Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. Et il si firent sempres,quant il l''ot commandé,
  2. Les chiés contre Oriant,les genous aclinez .
  3. «Seignor,dist l''archevesques,.I .petit m''entandez :
  4. «Dès le premerain jor que fustes oncques nez
  5. «De ci à icestui où vos estes antrez
    6. [ fol. 0065 ]
  6. «Des pechiés dont vos estes mesfès ne meserrez,
  7. «Certes,j''en remain pleges ici et devant Dé
  8. «Que au jor dou joïse vos randrai tous aubez .
  9. «Chevauchiez par vertu,mar vos esmaierez .
  10. «Penitance vos doins tele com vos orrez :
  11. «De ruistes cous ferir sor paien desfaez .»
  12. Et cil li respondirent :«Si com vos commandez .»
  1. QUANT Turpins ot sa gent seignie et benéie,
  2. Et il les out assous de Dieu le fil Marie :
  3. «Seignor,dist l''archevesques,ne vos esmaiés mie,
  4. «Or i ferés grans cous sor la gent paienie .»
  5. Et cil li respondirent :«Diex nos soit en aïe .»
  6. Trestuit se commanderent à Dieu le fil Marie .
  7. Atant es Escorfaut,le seignor de Nubie ;
  8. La lance porte droite,où l''enseigne balie .
  9. Où voit son latinier,fierement li escrie :
  10. «Diva,li quels est rois de France la garnie ?
  11. «Certes,je nel vi onques,si ne le connois mie .»
  12. Boydans li respont :«Jel vos mostrerai,sire :
  13. «Vés le là tot armé à cele targe bise,
  14. «A cele grant crois d''or où li ors reflambie .
  15. «Il a l''espée ceinte,où durement se fie ;
  16. «Mult resamble bien prince qui ait grant seignorie .
  17. «Par Mahom !c''est li rois de France la garnie .»
  18. Et Escorfaut respont :«Mult est corte sa vie .
  19. «Or ne leroie mie por tot l''or de Pavie
  20. «C''à cest espiel trenchant orendroit ne l''ocie .»
  21. Quant li enfes l''entent,li cuers li atandrie ;
  22. Damedieu reclama,où durement se fie :
  23. «Glorious sires peres,qui tot as en baillie,
  24. «Garissiez hui mon cors de tote vilonie,
  25. «Et sauvés ces enfans qu''il n''i perdent la vie,
  26. «C''ancor puissent véoir Karlon de Saint Denise
    27. [ fol. 0066 ]
  27. «Et li fachent secors à Luiserne la riche .»
  28. Atant es Escorfaut,qui son cheval aigrie,
  29. Et l''enfes Guis let courre le destrier d''Orcanie ;
  30. Merveilleus cous se donent,qu''il ne s''espargnent mie .
  31. Li paiens fiert Guion sor la targe florie ;
  32. Mès la broigne fu fors,qu''il ne l''a desartie .
  33. La lance qui fu droite li est es poins croissie,
  34. Et l''enfes se tint bien,qui an Jhesu se fie .
  35. Le paien a feru sor la targe florie ;
  36. Ne li fus ne la targe ne li vaut une alie,
  37. Parmi le gros du cuer le roit espiel li guie,
  38. Outre li fait passer,ne s''i areste mie .
  39. A l''abaissier des lanches an chaïrent .III .mile .
  1. MULT fu fors la bataille à l''estour commencier ;
  2. Bien i fierent ensamble li Guion chevalier .
  3. Là oïssiez grant bruit à l''estour commencier,
  4. Car d''Espaigne an i firent .IIIIm .trebuchier .
  5. Quant les lances sont fraites,traient les brans d''acier .
  6. Là véissiés le jor tel estour commencier,
  7. Tant bras et tante espaulle et itant hanepier,
  8. L''un mort desore l''autre verser et trebuchier,
  9. Et foïr par ces chans tant auferrant destrier,
  10. Lor regnes traïnant qui erent estraier .
  11. Là véissiez le jor tante teste tranchier,
  12. Qui as paien torna à mult grant encombrier .
  13. Qui le jor fust el champ et vousist bon coursier,
  14. Ja ne l''en estéust à son voisin plaidier,
  15. Ne ostage livrer por son cheval paier .
  16. Atant es Cornicas,qui Diex doinst ancombrier .
  17. Bien fu armés li glous à guise d''ome fier ;
  18. Hauberc ot et bon hiaume et espée d''acier,
  19. Et tenoit en son poing .I .roit trenchant espier .
  20. Quant il voit son linage si vilment depecier,
    21. [ fol. 0067 ]
  21. Et dit en son corage,s''il ne le puet vengier :
  22. «Je ne me prise mie la monte d''un denier .»
  23. Quant l''enfes Guis le voit,ne le vout espargnier .
  24. Qui véist au baron son espiel paumoier,
  25. Par desus les enarmes et sous l''escu plongier,
  26. Bien li péust menbrer de noble chevalier .
  27. Et Cornicas se paine de sa honte vangier ;
  28. Jhesu Crist le maudie,le verai justicier !
  29. Il broche l''auferrant,et rois Guis le corsier ;
  30. Mervilleus cos se donent es escus de quartier .
  31. Li paiens fiert Guion,ne le volt espargnier .
  32. Tant sont fort li hauberc nes porent ampirier ;
  33. Par droite vive force convint l''espiel brisier .
  34. Et l''enfes Guis le fiert,qui le corage ot fier ;
  35. Li tains ne li vermaus ne li ot puis mestier
  36. Que le fer ne li face ou vermeil sanc baignier ;
  37. Tant com hanste li dure le fist mort trebuchier .
  38. Lors escrie Borgoigne !por sa gent ralier .
  39. Il n''avoit dame en char,tant féist à proisier,
  40. Ne tenist en sa main son livre ou son sautier,
  41. Et prie Damedieu,le verai justicier,
  42. Qu''il lor enfans garisse de mort et d''ancombrier .
    43. 1
  1. MULT fu fors la bataille et mult fist à douter ;
  2. Sarasin s''esmaierent,ne porent plus durer .
  3. «Si m''aït Diex,dist Guis,ja les verrés torner .
  4. «Je vos pri,por celui qui se laissa pener,
  5. «Quant vos verrois paiens sempres les dos torner,
  6. «Qu''il s''en vodront foïr très dedans la cité,
  7. «Por amor Dieu de gloire,de si près les suiez
  • 1. Mult fu fors la bataille à l'estour commencier.Toute cette tirade manque dans le manuscrit b.