Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. «Bien fait à otroier .Diex nos soit en aïe !
  2. «S''or voloit Huidelon,à la barbe florie,
  3. «Nos aurïons anqui ceste grant tor garnie,
  4. «Et rendrions Guion ceste chastelerie .
  5. -Certes,dist Danemons,il ne vos faudra mie .»
  1. ESCORFAUT d''Aumarie est levés an estant ;
  2. Bien connut au viaire et Berart et Bertrant
  3. Que il estoient né de la terre des Frans .
  4. Où qu''il voit Huidelon,si li dist maintenant :
  5. «Qui sont cil chevalier ?celer n''i vaut noiant .
  6. «Par Mahomet,mon Dieu,il nos vont mult gabant ;
  7. «S''il ne sont à la loi de Turs et de Persans,
  8. «Il perdront ja les testes à mon acerin brant .»
  9. Quant Danemont l''entent,si sailli maintenant :
  10. «Se Diex m''aït,biaus oncles,celer n''i vaut noiant .»
  11. Où qu''il voit Escorfaut,si li dist en riant :
  12. «Il sont home Guion,ce chevalier vaillant .
  13. «Ce vos mande par nous,que l''irïon celant ?
  14. «Que devenés ses hom hui cest jor en avant,
  15. «Et créés en Jhesu,le pere omnipotant .
  16. «Et se tu si nel fais,de ta vie est noiant ;
  17. «Herbergié as teus hostes qui te feront dolant !»
  1. HUIDELON l''orguilleus fist forment à proisier ;
  2. Où qu''il voit Escorfaut,si li prist à huchier :
  3. «Amis,ce dist li rois,à celer nel vous quier,
  4. «Diex nous a assené au meillor chevalier
  5. «Qui onques portast armes ne montast an destrier ;
  6. «Il nos a fait trestous lever et batoizier,
  7. «Et si nos a randues nos terres et nos fiés .
  8. «Or te somes venu por Dieu querre et proier
    9. [ fol. 0148 ]
  9. «Que tu li rans ta terre,tes homes et tes fiés,
  10. «Ou ce non,par l''apostre que quierent chevalier,
  11. «Amors ne parentage ne t''i aura mestier
  12. «Que ne te face ja la teste rooignier,
  13. «Et arracher du cors et les mains et les piés .»
  14. Après ce mot regarde Bertrant le timonier,
  15. Estout de Lengre,ausi Berart de Mondisdier .
  16. Quant li enfant le voient,ne se vodrent targier,
  17. Ains desvestent les chapes,traient les brans d''acier .
  18. Bertrans,li fils Naimon,va ferir Marchepier,
  19. Et Berart vait ferir Murgalant de Rausier,
  20. Et Turpin l''archevesques le roi de Montefier ;
  21. Et tuit li autre i fierent,ne se vodrent targier .
  22. Estous,li fils Oedon,à Escorfaut s''an vient ;
  23. Ja le ferist du branc,sans plus de deloier,
  24. Quant Huidelon li crie :«Por Dieu,ne le touchier !»
  25. Escorfaut s''an fuioit à Huidelon le viel ;
  26. Bien voit que n''i vaut force valissant .I .denier,
  27. A sa vois,qu''il ot clere,commença à huchier :
  28. «Faites ens rebouter ces riches brans d''acier,
  29. «Et je rendrai Guion mes terres et mes fiés,
  30. «Et crerai en Jhesu qui le mont doit jugier .
  31. «Mieus aim ma terre perdre que la teste tranchier ;
  32. «Mais c''est li plus par force,li moins par amistiés .
  33. -Ne m''en chaut,ce dist Huidres,que je en sui touz liez .»
  1. QUANT or voit Escorfaut que il est si sorpris,
  2. Otroier li convient et lor fais et lor dis,
  3. Ou,ce non,de sa vie est malvaisement fis .
  4. Où qu''il voit Huidelon,si li crie à haus cris :
  5. «Or sera li rois Guis de ma terre saisis,
  6. «Et si fera garder ma terre et mon païs .
  7. -Par mon chief,ce dist Huidres,merveilles avés dit .
  8. «Vos n''i perdrois de voir vaillant .I .angevin ;
    9. [ fol. 0149 ]
  9. «Ains metés vostre cors du tout en son plaisir,
  10. «Que vos n''i aurois mal dont vos puisse garir .»
  11. Et Escorfaut respont :«Tout à vostre plaisir .»
  12. Par une des fenestres a defors son chief mis,
  13. Et choisi les paiens armés et fervestis,
  14. Plus de .XXXm .homes ;ses a à raison mis .
  15. «Seignor,dist Escorfaut,entendez envers mi :
  16. «J''ai randu as François ma terre et mon païs ;
  17. «Baptisier me ferai,que je le voil issi ;
  18. «Je voil que vous randois vos terres autresi .»
  19. Et paien respondirent :«Par no Dieu Apolin,
  20. «Nous les assaudrons ja par force et par estri
  21. «Tant que tous les aurons detranciés et ocis .»
  22. Et Escorfaut respont :«Merveilles puis oïr :
  23. «Ou vos ferois tot ce que je vous ai requis,
  24. «Ou vos me verrois ja de male mort morir .
  1. «SEIGNOR,dist Escorfaut,à celer nel vous quier,
  2. «Se vos ne faites ce que vous pri et requier,
  3. «Ja me verrois la teste fors du bu rooignier,
  4. «Que je voi là Guion qui fait sa gent logier .»
  5. Et cil li respondirent :«Nos estuet otroier ;
  6. «Nous ne vous faudrons mie por les testes trenchier .»
  7. La porte font ovrir et les pons abessier,
  8. Puis mistrent jus les armes sans point de delaier .
  9. Del palais avalerent serjant et escuier,
  10. Et vont en l''ost Guion les noveles noncier .
  11. Bertrans,li fils Naimon,est alés atachier
  12. Au pomel de la tor du grant palais plenier
  13. Une enseigne vermeille,i a fait baloier ;
  14. Cil de l''ost la choisirent,li jone chevalier ;
  15. L''enfes Gui de Borgoigne commença à huchier :
  16. «Or tost,la vile est nostre !pensons de l''esploitier .
  17. «Dieu en devons ensamble loer et gracier !»
    18. [ fol. 0150 ]
  18. A cest mot en monterent tel .L .millier,
  19. Qui jusc''à la cité ne se vodrent targier .
  20. A ces dames des chars n''i ot qu''esléecier,
  21. Dont chascune tenoit son livre ou son sautier .