Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. Lors firent tous les mors dedens la mer lancier .
  2. Là ot le jor sesi meint grant palais plenier,
  3. Mainte meson perrine et meint riche solier,
  4. Si firent la vitaille assambler sans targier .
  5. Qui huimès veut oïr chançon bel commencier
  6. Si se traie en avant et laisse le noisier,
  7. Con rois Guis s''acorda à Karlon au vis fier,
  8. Et com il li tandi la teste por tranchier,
  9. Quant ot prise Luiserne,le grant palais plenier .
  1. DE la cité issirent à bele compaignie,
  2. Et chevauchent ensamble,Diex lor doinst bone vie !
  3. Huidelon va devant,à la barbe florie,
  4. Et Bertrans,et Berart à la chiere hardie .
  5. L''enfes Guis de Borgoigne hautement lor escrie :
  6. «Gentils rois debonaires,est la cités saisie ?
  7. -Oïl,dist Huidelon,el non Sainte Marie,
  8. «Et Emaudras li glous a la teste tranchie ;
  9. «Turpins an prist venjance à l''espée forbie,
  10. «Por ce qu''il despisoit Jhesu,le fieus sainte Marie le fieus Marie1 .
  11. «Gentieus rois debonaires,or ne nos tardons mie ;
  12. «Mais alons à Luiserne,cele cité garnie,
  13. «Et secorons Karlon à la barbe florie,
  14. «Qui grant mestier en a,j''en ai novele oïe .»
  15. Lor chars font ateler,s''ont lor voie acoillie,
  16. Les pavillons destendent de la grant praerie,
  17. Tost et isnelement à la voie se mistrent .
  18. Or dirons de Karlon,le roi de Saint Denise,
  19. Qui siet devant Luiserne,coreçous et plains d''ire .
  20. Ogier en apela,si li a pris à dire,
    21. [ fol. 0160 ]
  21. Et Naimon à la barbe,le duc Sanson le riche :
  22. «Baron,dist l''emperere,por Dieu le fil Marie,
  23. «Jamais ne verrai Gui,ne sai que plus vous die .»
  24. Lors a ploré des eus et tendrement souspire .
  25. «Sire,ce dist dus Naimes,ne vos esmaiés mie .
  26. «Il a plus de .VII .ans c''asevis ceste vile,
  27. «Et rois Gui,qui amaine la grant chevalerie,
  28. «N''a pas .III .ans passés que il en a .III .prises .
  29. «Quant il aura la terre trestote en sa baillie,
  30. «Certes,à vous venra à bele compaignie .
  31. -Certes,dist Karlemaines,li miens cuers le desire,
  32. «Ne après sa venue ne vodroie plus vivre .»
  1. CHARLES,li rois de France,formant se redota ;
  2. Mais Naimes de Baviere formant le conforta .
  3. Atant es .I .garçon qui es loges antra .
  4. Rollant et Olivier en sa voie encontra ;
  5. Il venoit des montagnes qu''il gardoit,tiers jors a .
  6. Quant Rollans l''a véu,en haut li escria,
  7. Si li a demandé où il vient et où va ;
  8. Mais li garçons respont que moult bien lor dira,
  9. Mais qu''à Karlon le mainent et à lui parlera .
  10. Et Rollans li respont :einsi com lui plaira .
  11. Devant le roi le mainent,et il le salua ;
  12. Devant le roi de France li mes s''agenoilla .
  13. Quant Karles l''a véu,tantost li demanda
  14. D''ont il est,de quel terre,et quel besoing il a .
  15. «Sire,dist li mesages,ne menjai tiers jor a ;
  16. «Bien a passé .I .mois que m''envoiastes là .
  17. «Ier matin,quant solaus esclarci et leva,
  18. «Me parti de Marsile,qui sor Mahon jura
  19. «Qu''il vanroit à Luiserne au pooir que il a,
  20. «Et dit que tout par force de ci vos levera,
  21. «Et vostre cors méismes tot vif escorcera,
    22. [ fol. 0161 ]
  22. «Rollant et Olivier les testes tranchera .
  23. «Sire,dist li mesages,com faites gens il a
  24. «Plus de .Cm .Turs,nel vous celerai ja .»
  25. Quant l''entent l''empereres,son chief en enclina ;
  26. Rollant et Olivier forment en sospira .
  27. Li rois dist à Ogier :«Qui ue conseillera ?
  28. -Sire,dist li Danois,ne vous esmaiés ja ;
  29. «Vc .dahais ait il qui très bien n''i ferra,
  30. «Et qui son branc d''acier sor eus n''essaiera .»
  31. Quant François l''entendirent,chascuns se conforta .
  32. «Hé Diex,dist l''emperere,quel chevalier ci a !
  33. «Benéoite soit l''eure que Gaufroi l''engendra !»
  1. L''EMPERERE de France fu formant effréez,
  2. Ogier en apela et Naimon le barbé .
  3. «Seignor,dist l''emperere,commant porrons durer ?»
  4. Atant es Ganelon qui Diex puist mal doner .
  5. «Sire,dist il au roi,mult avons fol pansé,
  6. «Se issi nos laissons ocire ou afoler ;
  7. «Ralon nos an en France,drois empereres ber,
  8. «Laissons ceste cité,Diex la puist craventer !
  9. «Que ja ne sera prise par home qui soit nés .
  10. «Vos atendés tel chose que jamés ne verrés :
  11. «Guion et les enfans que vous tant desirés,
  12. «Qui conquierent les marches anviron de tous lés .»
  13. Quant l''entendi dus Naimes,si est en piés levés,
  14. Et a dit à Karlon :«Cestui pas ne créés .
  15. «Se vos ce volés faire,vos an repantirés ;
  16. «Mès fetes une chose que je vous loeré :
  17. «Fetes .IIIIm homes fervestir et armer,
  18. «Si faites l''avangarde sorvéoir et monter,
  19. «Savoir se il verroient Sarrazins et Esclers .
  20. -Naimes,dist l''empereres,qui i porroit aler ?»
  21. Et li dus li respont :«Je l''aurai tost trové .
    22. [ fol. 0162 ]
  22. «Envoiez i,biaus sire,Ganelon et Hardré,
  23. «Tiebaut et Alori,et le grant parenté ;
  24. «Qui tel conseil vos done bien doit son cors pener .
  25. -Certes,dist l''emperere,bien fait à créanter .»
  26. Ganelon en apele et son grant parenté .
  • 1.
    Por ce qu'il despisoit Jhesue, le fieus Marie.
    Le manuscrit a porte : le fieus sainte Marie. Nous supprimons sainte, qui fausse le vers.