Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. -Si fas je voir,biaus oncles,ja mar le mescrerés .»
  2. Plus de .C .fois li baise et la bouche et le nés .
  3. Karles li empereres a fait par l''ost crier
  4. Que tuit li chevalier voisent es chars entrer,
  5. .VIII .jors avoc lor femes se voisent sejorner,
  6. Et proient Damedieu,le roi de majesté,
  7. Que il leur lest en eus conçoivre et engendrer,
  8. Que après aus meintiegnent tote lor herités .
  9. Et cil si firent tuit quant il l''ot commandé ;
  10. O lor beles moillers sont en lor chars entrés,
  11. Et demainent grant joie par mult grans amistés .
  1. MOULT demainent grant joie les dames o lor prinches ;
  2. .VIII .jors tous plains i furent,que onques n''an issirent,
  3. Se ce ne fu à vespres ou à none serie .
  4. .I .matin se leva Karles de Saint Denise :
  5. Devant lui fait venir sa riche baronie,
  6. Et cil i vindrent tuit,qui ne l''osent desdire .
  7. Li rois les a menés arier à .I .concile ;
  8. Iluec les araisone,si lor a pris à dire :
  9. «Seignor,dist l''emperere,ne lerai ne vos die,
  10. «Et,se vous l''otroiez,li miens cuers le desire,
  11. «Ces dames s''an revoisent en France la garnie,
  12. «S''enmainent avoc eles lor nieces et lor filles,
  13. «Et la bele Aude avec,que Rollans a plevie ;
  14. «Si lor metons .I .jor dont soient esbaudies .
  15. -Bien fait à otroier »,tuit li baron s''escrient .
  16. A icele parole ariere s''en revindrent .
    17. [ fol. 0169 ]
  17. Quant les dames le voient ;totes en piés saillirent .
  18. Karles prist bele Audain,qui fu de sens garnie,
  19. De biauté,de proesce et de grant cortoisie ;
  20. Si apela Gilain,sa serour l''eschevie,
  21. Et puis la mere Gui,qui moins ne valut mie :
  22. Totes les autres dames sont par les prés asises .
  23. Et Karles se dreça,si parla com nobiles .
  1. L''EMPERERE de France a parlé en oiant :
  2. «Dame,ce dit li rois,celer n''i vaut noiant,
  3. «Vos en covient aler en France la vaillant ;
  4. «Ne poez en Espaigne soffrir les grans ahans,
  5. «Ne les jors jéuner,ne soffrir les tormans .
  6. «Nous irons vers Marsile,se Diex le nous consant .
  7. «S''il nos avoit doné l''onor des mescréans,
  8. «Ques poïssons avoir veincus et recréans,
  9. «Lors r''irions en France,dont je sui desirans,
  10. «A la seint Bastien,tut en séez créant 1 .
  11. «Lors si panra sa fame mestmes li dus Rollans
  12. «Et ferons coroner Guion,ce jone enfant,
  13. «Si li donrai en fié ceste terre vaillant,
  14. «Et Rollans aura France dont moult est desirant .»
  15. Et les dames respondent :«Tot à vostre commant .»
  16. Hé Diex !quele aventure qui lor va aprochant !
  17. Tel .Xm .furent liés de cel créantemant
  18. Qui onques puis ne virent ne fames ne enfans ;
  19. Que Ganes les vandi as cuivers soduians,
  20. Ses vendi à Marsile à or et à arjant,
  21. Dont fu en Reinschevaus li martires si grans !
  1. L''EMPERERES se drece qui tot a devisé,
  2. Si a faites les dames dedens les chars entrer ;
  3. De l''ost se departirent,grant duel i ot mené .
  4. Tel baisa son seignor et tel l''a acolé
    5. [ fol. 0170 ]
  5. Jamès ne le verra an trestot son aé .
  6. Karles li empereres les convoia assés,
  7. Et,quant il s''en parti,conduit lor a livré ;
  8. Et par nuit et par jor ont li char tant erré
  9. Que chascune s''en va dedens son erité .
  10. Et quant ce vint au terme que Karles ot nomé,
  11. Mult furent atandu par trestout le regné,
  12. Et 2 quant il ne revindrent,grant duel i ot mené .
  13. Karles fu à Luiserne,li empereres ber,
  14. Si a fait son barnage de devant lui mander,
  15. Si i a fait la terre partir et deviser .
  16. Huidelon a randue ambesdeus ses citez,
  17. Et trestout son roiaume,et de lonc et de lé ;
  18. Augorie randi Escorfaut le menbré ;
  19. Mès tuit ont recéu Guion à avoé,
  20. Que Karles li dona tote Espaigne à garder .
  21. Li converti s''an vont por lor terre garder ;
  22. Il demandent congié,Karles lor a doné .
  23. Li jors tret à declin,si fu tost trespassés ;
  24. Karles li empereres se coucha en son tref .
  25. Après la mie nuit,quant son songe ot finé,
  26. Atant es .I .bel angre qui gete grant clarté
  27. Aussi com s''il tenist .I .grant chierge alumé .
  28. «Karles,ce dist li angres,dirai toi verité :
  29. «Ne sui pas hons terestre,ains sui esperités ;
  30. «Ce te mande li Sires qui en crois fu penés
  31. «Que ailles en Galisce por Saint Jake aorer .
  32. «Aincois que tu reviegnes,je te di par verté,
  33. «Orrois vos teus noveles dont vos joiant serés .
  34. «Après ceste joïe autre joie raurés ;
  35. «Mais ne t''esmaier mie,drois empereres ber,
  36. «Qu''icil te conduira qui tout a à garder .
  37. «Je ne te puis plus dire que ne m''est commandé ;
  38. «Mais cil qui nos servons et iver et esté
    39. [ fol. 0171 ]
  39. «Gart ton cors et ta vie et ton riche barné !»
  40. Atant s''en va li angres,et Karles est remez ;
  41. De ce ot moult grant joie que Diex li ot mandé .
  42. Et quand vint au demain,et Karles est levés,
  43. Lors est li empereres vestus et conréez .
  44. Rollant et Olivier a devant lui mandé,
  45. Et Naimon et Oger et Sanson le sené,
  • 1.
    A la seint Bastien, tut en séez créant.
    Ce vers manque dans a.
  • 2. Correction par Guessard dans le texte sans justification.