Capitains Nemo

-Biaus sire,ce dist Naimes,por ce l''ai demandé ;
«Ne ce premerain char,qui si est acesmés,
«A ces .IIII .crois d''or,qui gietent grant clarté,
«A cele ensaigne lée,à ce dragon fermé,
«Qui est il ?ce me dites,por Dieu de majesté .»
Et li anfes respont :«J''en dirai verité :
«C''est Gile la duchoise,au gent cors onoré,
«Qui suer est Karlemaine,le fort roi keroné,
«Et fame Ganelon,le compaignon Hardré,
«Et est mere Rollant,le chevalier menbré .
«Por ce l''ai mis devant,je vos di par verté .
-Si m''aït Diex,dist Naimes,que preus estes et ber,
«Qui est en l''autre char,gardés ne me celés,
«Qui n''est mie mains riches ne noaus acesmés ?
-Par mon chief,ce dist Guis,ja ne vos ert celé,
«Ce est li chars ma mere,qui tant a de bonté ;
«Por ce l''ai mis après que rois sui coronés .
-Si m''aït Diex,dist Naimes,gentils estes et ber ;
«Qui est donques li peres dont fustes engendré ?
«Comment !dist l''enfes Guis dist li angres¹ ,dans viellars radotés,
«Par saint Denis de France,se plus me demandés,
«Je vos ferai la teste fors du bu desevrer .
-Sire,dist li dus Naimes,et je le lais ester .»
A icele parole sont revenu el tref,
Et li baron de France sont encontre levé .

L''ENFES Guis de Borgoigne s''asist ou pavillon .
Joste lui est assis ses chiers peres Sanson,
Et d''autre part s''asist li gentils dus Naimon,
Et li autre barnage s''asiet tot anviron .
Huidelon se dreça,qui est de grant renon ;
De sa barbe li pendent contreval li flocon .

[ fol. 0138 ]

Où qu''il voit le barnage,si l''a mis à raison :
«Or entandez,fait il,franc chevalier baron,
«Qui estes home lige l''emperéor Karlon,
«Et plus avés de sens que n''ont cil enfançon .
«Por ce vos di à tous que me dites raison :
«Montorgueil est tos miens et le regne environ,
«Asséur que doie estre là sus en ce donjon,
«Quant .X .François me vinrent,de par le roi Karlon,
«Requistrent moi,ma terre et l''onor environ,
«Et grant orgueil me distrent,ja nel vos celeron,
«Et aracher me voldrent ma barbe et mon guernon .
«Je les fis assaillir,por coi en mentiron ?
«Mais il se desfendirent com chevalier baron ;
«Mon palais me tolirent et ma maistre maison .
«Traïtor m''apelerent,por coi le celeron ?
«Mais j''en oi pris bataille par mon fil Danemon
«Et si lor créantai,deseur mon Dieu Mahon,
«Que il n''i auroit mal fors que de Danemont ;
«Mais Dragolans mes fils,qui cuer ot de felon,
«Ne le volt pas soffrir,ains pensa traïson,
«Quant il vit que ensamble furent li dui baron .
«Bien sai que le poior an éust Danemont ;
«Mès Dragolans mes fils,qui cuer ot de felon,
«Lors le voloit aidier,ja nel vous celeron ;
«Mais je li destornai,ne li fist se bien non .

«SEIGNOR,dist Huidelon,envers moi entandés
«Por ce que je li oi et plevi et juré
«Que il n''i auroit mal dont le puisse garder,
«Sui je venus à vos jugement demander ;
«Que,se j''ai envers eus com traïtres erré,
«J''en voil perdre ma terre et tote m''erité,
«Et mes fils Dragolant aura le chief copé .»
Quant Naimes l''entendi,si a .I .ris gité ;

[ fol. 0139 ]

.XV .contes apele,si sont issus du tré .
L''enfes Guis de Borgoigne est avoc aus alé :
«Seignor,ce dist li enfes,tot ce fu verités ;
«Issi fu tous li chans com vous oï avés .
«Or vos pri jo,por Dieu qui an crois fu penés,
«Que vos le jugiés si qu''il en soit honorés,
«Qu''il n''a plus loial Turc en .LX .cités .
-Si m''aït Diex,dist Naimes,j''en dirai mon pansé :
«Li hons qui ains ne fu bautisiés ne levés,
«Ne onques ne crut jor sainte crestienté,
«Se il aida son frere,n''en fait mie à blasmer ;
«Certes,on li en doit le mesfait pardoner,
«Por qu''il voille reçoivre sainte crestienté .»
Et li baron respondent :«Si com vous commandés .»
A icele parole resont venus es trés,
Et content Huidelon ce qu''il ont devisé .
Quant Huidelon l''oï,s''a ses fils regardés,
Par mult grant amisté les a araisonés :
«Avés oï François plains de grant loiauté ;
«Mult par est fous qui n''aime sainte crestienté .»
Où que il voit Guion,si l''a araisoné :
«Gentils rois debonaires,por Dieu de majesté,
«Or faites le mien cors bautisier et lever,
«Et mes fils ambes .II,qui mult font à loer,
«Et tous ceus de ma terre,qui de moi sont chasé ;
«Et qui Dieu ne vodra croire ne sa bonté,
«Si li coupés la teste,sans plus de demorer,
«Et nous vos jurerons homage et féeuté .
«Lors irons à Karlon,le fort roi coroné,
«Si devenrons si home et si riche chasé,
«Et li aiderons bien la terre à conquester .»
Quant li baron l''entendent,grant joie en ont mené .
L''archevesques Turpin a les fons aprestés ;
Après,se fu li rois de ses dras desnués,

[ fol. 0140 ]

Et si fil ambedeus et si home dalés .
Iluc sont bautisié,d''eve rengeneré ;

Gui de Bourgogne

Geste