capitains Nemo

L''enfes Guis l''enchauça,el poing le branc letré .
Aconsuiant le vint de dalés .I .piler,

[ fol. 0110 ]

Qu''il li quida la teste fors du bu desevrer ;
Mais li maus li ganci,qui li est eschapés ;
Par la basse fenestre s''an est aval colés .
Mais Jhesu le gari qu''il n''ot mie de mel,
Puis fu il en sains fons bautisiés et levés
Et créi en Jhesu,le roi de majesté,
Einsi com vous orrés,se volés escouter ;
Puis aida il Guion la terre à conquester .
Et li enfant de France se sont asséuré
Et sacherent les bares,s''ont les huis bien fermés .
En la maistre mirmande en sont trestuit entré,
Et truevent .I .boçu qui la tor doit garder .
L''enfes Guis de Borgoigne l''a par les flans combré,
Tot contreval la sale l''en a jus traïné,
Par une des fenestres l''a gité el fossé ;
Ains qu''il venist à terre ot il le cuer crevé .
Puis cerchent le palais et de lonc et de lé ;
N''i troverent vitaille,je vos di par verté,
Dont il péussent panre .I .denier monéé .
«Par mon chief,ce dist Guis,mal somes engané ;
«Trestuit serons par force ça dedens afamé .»
De sa mere li membre,s''a tendrement ploré .
Bertrans,li fils Naimon,li a haut escrié :
«Par mon chief,sire rois,mult grant tort en avés ;
«Encor n''avés vos pas céans .I .mois esté,
«N''encor n''iestes de faim maigre ne descharné .
«Quant vos verrois paiens fervestus et armés
«Assaillir à la tour et lancier et ruer,
«Et vos verrés les pans de la sale verser,
«Adonques à par main vos espoanterés .
-Si m''aït Diex,dist Guis,gentils estes et ber .»
A iceste parole le laissierent ester ;
En une chambre à volt en sont tuit .X .entré .
En la sale troverent .I .riche lit paré,

[ fol. 0111 ]

Tyres et piaus de martre et hermins engolé,
Trenchans misericordes et espiels noelés .
«Si m''aït Diex,dist Guis,armes avons assés ;
«Or penst Diex de vitaille,qui an crois fu penés .»
Il cercherent la chambre et de lonc et de lé,
.I .aumoire troverent par de jouste .I .piler,
En l''aumaire troverent .IIII .pains buletés
Et .I .lardé de cerf et plain pot de vin cler .
Auberis li Borgoins s''est en haut escriés,
Et a dist à Guion :«Bien nos est ancontré ;
«Or avons nos vitaille,Diex en soit aorés .
«Por Dieu,or la prenons et mult bien la gardés :
«.VIII .jors en tendrions le grant palais pavé ;
«Après,nous aidera li rois de majesté .»
Et cil li respondirent :«Si com vos commandés .»
Après ont .IIII .jors là dedens sejorné,
Jusque Jhesu le vout qu''il en furent gités .
Huidelon l''orguilleus a ses paiens mandés,
Si fist de Montesclair ses .II .fils amener ;
Et cil i sont venu,ne l''oserent véer .
Quant la novele sorent,mult furent esfréé .
Quant Huidelon les vist,ses prist à apeler .
«Seignor,or faites pais,franc chevalier membré :
«Li messager Karlon,le fort roi queroné,
«Sont là sus anserré en ce palais listé ;
«Ferons nous à la tour assaillir ne hurter,
«Tant ques aions par force ocis et desmanbré .
-Seignor,dist Danemons,ja sont il mesager,
«Et si n''ont là desus de pain .I .sol quartier,
«Ne ja ne lor venra à boivre n''à menger .
«Ja ne verrois .VIII .jors,ce vos puis afichier,
«Que les verrois de faim morir et baaillier ;
«Très parmi les fenestres les verrois trebuchier .
«Par Mahomet,mon Dieu,qui m''a à josticier,

[ fol. 0112 ]

«Ne voil pas c''on abate ce bon palais plenier,
«Qu''il n''a meillor,ce quit,de ci à Monpellier .
-Biaus fils,dist Huidelon,ce fait à otroier .»
Or vos lerons des Turs,qui Diex doinst encombrier,
Si dirons des enfans,que Jhesu puist aidier,
Qui furent el palais dolant et corecié,
Et n''orent de vitaille vaillant .IIII .deniers .
Le vin orent béu,le pain orent mengié .
.I .mardi se leverent,quant il dut esclerier,
A la mestre fenestre s''alerent apoier,
Et gardent contreval parmi le sablonier .
Virent les flos de mer,qui furent grans et fiers,
Et si virent les eves où li aïmans ert,
Et virent l''ost Guion,le jone chevalier,
Les aucubes de soie contreval baloier .
Li enfes de Borgoigne les a véus premier ;
De sa mere li menbre,près fu de l''enragier .
Par grant amor regarde Bertrant le timonier :
«Si m''aït Diex,biaus sire,confort n''i a mestier ;
«Qui or sauroit conseil nel devroit pas noier .
-Sire,ce dist Bertrans,à celer nel vos quier,
«Je vous conseillerai sans plus de delaier .

«SIRE,ce dist Bertrans,entandez mon voloir :
«Si m''aït Diex de gloire,mult nos poons doloir ;
«N''avons point de vitaille ne au main ne au soir .
«Encor parlerai ge,ce vos di je por voir ;
«Ne sai se ge dirai ou folie ou savoir .
«Nos venimes çà sus ce grant palais véoir,
«Si féismes à croire,ce vos di je por voir,
«Que nos i anvoia Karlemaines li rois,

Gui de Bourgogne

Geste