Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. EN la cité entrerent li chevalier vaillant,
  2. Et ont prise la vile et ariere et avant .
  3. L''enfes Guis fait crier par la cité vaillant
  4. Qu''il n''i ait chevalier,tant soit de haute gent,
  5. Qui toille à Sarrazin son or ne son arjant,
  6. Tyres,pailes,ne dras,ne riens sans son commant ;
  7. Il en perdra la teste,ja n''i aura garant .
  8. Quant Sarrazin l''entendent,s''en sont lié et joiant,
  9. Et dist li uns à l''autre :Ci a mult bone gent !
  10. «Por eus devons nos croire en Dieu communement .»
  11. Atant es Huidelon et son fil Dragolant
  12. Qui tienent Escorfaut et derier et devant .
  13. Huidelon voit Guion,si li va escriant :
  14. «Tenez,sire,dist il,roi Escorfaut vos rant,
  15. «Lui et tote sa terre,por faire vo talant .
  16. -Seignor,dist l''enfes Gui,Jhesu omnipotant
  17. «Nos laist si esploitier dès ici en avant
  18. «Que puissons faire à Karle auques de ses talans !
  19. «Laissiés me à Escorfaut parler par avenant :
  20. «Amis,veus tu reçoivre créance voiremant,
  21. «Foi et humilité et saint bautisemant ?
  22. -Sire,dist Escorfaut,gel voil moult bonement .»
  23. L''archevesques Turpin va les fons aprestant,
  24. Le seignor i baptisent et des siens ne sai quans ;
  25. Et qui Dieu ne veut croire,tous les vont ociant .
  26. Aesmer les puet on,par le mien enciant,
  27. A plus de .XXXm .qui en Dieu sont créant .
  28. Et Huidelon an ot .XXXm .et .VII .cent,
  29. Et l''enfes Gui Guis1 .Lm,qui tuit furent créant .
    30. [ fol. 0151 ]
  30. Bien furent .C .millier cele compaigne grant
  31. Qui tuit sont à Karlon de bien faire entendant .
  32. La cité commanderent à .IIIIc .serjans,
  33. Et Escorfaut s''en torne et Huidelon li frans,
  34. D''aler à Karlemaine est chascuns desirans .
  35. Or iront tuit ensamble,li viel et li enfant,
  36. Le chemin vers Luiserne,se Diex le lor consant .
  1. OR chevauchent ensamble li chevalier de pris ;
  2. Les chars font arouter,si les ont devant mis .
  3. Or les conduie Diex,li rois de paradis !
  4. L''enfes Guis de Borgoigne fu chevaliers de pris ;
  5. Huidelon en apele et Danemont son fis,
  6. Et li roi Escorfaut et Dragolant ausis :
  7. «En conbien venrons nous à Luiserne la cit ?
  8. -Par foi !dist Huidelon,gel vos aurai tost dit .
  9. «Ja ne verrois .III .jors passés ne acomplis
  10. «Que nos verrons Karlon,le roi de Saint Denis,
  11. «Et les barons de France que vos desirrés si .»
  12. Quant Escorfaut l''entent,si a gité .I .ris,
  13. Et dit à Huidelon :«Merveilles avés dit ;
  14. «Ainçois aurons trové une mult riche cit,
  15. «Que plus riche ne tint paiens ne Arabis,
  16. «Et siet sor .I .regort,sor .I .rochier antif .
  17. «Li mur en sont trestuit de marbre vert et bis,
  18. «.XV .tours i a hautes,qui sont de marbre bis,
  19. «Entor chascune cort de mur .I .mult grant fil,
  20. «Et à chascune porte est li pons tornéis .
  21. «Li sires qui la tient i a par droit assis
  22. «.C .homes qui la gardent,armé et fervestis .
  23. «Onques Diex ne fist home,tant soit poestéis,
  24. «Ne tant éust o lui de chevaliers de pris,
  25. «Qui la préist par force jusc''au jor dou joïs .
  26. -Comment a non,biaus sire ?ce li a dit rois Guis .
    27. [ fol. 0152 ]
  27. -On l''apele Maudrane,Escorfaut respondi,
  28. «Si la tient Emaudras,.I .cuivers maléis ;
  29. «Il fu de ma serour nez et angenoïs .
  30. «S''il après moi demeure,bien nos aura traïs ;
  31. «Mais,se g''en devoie estre traïnez à roncis,
  32. «Ne demorra il pas,par foi le vos plevis .
  33. «Se il veut trespasser ne mes fais ne mes diz,
  34. «Je li ferai crever le cuer desous le pis .
  35. «Véés ci Huidelon :par lui sui ge traïs ;
  36. «Ausi ert il par moi,par foi le vos plevis,
  37. «Si en ferai present Karlon de Saint Denis .»
  38. Quant l''enfes Guis l''entent,si a gité .I .ris,
  39. Et après l''en randi plus de .Vc .mercis .
  40. Icele nuit se logent enmi le pré flori,
  41. Et l''endemain à l''aube sont à la voie mis .
  1. OR chevauchent ensemble à joie li baron .
  2. Cil sires les conduie qui Longis fist pardon !
  3. Li char erent devant là où les dames sont,
  4. Qui volenters verroient l''emperéor Karlon ;
  5. Lor costoient la mer qui brunoie environ .
  6. A esploit chevaucherent jusc''à none de jor,
  7. Puis montent sor .I .pui et regardent desous,
  8. Et voient la cité sour .I .regort réont,
  9. Et ausi grant richesce tele ne vit nus hon :
  10. Mesons,sales perrines,qui bien fondées sont,
  11. Et choisirent les murs,qui haut sont contremont ;
  12. Voient les .XV .portes où li chevalier sont,
  13. Li .XV .bras de mer qui gietent grant bruior,
  14. Et de lé ot chascun le trait à .I .bozon .
  15. Et voient les forès et vignes par en son,
  16. Et si très grant richesce tele ne vit nus hon .
  17. L''enfes Guis de Borgoigne en dreça le menton ;
  18. Escorfaut en apele et le viel Huidelon :
    19. [ fol. 0153 ]
  19. «Or poés vous véoir de Maudrane la tour .»
  20. -Vos dites voir,biaus sire,ce respont Huidelon .
  21. «Or faisomes loger nostre ost ci environ .
  22. «Si par engin n''est prise,ja dedens n''entreron ;
  23. «Se trestous li empires de la terre Karlon,
  • 1.
    Nous supprimons devant Gui l'enfes, qui se lit dans
    le manuscrit a, et qui fausse le vers.