Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. A l''autre mot demande ses riches garnimans ;
  2. L''en li a aporté tost et isnelemant,
  3. Et Danemont s''an torne,qui ne fu mie lant .
    4. [ fol. 0119 ]
  4. Il a vestu l''auberc,lacé l''elme luisant,
  5. Et a ceinte l''espée,dont li poins est d''arjant ;
  6. .I .vair destrier d''Espaigne li met on an presant .
  1. QUANT li rois Danemons fu en la place armés,
  2. Il n''ot an tote Espaigne .I .si biau bacheler .
  3. Il ot escu et hiaume,et son branc aceré,
  4. Et escu fort et roide,ja meillor ne verrés .
  5. .XXIIII .topaees i ot tous scelés séélés1 ;
  6. Les esmaus ne les pieres ne puet nus hons nombrer .
  7. Le cheval fort et roide,ja meillor ne verrés :
  8. Il ot le costé blanc comme cisne de mer,
  9. Les jambes fors et roides,les piés plas et coupés,
  10. La teste corte et megre et les eus alumés,
  11. Et petite oreillete et mult large le nés,
  12. Et fu covers de soie,d''un vert paile roé ;
  13. La sele fu d''yvoire,li arçon noielé,
  14. Et li frains fu mult riches dont il fu enfrenez ;
  15. Li estrier et les cengles furent mult bien ovré ;
  16. Li poitraus fu mult riches,oevres i ot assés :
  17. .M .escheletes d''or i pendent lés à lés .
  18. Tantost com li chevaus commence à galoper,
  19. Nus deduis ne seroit plus biaus à escouter,
  20. Et fu d''une ive fiere et de tygre engendré,
  21. Qui ne menjue mie d''avoine ne de blé,
  22. Mais ces herbes de chans et araines de mer ;
  23. Plus tost cort par montaigne que uns autres par prés .
  24. Par son senestre estrier est Danemons montés,
  25. Et Huidelon li baille .I .fort espiel quaré .
  26. A .V .clous d''or d''Arrabe,du meillor d''outremer,
  27. Li fu en l''arestuel li gonfanons fremés .
  28. Huidelon en apele du miels de ses privés :
  29. «Là aval en la place mon enfant m''ammenés ;
  30. «Ja verrois la bataille mervilleuse,champel .»
    31. [ fol. 0120 ]
  31. Et cil li respondirent :«Ce fait à créanter .»
  32. Là troverent Guion sous l''olivier ramé ;
  33. De ci que en la prée ne se sont aresté .
  34. Quant Huidelon le voit,prist soi à porpenser
  35. C''or i puet avoir honte,s''il ne s''i set garder .
  1. QUANT li rois Danemons fu issus de la vile,
  2. Richement fu armés par mult grant seignorie :
  3. Il ot hauberc et hiaume et espée forbie,
  4. Et escu fort et roide,ainc meillor ne véistes .
  5. Où que il voit Guion,fierement li escrie :
  6. «Par Mahomet,François,trop féis grant folie,
  7. «Quant venis en ma terre à poi de compaignie ;
  8. «Je te deffent dès or toute la seignorie .
  9. «Ja n''en tenra plain pié Karles de Saint Denise,
  10. «Ne ja home por lui n''i avera baillie ;
  11. «Tu me leras la teste ains ores de complie .
  12. -C''est en Dieu,ce dist Guis,le fil sainte Marie,
  13. «Qui bien nos puet aidier,qui pechéor n''oblie .
  14. «Se Diex plaist,et la crois où il prist la haschie,
  15. «Tel vous quit atorner,ains ore de complie,
  16. «C''on porroit vostre cors esprisier d''une alie .
  17. -Ahi !dist Danemons,ce ne ferois vos mie ;
  18. «Ainçois nos combatrons enmi la praerie .»
  19. Et Guion li respont :«Et mes brans te desfie .
  20. -Et je toi,dist le Turs ;je ne t''asséur mie .»
  1. QUANT li duï baron se furent desfié,
  2. Li uns eslonge l''autre .I .arpent mesuré .
  3. Et li viels Huidelon se prent à porpenser
  4. C''or i puet avoir honte,s''il ne s''i set garder .
  5. Sarasins et Persans an prist à apeler :
  6. «Seignor,dist Huidelon,entrés en la cité,
  7. «Si me fermés les portes et me bailliés les clez .
    8. [ fol. 0121 ]
  8. «Se véés mon fil point à meschïef torner,
  9. «Vos ne lairiés mie,por les menbres couper,
  10. «Que ne li aidissiés là jus enmi le pré ;
  11. «J''en seroie vers aus mentis et parjurés,
  12. «Que je li ai mult bien plevi et afié
  13. «Que il n''i auroit mal dont le puisse garder,
  14. «Que seul de mon enfant :issi est devisé,
  15. «Ne je n''en mentiroie por les menbres couper .»
  16. Et Sarasin respondent :«Ce fait à créanter .»
  17. En la cité antrerent,si la font bien garder,
  18. Et li Turc s''en retornent,si li baillent les clés .
  19. Dragolans l''orguilleus en est as murs montés,
  20. Et a véu son frere qui est là jus armés .
  21. Sarasins et Paiens an prist à apeler :
  22. «Seignor,dist Dragolans,ne vos quier à celer,
  23. «Escrit est en la loi,por voir le puis conter,
  24. «Que li paiens ne puet vers le François durer :
  25. «Faites .IIIc .paiens fervestir et armer,
  26. «Par la fausse posterne et conduire et guier .»
  27. Desi que au bruellet ne vodrent arester .
  28. Hé Diex !com grant domage que li rois Guis nel set,
  29. Ne li viels Huidelon,o le guernon mellé !
  30. Ne fust pas consentu por l''or de .X .cités ;
  31. Et se cil le séussent qu''en la tour sont remés,
  32. Il saillissent aval sans conseil demander .
  33. Et li rois Danemons a Guion escrié :
  34. «Vassaus,qui estes vos ?trop aurai demoré .»
  35. Lors broche le cheval,le frain abandoné,
  36. Et Guis relaisse courre,que n''i a demoré .
  37. Mervilleus cous se donent sor les escus bandez
  38. Que il les ont perciés et frais et estroés .
  39. Tant sont fort li hauberc maille n''an est faussé,
  • 1.
    .XXIIII. topaees i ot tout séélés.
    Le manuscrit a donne scelés, qui fausse le vers.