Otinel

Geste

Otinel: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Elena Albarran , , éd. par François Guessard , Henri Michelant , Otinel: Chanson de geste P. Jannet Paris 1858 F. Vieweg Paris 1859

«Si fas je cele que tu fuz engiendrez ;
«Maléoit soit trestot ton parentez .
«Trop as toz jors cels de ma loi grevez ;
«Ja est ton regne et ton païs donnez
«Au meillor Turc c''onques fust adobez,
«C''est Florient,qui tant est alosez,
«Qui de Sulie a les granz heritez ;
«Celui sera rois de Paris clamez .»
Karles respont :«Mult es or emparlez
«Et de folie dire bien aprestez ;
«Mult sembles bien cuvert desmesurez .
«J''ai .XV .rois et conquis et matez ;
«Je te promet,et si iert veritez,
«Que jamès n''ert cest siege destraez,
«Si ert Garsile et pris et afolez,

[ fol. 0262 ]

«Sa cité arse et ses murs cravantez .»
Et dit Clarel :«Tu diz que forsenez,
«Ne faiz acroire,trop as tes jurs usez car es rasotez¹
«Chief as chanu tou chanist² si est le poil mellez ;
«Jamès par toi n''ert chevaliers matez,
«Tornoi feru ne escu destraez ;
«Tant par es viel que toz es rassotez,
«Pieça déusses estre à .I .pel tuez .»
Li rois ot honte,s''a François regardez :
«Paien,dit il,mult es desmesurez,
«Mauvès matin,tu aies mal dehez !
«Par tans sera[s] honiz et vergondez .»
Par mautalant s''est li rois desfublez,
Dist à ses homes :«Mes armes m''aportez,
«Si irai combatre au paien desfaez .»
Otinel saut,cele part est alez,
Et a parlé com chevalier membrez :
«Sire,dist il,vostre cors reposez,
«Car dès ier soir suis à lui afiez,
«Et il à moi,ja mar en doterez ;
«Ceste bataille,s''il vos plest,me donnez .
«Je di Mahom ne doit estre honorez,
«Car il ne puet d''enfer estre jetez :
«Tot son pooir ne vaut .II .aux pelez .
«Clarel me dit,comme fol assotez,
«Que rien ne vaut sainte crestientez
«Ne le bautesme dont sui regenerez ;
«Se la bataille vers lui ne me donez,
«Jamès de moi ne serez bien amez .
- Filleoil,dist il,par cest gant la tenez,

[ fol. 0263 ]

«Cil vos aïst qui en croiz fu penez
«Vers le paien,que il soit vergondez .»

LI rois Clarel entendi la raison
Et les paroles de Karlon et d''Oton :
«Vassal,dist il,quar reconnois Mahom,
«La loi saintisme que nos tenir devon,
«Par quoi nous touz vendrons à raençon ;
«Car le tien Dieu,qui Jhesu a à non,
«Est pieça pris et mené en prison
«Souz Tartarie,ou feu de baratron .
«Ou grant enfer en gisent li braon,
«Jamès nul jor n''aura autre perdon .
«Va,pren tes armes,car je t''apel felon .»
Dit Otinel :«Ja ne vos en faudron .»
Il demanda ses armes à bandon .

OLIVIER prent le cortois messagier,
Gientement l''arme desous .I .olivier :
Ou dos li vest .I .bon hauberc doublier,
Ou chief li lace l''elme au roi Galier,
Qu 'en Babiloine conquist au guerroier,
Et Corrosouse li çaint li fiex Renier ;
Onques nul fevre ne pot meillor forgier .
Au col li pent .I .escu de quartier ;
Estout de Langres li va l''espié baillier,
Le fer fu bon,le fust fu d''un lorier .
Uns esperons li chauça Olivier,
Et Belissent si li tint son destrier,
Et Otinel l''ala .III .foiz baisier

[ fol. 0264 ]

Estroitement,puis monta ou destrier .
«Dame,dist il,je irai Dieu vengier,
«Paiene gient honir et vergondier ;
«La vostre amor comperront il mult chier,
«Se Dex me gart sain et sauf et entier .
- Amis,dist elle,Dex vos gart d''encombrier !»
A l''arcevesque le fist li rois sainier,
D''eve saintisme ses garnemenz moillier .
Jhesu de gloire le puisse conseillier,
Et il le gart sain et sauf et entier !

QUANT Otinel fu issi adoubez,
La hante lieve,si a passé le guez .
Li rois Clarel est à l''encontre alez,
A haute voiz s''est li gloz escriez :
«Mar i passastes,renoiez perjurez,
«Anqui serez à grant honte livrez
«Et detrenchiez,honiz et vergondez ;
«Ne te porra aidier ton parentez .
«Diva,es tu encor reporpensez
«Que Mahom doie estre tes avoez,
«De tot le mont sires et rois clamez ?
«Qui en lui croit sages est et senez,
«Et celui Dieu à qui tu es tornez
«Ne vaut vers lui .II .deners monéez .»
Dist Otinel :«Mult t''es ore vantez,
«Mult as tes diex et prisiez et loez ;
«Mès,par celui qui en croiz fu penez,