Gui de Bourgogne

Geste

Gui de Bourgogne: Numérisation de l'édition de Guessard de 1858 sous la direction de Jean-Baptiste Camps édition numérique Alice Cochet , , éd. par François Guessard , Henri Michelant , Gui de Bourgogne: Chanson de geste P. Jannet Paris 1858 F. Vieweg Paris 1859

  1. OR s''an vont li enfant qui oirrent lor chemin :
  2. Cil Sires les conduie qui de l''eve fist vin,
  3. Le jor qu''il sist as noces de saint Arcedeclin !
  4. .I .matin se leva Karles li fils Pepin .
  5. Par ire s''est li rois devant son tref assis,
  6. Et vit amfler ses jambes et ses piés et son vis ;
  7. Ses piés a regardez,dont li cuirs est noircis .
    8. [ fol. 0071 ]
  8. Ogier en apela et Naimon le flori,
  9. Et Richart le Normant et Sanson et Tierri,
  10. Et Jofroi le vaillant et Gautier de Berri,
  11. Et Yvon et Yvoire et Haton et Gondri .
  12. «Baron,dist l''empereres,entendez envers mi :
  13. «Si m''aït Diex de gloire,qui onques ne manti,
  14. «Ne puis panre Luiserne,si ai grant piece sis,
  15. «Et n''avons pas vitaille à .II .jors acomplis .
  16. «Por ce m''estovera cest grans siege guerpir ;
  17. «Certes,je le ferai coreciés et maris .»
  18. Lors a ploré li rois,ne se pot atenir .
  19. Quant si home le voient,grant pitié lor an prist .
  20. «En non Dieu,ampereres,dist Naimes li floris,
  21. «Ne poés pas vos bons faire ne acomplir ;
  22. «Quant li termes vanra que Jhesu i a mis,
  23. «Nos panromes la terre sans nes .I .contredit .
  24. -Naimes,dist l''empereres,Diex vous puist benéir,
  25. «Et nous envoit secours par le sien saint plaisir !»
  26. Mais por noiant s''esmaient ;ains que soit avespri
  27. Aura il de vitaille trestot à son plaisir,
  28. Dont porra bien son ost grant piece raemplir .
  29. Et li enfant chevaucent belement par loisir ;
  30. Jusqu''à l''ost Karlemaine font les chevaus venir .
  1. OR chevaucent li mes roi Guion le guerrier,
  2. Et mainent la vitaille dont François ont mestier .
  3. Bertrant la font mener devant,le timonier,
  4. Estout le fil Odon,Berart de Mondidier .
  5. .I .jor sist Karlemaines devant son tref plenier,
  6. Et plora tendrement et esgarda Ogier,
  7. Et Tierri à la barbe,et Yvon et Renier ;
  8. Mais il n''i choisi mie Rollant ne Olivier,
  9. Ains erent es montaignes garder et espier .
  10. «Baron,dist l''emperere,je sui mult corociés
    11. [ fol. 0072 ]
  11. «Que jo ai tous enflés les jambes et les piés .
  12. «Anuit sonjai .I .songe,je nel vous quier noier,
  13. «Que il m''estoit avis,foi que doi saint Richier,
  14. «Que estïons en France,à Paris,el vergier .
  15. «Une si bele gent an issi sans targier,
  16. «Com se ce fuissent angre qui doivent flamboier .
  17. «Trestuit communement me chaoient as piés,
  18. «Et vos,par grant amor,les en releviés ;
  19. «Et puis revi la nue vers le ciel repairier .
  20. «Après,si vi sor vos plovoir et gresillier,
  21. «Et à mult grans tropiaus la blanche noif negier .1
  22. «Desor vos en ot plus,à celer nel vous quier,
  23. «S''an féissiés grant part as barons chevaliers .
  24. «Naimes,dist l''emperere,se Dieu plaist,ce ert biens .»
  25. Après ce mot regarde les plains de Montiblier,
  26. Voit venir les enfans qui estoient chargié,
  27. Les gonfanons de soie contre vent baloier,
  28. Et choisi la poudriere que mainent li somier .
  29. Lors quida l''empereres que il fust engigniés,
  30. Car il quida que fuissent Sarasins renoiés .
  31. Où que il voit ses homes ses prent à araisnier :
  32. «Baron,dist l''emperere,or de l''apareillier !
  33. «Que ancui nos auront li fort escu mestier .
  34. «Je voi là une eschiele qui Diex doinst encombrier .
  1. CHARLES a les enfans véus et esgardez,
  2. Vit les escus à or et les hiaumes gemés,
  3. Les gonfanons de soie au vent desvolepés,
  4. Et choisi la poudriere des grans destriers ferrés .
  5. Lors quida l''emperere que il fust malmenés,
  6. Si quida que ce fuissent Sarasins et Esclers .
  7. Là où il vit ses homes ses prent à apeler :
  8. «Baron,dist l''emperere,or tost de l''atorner !
  9. «Ceste eschiele premiere nos convient trespasser .
    10. [ fol. 0073 ]
  10. -Sire,ce dist Ogier,mult grant tort en avés ;
  11. «Certes,j''ai si les piés et les .II .poins enflés
  12. «Que je ne les porroie en mes estriers bouter,
  13. «N''a .XXX .de mes cous .I .Sarasin tuer .
  14. -Baron,dist l''emperere,quant morir me verrés,
  15. «La honte sera vostre,reprovier i aurés ;
  16. «Que jamès en vos vies meillor seignor n''aurés .»
  17. Et dist à l''autre mot :«Hé Diex !vous me haés .
  18. «Ja soloie je panre et chastiaus et cités,
  19. «Ne me pooit tenir chastel ne fermetés,
  20. «Ne grant sale perrine,ne mur,tant fust levés ;
  21. «Ne puis mais noient faire,tous an sui asotés .
  22. «Quant vous vient à plaisir,Diex,la mort me donés .»
  23. Lors plora l''emperere,ne se pot contrester .
  24. Quant le voient si home,si lor en a pesé .
  25. «Seignor,ce dist Ogiers,or tost de l''adouber !
  26. «Qui ce fait que il puet on ne le doit blasmer .
  27. «Nos irons au besoing,quels soit dou retorner .
  28. «Ja Damedieu ne place,qui le mont doit sauver,
  29. «Qu''en puisse retorner ne tout li .XII .per,
  30. «Ains soions tuit as armes ocis et decopés .»
  31. Lors ont les esperons sor les nus piés fremés,
  32. Que il n''i avoit chauce ne housiau ne soller,
  33. (Tous porris les avoit li vens et li orés)2
  34. Et si vestent haubers,lacent hiaumes gemez,
  35. Et ceignent les espées as senestre costés,
  36. Et montent es chevaux corans et abrievés :
  • 1.
    P. 24 : Le quatorzième vers ne semble guère venir
    à point après les autres. Nous pensons qu'il y a là une
    lacune.
  • 2. Le texte est entre parenthèse, sans que ne soit donnée une quelconque raison pour ce choix