Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. «Fil à putain,dist il,malvaise gent haïe,
  2. «Il n''i a nul de vos de si grant seignorie,
  3. «Se il vient plus avant,par ma barbe florie,
  4. «Qu''il ne perde la teste à l''espée forbie .»
  5. Quant Sarasin l''entendent,chascuns sa resne tire .
  6. Et Huidelon li vieus,à la barbe florie,
  7. A saisi le destrier,par la resne le tire,
  8. Venus est à Guion,si li a pris à dire :
  9. «Sire,montés tantost,ne vos esmaiés mie .
  10. «Par Mahomet,mon Dieu,qui tot a en baillie,
  11. «Vos n''i perdrés huimès membre ne cors ne vie .»
  12. Et li enfes respont :«Grans mercis,biaus dous sire .»
  13. Et Danemons chevauche,qui ne s''atarge mie,
  14. Sor .I .cheval mult bon que li suen li randirent .
  15. Atant es vos Bertrans et sa chevalerie
  16. Qui i poignent ensemble,chascuns an Dieu se fie .
  17. Quant Huidelon le voit,tous li sans li fremie ;
  18. Forment s''an esfréa,nel mescréés vous mie .
  1. HUIDELON l''orguilleus fu chevalier menbré,
  2. Quant il vit nos Françoiz qui vienent tous armés .
  3. Bertrans venoit devant .I .arpent mesuré ;
  4. Quant Huidelon le voit,si li a escrié :
  5. «Qui vos fist de la tour issir ne devaler ?
  6. -Sire,nostre besoing,ja ne le quier celer .
  7. «Nos véismes issir Sarasins et Esclers,
  8. «Si venimes secourre ce gentil bacheler .
  9. -Par mon chief,ce dit Huidres,mult avés dit que ber .
  10. «Malement m''a mes fils Dragolant demené,
  11. «Que j''en ere partout de traïson reté ;
  12. «Je quit à la cour Karle serai au doi mostré .»
    13. [ fol. 0132 ]
  13. Où que il voit Guion,ne s''i est arestés :
  14. «Damoisiaus debonaires,à moi en entandés :
  15. «Se vos avés en vous et proesce et bonté,
  16. «Que vos en l''ost Karlon me vousissiés mener,
  17. «Que je n''i soie entr''aus ledengiés ne chosés,
  18. «Au jugement des Frans me voldrai atorner .
  19. «Que,se ai envers vous con traïtres erré,
  20. «Je voil perdre ma terre et tote m''ireté,
  21. «Et mes fils Dragolant aura le chief copé .
  22. -Sire,dist l''enfes Guis,mar vos esmaierés ;
  23. «Se Diex plaist et sa mere,bien conduis i serés,
  24. «Se vos par jugement n''i estes esgardez,
  25. «Si que ja n''i perdrés .II .deniers monéés .»
  26. Puis despoille ses dras,si s''est tous desarmés .
  27. Après le fist li enfes de riches dras parer ;
  28. Lors n''ot il plus bel home en la crestienté .
  29. Atant es Huidelon et son riche barné
  30. Qui descendent à terre des destriers sejornés .
  31. Où que il voit Guion,parfont l''a encliné,
  32. En son sarasinois mult biau l''a salué :
  33. «Sire,Diex vous garisse où vo créance avés !
  34. -Amis,ce dist li anfes,Diex vos puisse sauver,
  35. «Et face vostre cors bautisier et lever !»
  36. Et li rois Danemont a Guion regardé ;
  37. Mult l''a bien connéu,quant il l''a avisé .
  1. HUIDELON l''orguilleus est ens ou tref assis,
  2. Et si duc et si conte,si prince et si marcis,
  3. Tuit li enfant de France corent le roi véir .
  4. Et Danemont regarde le roi Guion ens el vis ;
  5. Son pere en apela,Huidelon le marchis :
  6. «Par Mahomet !biaus sire,ice sachiés de fi
  7. «Que c''est li chevaliers à cui me combati .
  8. -Tais toi,dist Huidelon,tu ies musars et bris ;
    9. [ fol. 0133 ]
  9. «Se François t''apercoivent,bien t''en puet estre pis .»
  10. Or lerons ci des Turs,que Diex puist convertir,
  11. Si dirons de Karlon,le roi de Saint Denis,
  12. Qui fu devant Luiserne coreçous et maris .
  13. Ogier en apela et Naimon le flori :
  14. «Seignor,ce dist li rois,je sui mult maubaillis
  15. «De Bertrant le vassal,qui le presant me fist,
  16. «Et de ses compaignons qui vindrent avec lui .
  17. «Il m''ont bien oublié de ce que je lor dis,
  18. «Que le roi m''amenassent,que voloie véir ;
  19. «Mais il n''i venra pas tant com je soie vis .
  20. «Se Diex me laisse encor de ce siege partir,
  21. «Je m''en quit repairier en France,se je vif .
  22. «Teus m''i aura mesfait que je ferai morir .
  23. -Sire,dist li dus Naimes,entendez envers mi :
  24. «Se mes consaus estoit entandus ne oïs,
  25. «Vos panrois de vos homes de ci à .XIIm .
  26. «Si faites le roi querre,que vos desirés si ;
  27. «Il venra à nostre ost sans nes .I .contredit .»
  28. Et respont Karlemaines :«Dus Naimes,alés y,
  29. «Entre vous et Ogier,et l''Ardenois Tierri,
  30. «Et Sanson de Borgoigne,le chevalier hardi,
  31. «Si li dites qu''il viegne .I .poi parler à mi,
  32. «Qu''il me face secors,s''il veut,et je l''en pri .»
  33. Li baron s''apareillent el demain par matin .
  34. Bien furent .XIIm .sor les chevaus de pris,
  35. De tous les meillor homes et des plus bien apris .
  36. De Karlemaine sont sevré et departi,
  37. Maintenant s''arouterent et entrent el chemin .
  38. De ci que à Carsaude ne pristrent onques fin ;
  39. Mais por noient i vont :li rois s''an est partis ;
  40. A Montorgueil estoit,passés est li tiers dis,
  41. Et li baron s''en tornent,que Diex puist benéir .
  42. Teus .IIII .jors errerent ne pristrent onques fin .
    43. [ fol. 0134 ]
  43. Quant ce vint au cinquime,que jors fu esclercis,
  44. Qu''il virent Montorgueil,qui sor la roiche sist,
  45. Sivirent les .IIII .eves où li aymans gist,