Capitains Nemo

-Sire,ce dist li rois,la vostre grant merci !»
Ici le cuit lessier deci à l''enserir .
Et li rois de Borgoigne fist ses homes garnir,
Les chars fist esteler,ses mistrent el chemin
Huidelon l''orguilleus et Danemont son fil .
Là oïssiés buisines et soner et tantir ;
Une moult grant liuée font la terre fremir .
Quant cil devant s''aroutent el demain par matin,
Ne revinrent ariere ains ore de midi,
Tant estoit l''oz espesse de chevaliers gentis .
Cil Sires le conduie qui en la crois fu mis !
Tant ont erré ensamble c''à .I .mardi matin
Ont chosi d''Augorie les murs d''araine bis .
Quant Huidelon le voit,à Guion dit :«Amis,
«Or poés d''Augorie la riche tour véir,
«La riche fermeté,que ains meillor ne vi .
«Faites loger vostre ost contreval cest larris,
«Chargiés moi de vos homes .C .chevaliers gentis,
«Et j''en remanrai .C .de mes meillors amis .»
Et l''enfes Guis respont el nom de Jhesu Crist .
Bertrant en apela et Bernart et Turpin,
Savari de Tolouse,Estout et Auberi .
«Por Dieu,ce dit li enfes,qui onques ne manti,
«Faites .C .chevaliers aprester et garnir,
«Ses manra Huidelon trestout à son plaisir .
-Seignor,ce dist Bertrans,Diex nous an soit aidis !»
.C .en ont fait sevrer de tous les plus hardis,
Et li rois de Borgoigne fist les os establir,
Et ses homes loger parmi ces prés floris .
Il est venus as chars,ses a en ordre mis,
Et commande les dames gentement à servir .

[ fol. 0145 ]

Gile,la suer Karlon,ot moult le cuer noirci ;
Où qu''ele voit Guion Karlon¹ ,gentement li a dit :
«Grant tort en avés,sire,par le cors saint Denis ;
«Vos déussiés aler à Luiserne la cit,
«Por véoir nos seignors que nos desirrons si .
«Or nous fais ostoier en estrange païs ;
«Grant pechié en avés,par le cors saint Denis .
-Par saint Denis de France,ce dist Guis li marchis,
«Se je n''ai Augorie et Maudrane la cit,
«De ci que à .X .ans ne verrés vos maris .»
Quant les dames l''entendent,à plorer se sont pris .
Huidelon l''orguilleus s''est à la voie mis ;
Là oïssiés buisines et soner et tantir .
Et Bertrans et Berart sont à la voie mis ;
.IIc .furent ensamble des meillors du païs .
Cil Sires les conduie qui en la crois fu mis !

OR s''an va Huidelon et sa chevalerie ;
Li rois Guis les commande au fil sainte Marie,
Qu''il les puisse aconduire à santé et à vie .
Et li baron chevauchent,qui Jhesu benéie ;
Onques cil ne finerent de ci en Augorie .
Huidelon va devant et sa gent de Persie,
Qui tuit erent armé à la loi paienie,
Par la porte s''an entrent en la cité garnie ;
Il n''i ot si hardi qui pas le contredie .
Et cil ont chevauchié à bele compaignie,
Venu sont à la porte de la grant tor garnie .
Huidelon les apele à la loi paienie,
Et li portiers li oevre,ne li contredit mie .
Quant virent Huidelon,mult grant joie li firent ;
Mais,quant voient François,forment s''en esbahirent .
Dient à Huidelon :«Bien vigniez vos,biaus sire .
«Sont tuit cil chevalier de vostre compaignie ?»

[ fol. 0146 ]

Quant Danemont l''entent,à haute vois s''escrie :
«Vos le saurois mult bien eins eure de complie .
«Où est rois Escorfaus,à la chere hardie ?
-Biaus sire,il est là sus,à mesnie escharie ;
«N''a que .C .chevaliers o lui en compaignie .»
Quant Huidelon l''entent,ne puet muer ne rie .
Lors descendirent tuit sous l''olive foillie,
Et monterent amont en la sale voutie,
Et truevent Escorfaut à la barbe florie .
Quant Huidelon le voit,fierement li escrie :
«Biaus niés,dist Huidelon,je ne vous salu mie .
«L''enfes Gui de Borgoigne,qui tant a seignorie,
«De trestoute ma terre ne m''a il lessié mie
«Dont je prange de rante valissant .I .alie .»
Quant l''entent Escorfaut,ne puet muer ne die :
«Mar le pansa li glous,par ma barbe florie !
«Or manderai paiens deci en Augorie,
«Et si ferai venir Butor de Salorie,
«Et manderai Maudran,de Maudrane la riche .
«Quant j''aurai assamblé ma grant chevalerie,
«Lors m''en irai vers Gui,si ne m''en tenrai mie,
«Trencherai lui la teste à m''espée forbie,
«Et si ferai destruire sa grant chevalerie ;
«Raemplir an ferai ma terre desertie .»
Quant Bertrans l''entendi,tous li sans li fremie ;
Où que il voit Berart,en basset li escrie :
«Avés oï paiens vanter de grant folie ?
«Mar le pansa li glous,se Diex me benéie !
-Seignor,ce dit Estous,por Dieu le fil Marie,
«Vous pri je et requier que ne vos hastés mie,
«Quant amené nos ont ceste gent paienie,
«Et se sont bautoizié por Dieu,le fil Marie ;
«Et se miex ne nos font,il ne nos faudront mie .
«Et se vos les véés commencer la folie,

[ fol. 0147 ]

«Chascuns fiere grant cop de l''espée forbie .»
Quant li enfant l''entendent,chascun d''aus li escrie :

Gui de Bourgogne

Geste