Otinel

Geste

Otinel: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Elena Albarran , , éd. par François Guessard , Henri Michelant , Otinel: Chanson de geste P. Jannet Paris 1858 F. Vieweg Paris 1859

  1. Ja refust bien la bataille enforcie ;
  2. Mès le jor faut,si passe la complie,
  3. L''ost se desoivre chascuns à sa partie .
  4. Paien s''en entrent en la cité garnie,
  5. Clarel met jus la grant targe florie,
  6. As creniaux monte,ne s''i atarge mie,
  7. Et voit François venir par ahatie .
  8. A haute voiz,vers Otinel s''escrie :
  9. «Vassal,di moi,Mahomet te maudie !
  10. «Comment as nom et de quelle lignie
  11. «Tu es estret,qui tant as baronie .»
  12. Cil li respont :«Ne te celerai mie ;
  13. «C''est Otinel,Damedex te maudie !
  14. «Fix Galien ;ma mere ot nom Ludie .
  15. «Baptisiez sui,si ai laissié folie ;
  16. «Karles li rois m''a doné Lombardie
  17. «Et Belissent,la bele,l''eschevie .
  18. «Jamès paien n''amerai en ma vie .»
  19. Respont Clarel :«Or ai merveille oïe !
  20. «Foul,as tu donc ta bone loi guerpie ?
  21. «Enchanté es,si as béu oublie
  22. «Par quoi ces mires font avoir estoutie .
  23. «Ber,revien t''en,si te reconcilie .
  24. «Fai droit Mahom de ta renoierie
  25. «Et de l''outrage que as sa loi guerpie,
  26. «Et je te di vraiement,sans boidie,
  27. «Que tant ferai au roi de Tabarie,
  28. «Ce est Garsile,qui tant a seignorie,
  29. «Qu''entre vos .II .ert la paiz establie .»
    30. [ fol. 0259 ]
  30. Dit Otinel :«Or oi plait de folie,
  31. «Je nel feroie por tote paienie ;
  32. «Mès croi en Dex,le fix Sainte Marie,
  33. «Si lesse tote ta loi de paienie ;
  34. «Car toz tes Dex ne valent une alie .
  35. «Mal dehez ait tote lor compaignie,
  36. «Car il ne valent une pome porrie,
  37. «Ou,par cel Dieu qui vint de mort à vie,
  38. «Ja de Garsile n''i auras garantie,
  39. «Si je puis prendre la cité d''Atylie,
  40. «Que ne te pende en haut,comme une espie,
  41. «Le roi Garsile et tote sa meisnie .»
  42. Dit li paien :«Or oi plet de folie ;
  43. «Mult par es plain de grande felonnie .
  44. «Par Mahomet,que je aore et prie,
  45. «Prest sui que face vers toi une escremie,
  46. «Que cele loi que tu as recoillie
  47. «Envers la nostre ne vaut pas une alie ;
  48. «Toi ne tes Diex ne valent une pie .»
  1. DIST Otinel :«Diable sunt en toi,
  2. «Qui veus deffendre Mahomet contre moi ;
  3. «Fai moi séur qu''il ne remaigne en toi,
  4. «Je deffendrai Damedex et sa loi .»
  5. Le Sarrasins li a levé le doi,
  6. Et Otinel li otria sa foi
  7. Que la bataille ne remaindra en soi .
  1. DE mautalant s''en est Clarel tornez
  2. Et Otinel en a les siens menez .
    3. [ fol. 0260 ]
  3. Herbegiez sunt nos François es vers prez,
  4. Tendent lor loges,sont lor feuz alumez .
  5. Cil mire portent oingnemenz par ces prez,
  6. Les morz conroient,si les ont enterrez,
  7. Et les malades ont toz medecinez .
  8. Au tref le roi en est Otes alez ;
  9. Nostre emperere est contre lui alez
  10. Et Belissent et Naimes li senez .
  11. La fille Karle li cerche les costez,
  12. Que il ne soit ne plaiez ne naffrez,
  13. .III .foiz le baise quant il fut desarmez :
  14. «Filloeil,dit Karles,cortoise amie avez .
  15. - Sire,dit il,Diex en soit aourez,
  16. «Ce comparront Sarrasin et Esclers .»
  1. NOSTRE ost gaitierent Borgoings et Alemant,
  2. La nuit se jut Karles séuremant,
  3. Et Sarrasin guetierent ensemant,
  4. Cornent et crient jusqu''à l''ajornemant .
  5. Clarel se lieve entre lui et sa gient,
  6. De la chambre ist,si apele .I .serjant,
  7. Plus li a dit qu''il li aport errant
  8. Ses garnemenz,et cil i va corant,
  9. Si li aporte devant lui en present,
  10. Et cil les prent,qui mult est prouz et gient .
  11. N 'ot si bel home de ci en Oriant,
  12. .XV .piez a,quant il est en estant .
  13. Trestous les voit de fier contenement,
  14. A soi méismes à dementer se prent :
  15. «Mahomet sire !com grant encombrement !
    16. [ fol. 0261 ]
  16. «Je quit Garsile toudront son tenement,
  17. «Car plus sont fier que lyon ne serpent .»
  1. NOSTRE Empe[re]re s''est par matin levez,
  2. Par desus l''eve d''Atilie est alez
  3. Por deporter,o lui de ses privez .
  4. Rollans i fu et Naimes li barbez
  5. Et Olivers et Otes li membrez .
  6. Karles li rois s''est de l''eve aprimez ;
  7. Clarel le voit,si s''est haut escriez :
  8. «Qui estes vos,qui de là cheminez ?»
  9. Dit l''emperere :«Biaus amis,que volez ?
  10. «Je sui roi Karles,por quoi le demandez ?»
  11. Respont Clarel :«Jel te dirai assez :
  12. «Je maudi l''oure que tu fuz onques nez,