Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. A l''entrer du palais truevent le maistre huissier,
  2. Et tenoit .I .baston grant et gros de pomier,
  3. Et va ferir Bertrant deseur l''escu vergié :
  4. «Or çà,dist il cuivert,à vo grant encombrier !»
  5. Quant Danemont le voit,le sens quide changier :
  6. Il a traite l''espée au pon d''or entaillié,
  7. Tel coup li a doné tot le fist enbronchier :
  8. «Outre !dist il,lecherres ;si se doit on vangier
  9. «De gloton qui se dresce por franc home empirier !»
  10. Et li enfant s''en montent contremont le planchier .
  11. Ains qu''il fuissent amont,furent tuit deslié ;
  12. Maintenant ont des fuerres sachiés les brans d''acier .
  13. Huidelon vient devant et Escorfaus ses niés,
  14. Et ont fermé les portes et les ponts sus sachiés,
  15. Que là amont n''an entre Sarrazins ne paiens .
  1. OR furent el palais deslié li enfant,
  2. Et tienent en lor poins les bons acerins brans .
  3. Atant es Huidelon et Emaudras avant .
  4. Où qu''il voit nos François,si se va mervillant :
  5. «Faites à ces chetis oster ces riches brans,
  6. «Ses ferons trebucher an cele chartre grant .»
  7. -Par mon chief,ce dist Huidres,ains vos feront dolant,
  8. «Se vos ne volés croire Jhesu,le roi amant,
  9. «Qui de la sainte Virge nasqui en Belliant .»
  10. Quant Emaudras l''entent,si li mua li sans,
  11. Et dist à Huidelon :«Sire viellars puans,
  12. «Avés me vos anuit traï si faitemant ?
  13. «Par Mahomet,mon Dieu,que ge trai à garant,
  14. «Je me leroie einçois giter en fu ardant
    15. [ fol. 0157 ]
  15. «Que créisse en celui que penerent tyrant ;
  16. «Quant lui ne vout aider,mal me seroit garant .»
  17. Quant Danemons l''entent,si est passés avant,
  18. Par la barbe le prist,si le tira avant,
  19. Deriere el haterel li done cop si grant
  20. C 'à ses piés l''abati,si li dist en riant :
  21. «Fil à putain,traïtres,fel viellars recréans,
  22. «Certes,mal mesdéites de Dieu,le roi amant,
  23. «Qui nos paist et governe et fait soleil luisant !»
  24. Turpins li archevesques vint cele part poignant :
  25. «Lessiés moi tost parler au Turc par avenant .»
  26. Et cil li respondirent :«Tot à vostre commant .
  27. -Amis,car croi en Dieu,le pere roi amant ;
  28. «Tote rauras la terre,tu n''i perdras noiant .»
  29. Quant Emaudras l''entent,les eus va rooillant,
  30. Et a dit à Torpin :«Sermons n''i vaut noiant
  31. «Que créisse an celui qui,en Jherusalent,
  32. «En une planche veille place vies1 soffri mort et ahan ;
  33. «Ja ne crerai en lui celui2 ,ce te di vraiemant .»
  34. Quant Turpins l''entandi,le cuer en a dolant ;
  35. Il hauce contremont le bon acerin branc,
  36. Par milieu de la teste li done .I .cop si grant
  37. Entre ci que el pis le vait tot porfendant .
  38. «Certes,ci a bon prestre,dist Huidelon li frans .
  39. -Voire,qui bien confesse,dist ses fils Dragolans ;
  40. «Mès de sa penitence n''est il mie joians,
  41. «Que jusqu''ens el braier li est coulés li brans .
  42. -Seignor,or du bien faire !ce dient li enfant,
  43. «Si que ne s''aperçoivent Sarrazin ne Persant .
  44. «Alons les assaillir,gel voil et sel commant,
  45. «Ains qu''il praignent lor armes ne lor acerins brans,
  46. «Que gent qu''est desarmée ne vaut pas .I .besant .
  47. -Bien fait à otroier »,dist Huidelon li frans .
  48. «Or doit chascun de nous mostrer son hardemant
    49. [ fol. 0158 ]
  49. «Por conforter Guion,mon seignor le vaillant,
  50. «Et por aidier à Karle,à Luiserne la grant !
  51. -Bien fait à otroier »,respondent li enfant .
  52. A cest mot sont trestuit de la mort desfendant :
  53. Huidelon va s''espée par force paumoiant,
  54. Le poncel abaissierent et les pons par devant,
  55. Et voient les paiens l''un à l''autre joant .
  56. Huidelon lor ala hautemant escriant :
  57. «Mar i entrastes ens,fil à putain puant !»
  58. Vait ferir Cornicas,qu''il consivi avant,
  59. S''i l''a par mi tranchié comme ce fust .I .gant .
  60. Atant es Huidelon et son fil Dragolant,
  61. Escorfaut d''Aumarie et Berart et Bertrant,
  62. Savari de Tolouse et Torpin le vaillant,
  63. Auberi le hardi,Estout le combatant .
  64. As paiens sont venu,de ferir desirant .
  65. Quant Sarrazin les voient,en fuies sont tornant ;
  66. Li enfant les enchaucent,qui les vont ociant .
  1. SE là fuissiés le jour,par desous l''olivier,
  2. Que François assamblerent à la gent aversier,
  3. Dont véissiés paiens et foïr et chacier,
  4. Hurler,glatir et braire,crier et abaier .
  5. Et nos François les fierent,qui Jhesu puist aidier .
  6. Qui lor véist le jor ces paiens domagier,
  7. L''un mort desore l''autre verser et trebuchier,
  8. Plus en ont mis Françoisdevant eus el gravier
  9. Qu 'en .I .jor ne tuassent .IIIIc .charpentier .
  10. Trestuit sont desarmé,desfens n''i a mestier,
  11. Dont oïssiés paiens à haute vois huchier :
  12. «Hé Mahom !nostre sire,car nous venés aidier ;
  13. «Aiés merci des ames,c''or en avons mestier !
  14. Lors véissiés sor aus crestïens aïriés ;
  15. Trestous les ont ocis,n''en remest .I .antier,
    16. [ fol. 0159 ]
  16. Fors seulemant bien près la monte d''un millier .
  17. Et cil se sont feru en la mer por noier .
  18. Et nos François s''assamblent,plus de .XXX .milliers,
  19. Et tuit li converti qui Diex puist conseillier .
  • 1.
    En une planche veillesoffri mort et ahan,
    Leçon de a : place vies
  • 2.
    Ja ne crerai ben lui, ce te di vraiemant.
    Leçon de a : celui