Capitains Nemo

«Que vos isnelement ensamble o aus entrez ;
«Que jamais autrement n''ert prise la citez .
«Karles i sist .III .ans,li fors rois keronez,
«Ains n''i mesfist dedens .I .denier monéé .»

[ fol. 0068 ]

Et cil li respondirent :«Diex en set nos pensez .»
«Sire,ce dist Bertrans,por Dieu,adès ferez,
«Ociez tout à fais quanque vous encontrez .»
A icele parole,es l''Escot Gilemer,
Et Berart l''Ardenois et Turpin l''ordené,
Savari de Tolouse et Estout l''alosé,
Auberi le Borgoing et Jofroi le sené,
Et chascun en son poing le bon branc aceré .
Iluec les véissiez si très bien esprover .
Et l''enfes Guis si est hautement escriez :
«Baron,or du bien faire et du ferir pansez .»
Et li François si firent,si ont paiens hurtez .
Et cil s''an sont foï,si ont les chans lessiez,
Et li enfant les chacent as bons brans acerez ;
Jusc''à la mestre porte ne sont asséurez .
Li Sarasin ne sorent en nul sens i garder
Que plus de .XV .mile n''an soit o aus entrez .
Cil qui là sus monterent furent à sauveté,
Et cil qui hors remestrent furent mal ostelé .
Et li enfant les ont le jor tout decoupés,
Et,quant les ont ocis,en mer les ont gitez .
Et l''enfes Guis fait panre et maisons et ostés,
Puis a fait par la vile .I .riche ban crier,
Qu''il facent la vitaille tot ensamble aporter
Et gardent que n''en ostent .I .denier monéé,
Et qui la repondra s''aura le chief copé .
Et li enfant l''ont fait,quant il l''ot commandé .
En mult petit de terme en ont tant assamblé,
Li rois vit la vitaille,s''a tendrement ploré .
Diex de mult riche cuer se prist à porpanser,
Bertrant an apela et Berart :«Çà venés .»
Estout le fil Oedon,Turpin et Gilemer,
Savari de Toulouse,Auberi le menbré,
Et Jofroi l''angevin et Hue le sené,

[ fol. 0069 ]

Et les enfans de France dont il i ot planté ;
Mais sor trestous les autres a Bertrant apelé .
«Amis,ce dist li enfes,à moi en entandez :
«Prenez .Xm .murs amblans et sejornez,
«Et autretant chameus et de bugles assez,
«Et si soiés .Xm .de chevaliers armez .
«Droitement à Luiserne là les me conduirés,
«A Karlon l''emperere les me presenterez,
«De par le roi de France le me saluerés ;
«Et si vos pri,biaus sire,que bel à lui parlez .
«Nel tenés pas por vil por ce s''a povertez,
«Mais à vostre pooir le sien cors honorez .
-Sire,ce dist Bertrant,à moi en entandez :
«Por amor Dieu de gloire,qui en crois fu penez,
«Nos verromes les peres qui nos ont engendrés,
«Que onques ne véismes an trestous nos aez ;
«Parlerons nous à aus,se vos le commandez ?
-Par saint Denis,dist Guis,qui mes chiés est donez,
«Ne par cele corone dont m''avés queroné,
«C''à Paris me méistes el chief outre mon gré,
«Ne par la foi que doi au cors méisme Dé,
«Il n''i a nul de vous de si haut parenté,
«S''il se fait à son pere connoistre n''aviser
«Et il repaire à moi,qu''il n''ait le chief copé ;
«Quar ge i vodrai estre à grant joie menez,
«Et si voil orendroit que vos le m''afiez .»
Quant li enfant l''entendent,es les vos esfréez ;
Lors remaudient l''eure qu''il l''orent queroné .

AU matin par son l''aube,quant il dut esclairier,
Lors fu li enfes Guis mult bien aparillié,
Et va véoir la tour amont sor le gravier .
Entor lui fait venir les jones chevaliers .
«Seignor,ce dist li enfes,or vos apareilliez kar vos agenuillez .¹

[ fol. 0070 ]

«Et prions Damedieu,qui en crois fu dreciez,
«Que il nos laist conquerre ce grant palais plenier,
«Qu''encor puissons véoir Karlemaine au vis fier .»
Et cil li respondirent :«Biau sire,volantier .»
Les chiés contre oriant sont à genous couchiez .
«Hé Diex !ce dist li enfes,qui en crois fu dreciez,
«Si m''aïdes tu,Sire,com tu hons et Dieus ies,
«C''ancor puissons Karlon dedens Luiserne aider .
Or oez des vertus com Diex ot Guion chier :
Ainçois c''on fust alé le trait à .I .archer,
Fendi la tour de marbre par mi,an .II .moitiés ;
Ains là sus ne remest Sarasin ne paien
Qui là ne fust ocis de piere ou de mortier .
Et l''enfes Guis fait panre et mesons et soliers,
Si en a fait giter et argent et ormier,
Les trés,les pavillons et les cendaus ploiés .
Bertrans,li fils Naimon,ne s''est pas atargiés,
Estous,li fils Odon,Berart de Mondisdier ;
Ainçois furent montez .XVm .chevaliers .
Chascuns fu bien montez sor son corant destrier,
Et si ont fait trousser les murs et les somiers .
Bertrans,Estout,Berart,an furent mesagier ;
De Carsaude s''an issent sans plus de delaier .
Cil Sires les conduie qui tot puet justicier ;
Car,ainçois que il voient lor seignor droiturier,
Aura chascuns poor de la teste à tranchier .

Or s''en vunt li messages ki Deus pust honorer,

E menent la viande à Karlon à vis fer .

Cil gardent les passages,les destreis et les guez .

Gui de Bourgogne

Geste