Otinel

Geste

Otinel: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Elena Albarran , , éd. par François Guessard , Henri Michelant , Otinel: Chanson de geste P. Jannet Paris 1858 F. Vieweg Paris 1859

  1. As paiens sunt maintenant assemblez,
  2. De bien ferir est chascuns aprestez .
  3. Monjoie escrient,à eux se sunt mellez,
  4. Tant i ferirent des bons brans acerez,
  5. Et tant en ont à terre cravantez .
  6. Par droite force fu Engillerz montez
  7. Sus .I .cheval qui li fu amenez,
  8. Au col li pendent .I .fort escu bendez .
  9. Quant Engillers fu ensi acesmez,
  10. As paiens est par mautalent mellez,
  11. L''un après l''autre en a .V .decopez .
    12. [ fol. 0255 ]
  12. Au branc d''acier les a si confessez
  13. Jamès par mire ne seront resaciez .
  14. Ausi se meine com s''il fust forsenez .
  15. Ysorez jouste par mult ruiste fiertez
  16. A .I .paien qui Talos ert nomez ;
  17. Si s''entrefierent sus les escuz litez
  18. Perciez les ont,si ont les fuz troez .
  19. Talos se drece,n''est gueres demorez,
  20. Vers Ysoré s''en est tantost alez .
  21. Mult ont les cuers de grant ire enbrasez,
  22. Andeus ont mis les mains as brans letrez .
  23. L''acier reluist et giete grant clartez,
  24. Grans cops se donnent sus les hiaumes gemez ;
  25. Ja fust le chaple du quel que soit finez,
  26. Ne fust la presse qui les a desevrez .
  27. Girart d''Orliens a à Margot jostez,
  28. Mort l''abatit,l''ame enportent malfez .
  29. Nos François ont grains travaus endurez,
  30. As paiens trenchent les piz et les costez .
  31. Li plus puissant estoit mult encombrez,
  32. Du sanc vermoil estoit roge li prez .
  1. ARAPATER,.I .Turc de Floriant,
  2. Une cité de la Inde la grant,
  3. Vint à Clarel,par la rengne le prent :
  4. «Sire,dist il,nos n''i feron noiant,
  5. «Cist François sont nobile combatant .
  6. «Par Mahomet !nos suimes recréant .»
  7. Claret respont :«Ja iert aparissant .»
  8. Contre François s''en vait esperonnant,
    9. [ fol. 0256 ]
  9. En haut s''escrie s''enseigne mescréant .
  10. A cest mot vienent Sarrazin et Persant ;
  11. N''i a celui n''ait gofanon pendant
  12. Ou arc turquois ou gavelot trenchant .
  13. François reculent plus de demi arpant .
  14. Arapater fiert Droon l''Alemant,
  15. L''escu li perce souz la bocle d''argient,
  16. Ou cors li met le fort espié trenchant,
  17. Mort l''abati,voiant François,ou champ .
  18. Girart d''Orliens refiert si durement
  19. Lez le nasal,sor le sorcil devant,
  20. Que la cervele contreval en espant .
  21. Quant il l''ot mort,si s''en va galopant .
  22. Mès Otinel li est venuz devant,
  23. Ferir le vait par si fier mautalant
  24. L''escu li perce,l''espié va tronçonnant .
  25. Du fuerre tret l''espée maintenant,
  26. Desus son hiaume li dona .I .cop grant .
  27. Ja l''éust mort sanz nul demoremant,
  28. Quant en .II .pieces va l''espée brisant ;
  29. Mès ne fu pas Corrousouse la grant,
  30. Encor l''avoit à son costé pendant ;
  31. La main i met,n''i va pas delaiant,
  32. Du fuerre l''a sachiée maintenant,
  33. Il la regarde,si la va essuiant .
  34. Le cheval broche par grant aïremant,
  35. Et va ferir le cuvert mescréant,
  36. Par tel vertu,sus l''elme verdoiant,
  37. Jusques es dens va l''espée colant,
  38. Pus li a dit Otinel le vaillant :
    39. [ fol. 0257 ]
  39. «Fiex à putain,tu ieres mon parant,
  40. «Por ton service ton guerredon te rent .»
  41. Li rois Clarel est ou tornoiement,
  42. Entre François se fiert iréement,
  43. De totes pars voit afuier sa gient,
  44. Tel duel en a toz taint de mautalant .
  45. Le cheval broche qui ne cor mie lent,
  46. Et tret l''espée dont li pons plong1 fu d''argient .
  47. Ocis nos a Richart conte d''Eglent,
  48. Garnier d''Angiers e Hugun de Clarvent Girart d''Orliens et Hue son parent2 .
  49. Hors de la presse se met isnelement,
  50. Bien set et voit qu''il li va malement ;
  51. Sone ses grelles por ralier sa gient ;
  52. Mais de .XXm .par le mien escient,
  53. Ne pot avoir de chevaliers que cent,
  54. Mort sunt li autre à duel et à torment .
  55. Donc voit il bien qu''il n''i fera noient ;
  56. En fuie torne entre lui et sa gient,
  57. Les chevaliers qu''il ot de remanant,
  58. Devant les autres Clarel esperonant,
  59. Vers la cité,tant com chevalier chevals 3 li rent,
  60. Et tuit li autre après lui ensement .
  61. François les sievent mult angoissosement,
  62. Qui les ocient et metent à torment .
  1. PAIENS s''en fuient les plains de Lombardie
  2. Jusqu 'as destroiz d''une roche naïe .
  3. Ilec encontrent mult fiere compaignie
  4. De la mesnie l''emperere Garsile,
  5. Jhesu de gloire les confunde et maudie !
    6. [ fol. 0258 ]
  6. .XXm .sunt de pute gient haïe .
  • 1.
    P. 43, v. 8 :
    Et tret l'espée dont [bli pons] fu d'argient.
    Leçon de a :
    Et tret l'espée dont plong fu d'argient.
  • 2.
    P. 43, v. 10 :
    [bGarnier d'Angiers e Hugun de Clarvent].
    Leçon de a :
    Girart d'Orliens et Hue son parent.

    Ce Girart d'Orliens est déjà tué par Arapater trente
    vers plus haut.
  • 3.
    P. 43, v. 21 :
    Vers la cité tant com [chevals] li rent.

    Ce vers n'est pas dans b. Le manuscrit a donne chr.,
    qui est l'abrégé de chevalier ; mais c'est manisfeste
    ment cheval qu'il faut lire.