Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. «Et tuit li Sarrazin qui ains furent ne sont
  2. «L''avoient assegie entour et environ,
  3. «Si porroient il estre jusc''au daerrain jor
  4. «Que ja n''i mefferoient la monte d''un boton .»
  5. Quant li anfes l''entent,si tint le chief enbron .
  6. «Ne vos esmaiez mie,sire,dist Huidelon .
  7. «Se Dieu plaist et saint Pierre,c''on quiert en pré Noiron,
  8. «Ains demain à ceste eure la cité vos randron .
  9. «Chargiés moi de vos homes,.Xm .compaignons,
  10. «Et g''en menrai .Xm .de mes prisiés barons ;
  11. «Mès ge ferai lier as vos et piés et pons,
  12. «S''aura chascun vestu son haubert fremillon,
  13. «Le vert hiaume lacié,ceint le brant de color,
  14. «Et si serra chascun sor son destrier gascon .
  15. «Quant nos venrons à ceus qui là gardent le pont,
  16. «Si lor ferons acroire que ce sont tuit prison,
  17. «Ses avons gaaigniez en l''ost le roi Guion,
  18. «Et,por justice faire,à Maudras les menon .
  19. «Par icele maniere là dedens entrerons ;
  20. «Se Dieu plaist et saint Pierre,la vile issi panrons .
  21. -Par mon chief,ce dist Guis,ci a bone raison ;
  22. «Mais gardez,biaus dous sire,qu''il n''i ait traison .
  23. -Par cel seignor,dist Huidres,qui soffri passion,
  24. «Je nel feroie mie por paor de prison,
  25. «Qui me devroit tolir le chief sous le menton !»
  26. Et li anfes respont :«Diex vos face pardon !
  1. LI rois Guis de Borgoigne,qui tant fait à proisier,
  2. Bertrant,le fils Naimon,en prist à araisnier,
    3. [ fol. 0154 ]
  3. Estout,le fil Odon,Berart de Mondisdier :
  4. «Seignor,faites à Huidre tot ce qu''il vos requiert,
  5. «Et si pansés por Dieu de m''onor essaucier .»
  6. Et cil li respondirent :«Ce fait à otroier .»
  7. Tost et isnelement se vont apareillier,
  8. Et erralment s''adoubent .XXm .chevalier,
  9. Qui por Dieu se sont tuit levé et bautisié .
  10. Quant il furent ensamble,bien furent .XX .millier .
  11. Huidelon les conduit,et Escorfaut ses niez,
  12. Et Dragolans li preus,et Danemons li fiers .
  13. Li rois les commanda au glorieus du ciel,
  14. Qu 'il les puist raconduire sain et saus et entiers .
  15. Et li viels Huidelon ne s''est pas atargiés,
  16. Ains a fait as François et bras et poins lier ;
  17. Mais ne sont pas estroit,qu''il ne lor est mestier :
  18. Tost aura li uns l''autre poins et piés desliés .
  19. Tout les ont mis devant et pansent d''esploitier ;
  20. De ci c''à la cité ne se sont atargié .
  21. Au maistre pont troverent les paiens haubergiés,
  22. Qui gardoient la porte et les fossés premiers ;
  23. Cornicas an ert sires,qui Diex doinst ancombrier .
  24. Atant es Escorfaut qui commence à huchier :
  25. «Amis,oevre la porte sans point de delaier,
  26. «Lé moi léans antrer,que g''en ai grant mestier ;
  27. «A Emaudra,mon oncle,que je ai forment chier,
  28. «Je li voil presant faire de .Xm .prisoniers :
  29. «En l''ost le roi Guion les avons gaaigniés,
  30. «Si les amaine Huïdres et Danemons li fiers .»
  31. Quant Cornicas l''entent,onques ne fu si liés :
  32. La porte li a fait tantost deveroillier,
  33. Jusques à Emaudras les a fait convoier .
  34. Et nos François trespassent tout le palais plenier,
  35. Et truevent Emaudras desous .I .olivier,
  36. Où il ue as eschés à Murgale le fier,
    37. [ fol. 0155 ]
  37. Et avoit entor lui planté de chevaliers .
  38. Quant il voit nos François qui vienent prisonier,
  39. Tost et isnelement an est saillis an piés .
  40. Quant Huidelon le voit,primes l''a araisnié :
  41. «Mahomet vos saut,sire,qui tout a à jugier !
  42. «Prisons vos amenons qui mult font à prisier,
  43. «De .Xm .François,que véez tous liez .»
  44. Quant Emaudras l''entent,onques ne fu si liés .
  45. «Où furent ces gens pris ?gardés ne me noiés .
  46. -Biaus sire,en l''ost Guion,dist Escorfaut ses niés ;
  47. «Il furent à Augorie avant ier essillié,
  48. «Et vindrent à la porte assaillir et lancier ;
  49. «Trestuit i furent pris,à celer nel vous quier .
  50. «Si ne fust Huidelon Et Huidelon1 qui me vint aïdier,
  51. «Assamblé i fuissiens je et mi chevalier,
  52. «Trestuit i fuissïens mort,ocis et detrenchié .
  53. «Prenés or ces cheitis,jes vous rant prisoniers ;
  54. «Ce ert la vostre pars,s''en soiés josticiers .»
  55. Et a dit Emaudras :«Bien avés esploitié .
  56. «Or an irons ansamble à Luiserne logier,
  57. «Aquilant,mon seignor,et secorre et aidier ;
  58. «S''irons l''ost Karlemaine par force deslogier,
  59. «Et li ferons la teste fors du bu rooignier .
  60. «L''autr''ier m''en dist noveles .I .moult cortois paumier,
  61. «Qu''à paines se pooit ester desor ses piés,
  62. «Qu''il n''ont en l''ost vitaille n''à boivre n''à mangier,
  63. «Et tuit sont recréu li auferrant destrier .
  64. -Par mon chief,ce dist Huidres,à celer nel vos quier,
  65. «Je serai au devant,se je puis esploitier,
  66. «Car plus hé le viellart que nul home sos ciel .
  67. «Mais faisons là deseure mener ces prisoniers ;
  68. «Demain si les ferons mener à nos herciers .
  69. «Lessiés moi anuit mais dormir et aaisier,
  70. «Que ne me despoillai il a .VIII .jors entiers,
    71. [ fol. 0156 ]
  71. «Ne que n''ostai ma broigne ne mon hauberc doublier .»
  72. Et Emaudras respont :«Ce fait à otroier .»
  73. Lors s''aroutent ensamble trestuit li mesagier,
  74. Et Danemons les guie et Dragolans li fiers .
  • 1.
    Si ne fust Huidelon qui me vint aïdier.
    Leçon de a : Et Huidelon. - Le vers est faux et inin
    telligible.