Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. «Nous li porterons bien canque li envoiés .
  2. -Il n''i a plus,dist Sanses,mais demandons congié .»
  3. Li baron li demandent,Guis lor a otroié .
  4. Quant il furent monté,Guis les a convoiés,
  5. Et Bertrant,et Berart,et Turpins li proisiés .
  6. Au departir qu''il firent plorerent de pitié .
  7. «Si m''aït Diex,dist Sanses,or poons enragier
  8. «Quant nos véons ici les fils de nos moilliers,
  9. «Si ne nos deignent mie acoler et baisier .»
  10. Il a dit à Guion :«Retornez ent arier .
  11. «Certes nos en partons dolent et coreciés .»
  12. Quant Guion l''entendi,plore de pitiés ;
  13. Des lermes qu''il ploroient sont durement moillié .
  14. Qui là véist la joie que font li chevalier !
  15. Chascuns baise le sien trestot sans atargier .
  16. Ains éussiés alé bien demi liue à pié
  17. Qu''il péussent tenir ne voie ne santier .
  18. Li enfant s''an retornent,li vaillant chevalier ;
  19. Ne sai de lor jornées deviser ne noncier .
  20. .I .mardi sont venu à Luiserne le sier,
  21. Maintenant descendirent desous le tref roié .
  22. Quant Karles les choisi,onques ne fu si liés ;
  23. Il baisa le duc Naime et Sanson et Renier :
  24. «Naimes,dist l''emperere,com vos plera si ert
  25. «Véistes vos Guion,ce chevalier proisié ?
  26. -Oïl,sire,dist Naimes,mentir ne vos en quier ;
  27. «Il vos mande par moi salus et amistiés .
  28. «Tel present vos envoie dont devés estre liés :
  29. «Escus,haubers et lances et assés à mangier .
  30. -Si m''aït Diex,dist Karles,mult a bien espoitié ;
  31. «Encor me laist Diex vivre qu''ancor li puisse aidier !
    32. [ fol. 0142 ]
  32. -En non Dieu,emperere,ce dist Rollans ses niés,
  33. «Del present le devés amer et tenir chier ;
  34. «Mais demandés Naimon et Sanse le guerrier
  35. «Quant il venra à vous,li riches rois prisiés .
  36. «Certes,je le verroie de gré et volentiers .
  37. -Ne sai,sire,dist Sanses,quant li siens plaisirs iert ;
  38. «Mais pris a Montorgueil,qui siet sor le rochier,
  39. «Si a fait Huidelon lever et bautisier,
  40. «Et ses fils ambes .II .et sa france moillier,
  41. «Et des gens de sa terre plus de .XXX .milliers,
  42. «Dont il a recéu les onors et les fiés .
  43. «Or panra Augorie et Maudrane le fier ;
  44. «Lors si venra à vous,il et si chevalier .
  45. -Se Diex m''aït,cedist Karlemaine au vis fier,
  46. «S''il ne fust mes parens mes cousins ou mes niez,
  47. «Il ne l''osast panser,por les membres tranchier,
  48. «Ne li enfant de France ne l''éussent laissié
  49. «Que ja corone d''or éust mis sor son chief .
  50. -Ne sai sire,dist Sanses,à merveilles l''ai chier ;
  51. «Certes .II .fois me vint acoler et baisier,
  52. «A poi qu''il ne chai pasmés de son destrier .
  53. -Sanses,dist l''emperere,par la vertu du ciel,
  54. «Je quit c''est vostre fis et de vostre moillier ;
  55. «Maris estes ma suer,je quit qu''il est mes niés .
  56. -Ne sai,sires,dist Sanses,mès moult a le vis fier,
  57. «Et ce qu''il vodra faire nos estuet otroier .»
  58. A ces paroles vont li baron herbergier,
  59. Et Karles est remès dolans et coreciés .
  1. LI baron sont alé à lor herbergeries,
  2. Et Karles est remès courouciés et plains d''ire .
  3. En .I .lit se coucha,mès il n''i dormi mie :
  4. «Hé Diex !ce dist li rois,qui tot as en en baillie,
  5. «De quel terre est li enfes qui meine tel justice,
    6. [ fol. 0143 ]
  6. «Qui a pris Montorgueil par sa chevalerie,
  7. «Huidelon bautoizié et tote sa maisnie ?
  8. «Ne daigne à moi venir,tant ne m''aime ne prise ;
  9. «Mais,par icel Seignor qui fu nés de Marie,
  10. «Ja ne lairai Luiserne qui sor mer est bastie,
  11. «Si ert venus cil enfes que j''aim tant et desire,
  12. «Que Diex le m''a mandé,qui tout le monde guie .»
  13. Or leron de Karlon,que Jhesu benéie,
  14. Si dirons de Guion à la chiere hardie .
  15. .I .matin s''est levés,quant l''aube est esclercie,
  16. Huidelon an apele,à la barbe florie,
  17. Et Dragolant son fil,et Danemont méisme .
  18. «Seignor,ço dist li enfes,ne lerai ne vos die,
  19. «Certes,molt me desire Karles de Saint Denise,
  20. «Et les dames des chars,qui fort plorent et crient
  21. «Por ce qu''ele n''aloient à Luiserne la riche .
  22. «Comment irai à Karle,le roi de Saint Denise ?
  23. «S''aurai prise Maudrane qui sor mer est bastie .
  24. -Sire,dist Huidelon,à ce ne doutés mie .
  25. «Vous m''avés bautisié,je vos en doi servisse ;
  26. «Ja ne verrés passer la quinsaine acomplie,
  27. «Se Diex plaist,et la fois où tous li mons se fie,
  28. «Que je tout vos rendrai en la vostre baillie .»
  29. Quant li anfes l''entent,bonement l''en mercie .
  1. «SIRE,dist Huidelon,entendés envers mi :
  2. «Vous m''avés bautoisié,la vostre grant merci,
  3. «Et je sui vos hom liges,si vous en doi servir ;
  4. «Faites movoir vos homes el demain par matin,
  5. «Cil qui mainent les chars si muevent autresi,
  6. «S''irons à Augorie belement et seri .
  7. «Je ferai cest mesage,bien le sachons de fi,
  8. «Vers le roi Escorfaut que mes peres norri .
  9. «Certes,il est mes niés,par verté le vos di ;
    10. [ fol. 0144 ]
  10. «Par la foi que je doi Karlon de Saint Denis,
  11. «Se il veut trespasser ne mes fais ne mes dis,
  12. «N''i aura amisté vaillant .I .angevin .