Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. Desus la jambe destre a l''auberc conséu,
  2. Plus de .IIIIc .mailles en a jus abatu ;
    3. [ fol. 0125 ]
  3. Pié et demi feri l''espée el pré herbu .
  4. Danemont l''en resache,qui mult ot de vertu ;
  5. Où que il voit Guion,ne se tint mie mu,
  6. Aincois li escria :«Deçà vous ai santu .
  7. «Cuidiés vous que g''éusse le cuer si esperdu
  8. «Que por vostre ranposne m''éussiés decéu ?
  9. «Jamès ne reverrés Karlon,le viel chanu,
  10. «Et tous vos compaignons de ce palais volu,
  11. «Se je puis esploitier,seront ars ou pandu .»
  12. Quant l''enfes Guis l''entent,s''ot le cuer irascu ;
  13. Où qu''il voit le paien,sore li est coru .
  1. L''ENFES Guis de Borgoigne durement s''aïra .
  2. Ceus de la tour oï,dont chascuns s''escria ;
  3. De sa mere li menbre,sa vertu recovra .
  4. Il broche le destrier,que mult fort le porta,
  5. Et tint l''espée nue et l''escu enbraça .
  6. Où qu''il voit Danemont,.I .grant cop li dona
  7. Amont desor son hiaume,qui grant clarté gita,
  8. Que les flors et les pierres aval an trebucha .
  9. Et li Turs feri lui,au pooir que il a,
  10. Amont desus son hiaume,que tot li enbarra .
  11. La coiffe de l''auberc li rompi et faussa
  12. Et puis le ganbison,si qu''el chief le navra,
  13. Si que li sans vermaus contreval en raia .
  14. Quant li anfes le voit,mult s''en espoanta,
  15. Dieu de vrai cuer reclaime et mult fort sospira,
  16. Qui par son saint commant à la Dame manda
  17. Que il de lui naistroit,et puis s''i aombra .
  18. «Hé Diex !ce fu grant joie quant la dame enmeira ;
  19. «En icele léesce saint Josep l''espousa .
  20. «Quant la verge florie en sa main verdoia,
  21. «Josep en fist grant joie et forment l''anora,
  22. «Et quant ce vint au terme que Diex le destina,
    23. [ fol. 0126 ]
  23. «La dame sans dolor,Sire,s''an delivra .
  24. «Biaus Diex !tote naissance à ce jor esclera ;
  25. «Li oisel et les bestes,qui erent grant pieça,
  26. «Chascune endroit sa forme grant joie en demena .
  27. «L''estoile en Oriant par ton commant leva,
  28. «Li troi roi vos requistrent,chascuns vos aora,
  29. «El temple Salemon la Virge vos porta,
  30. «El bras saint Simion vostre cors commanda .
  31. «Diex,pere glorieus,qui le mont estoras,
  32. «Le cors saint Lasaron de mort resucitas,
  33. «Marie Madelaine de ses pechiés mondas,
  34. «A la Pasque florie en Jhrusalem entras,
  35. «Au jor d''Acension sus ou ciel en montas,
  36. «Par grant humilité l''asnesse chevauchas,
  37. «Felon juïf vos pristrent,ce ne fu mie gas,
  38. «En la crois vos poserent par le commant Judas,
  39. «En guise de larron la mort i anduras,
  40. «El sepulcre vos mistrent,envols d''un cher siglas,
  41. «Au tiers jor surexis,de mort resucitas,
  42. «Marie Madelaine el vergier confortas
  43. «Et de bele clarté le monde enluminas ;
  44. «Sire,si com c''est voirs que tu ensi erras,
  45. «Si garisses tu m''ame de ce felon Judas,
  46. «Qu''encor puisse véoir Karlon qui mult est las .»
  1. TANTOST com li rois Guis ot finé sa proiere,
  2. Li revient Danemons par estrange maniere .
  3. Quant l''enfes Guis le voit,s''a hauchie la chiere,
  4. En son poing tint l''espée,que merveilles ot chiere,
  5. Vait ferir Danemont sor l''iaume de Baiviere .
  6. Et li Turs refiert lui desus l''iaume deriere,
  7. Qui le cercle li trenche,où il ot mainte piere,
  8. Puis li a escrié à haute vois pleniere :
  9. «Par mon chief,sire Frans,poi pris vostre baniere ;
    10. [ fol. 0127 ]
  10. «De vous ferai anqui une novele biere .»
  11. Quant l''enfes Guis l''entent,si dist parole fiere :
  12. «Vos mentés !se Diex plaist,qui est voirs justiciere,
  13. «N''enporterés du mien qui vaille une estriviere,
  14. «Que del sanc de ton cors ne soit bien esligiée .
  15. -Hé Diex !dient Francois,biaus pere justiciere,
  16. «Garissiés hui mon cors par la vostre proiere,
  17. «Que ne l''ocie en champ cis cuivers losengiere .»
  1. OR sont li dui baron ensambe enmi le pré .
  2. Danemons li cort sore com chevaliers menbrés .
  3. Merveillous cous se donent sor les hiaumes gemés,
  4. Que les flors et les pieres en font jus avaler ;
  5. Li cous descent aval sor le hauberc saffré .
  6. Li enfes le refiert com chevaliers menbrés,
  7. Par desus les espaulles l''a mult bien assené,
  8. El haterel deriere mult ruiste cop doné,
  9. Sor le col du destrier l''en a outre porté ;
  10. Mès tant sont fors les armes ne les pot enpirier .
  11. Quant l''enfes Guis le voit,le sens quida derver .
  12. Cil de la tour commencent hautement à crier :
  13. «Sainte Marie Dame,et car nos secorés !
  14. «Ceste ruiste bataille tant aura hui duré !»
  15. Et li rois Danemons a le cheval hurté,
  16. Vers Guion esperone par mult ruiste fierté ;
  17. Et l''enfes le reçut,l''escu amont torné .
  1. OR furent li baron es destriers misodors .
  2. Danemons li cort sore comme chevalerous .
  3. Quant l''entent l''enfes Guis,si mua la color .
  4. Li chevaus li ganci,si mua ses adous ;
  5. A ses armes failli,si fiert le misodor,
  6. Le col li a tranchié par dalés les arçons ;
  7. Li chevaus chiet el pré à tout le Borguignon .