Otinel

Geste

Otinel: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Elena Albarran , , éd. par François Guessard , Henri Michelant , Otinel: Chanson de geste P. Jannet Paris 1858 F. Vieweg Paris 1859

  1. «Ne mengerai devant qu''eres tuez,
  2. «Car Jhesu Crist a mult grant poestez,
    3. [ fol. 0265 ]
  3. «N''autre de lui ne doit estre aorez .
  4. «Je vos defi,de moi bien vos gardez .»
  1. OTINEL broche le bon destrier corant,
  2. Et rois Clarel contre lui fieremant .
  3. Et Clarel broche son destrier Tornevent .
    4. 1
  4. Sus les escuz se fierent duremant,
  5. Que parmi passent andui li fer trenchant ;
  6. Les bons haubers lor sont de mort garant .
  7. Si durement se vont entr''encontrant
  8. Que des arçons vont andui trebunchant .
  9. Rollans s''en rist et dit à Belissent :
  10. «Mult ont esté cist primier cop pesant .»
  11. Dit la pucele :«Mult m''en vois esmaiant .
  12. «Sainte Marie !mon ami vos commant !»
  13. Paien s''escrient,entre eus vont glatissant,
  14. Et Mahomet doucement depriant
  15. Qu 'il soit Clarel hui en cest jor aidant,
  16. Qu 'il ait victoire,par son commandemant,
  17. Vers Otinel,qui tant est combatant .
  18. Clarel se drece,si met la main au branc,
  19. Et Otinel rest sailliz en estant .
  20. Amdui sont plain de mult grant hardemant .
  21. As brans d''acier se vont entr''acointant ;
  22. Tant fort chaploient sor les hiaumes luisant
  23. Que flors et pierres en vont jus abatant ;
  24. Li feus en saut sus l''erbe verdoiant .
  25. Ains tel bataille ne vit nus hom vivant .
  1. Li Sarrasins fu mult bon chevalier ;
  2. Mellée tint,dont le pong fu d''ormier,
    3. [ fol. 0266 ]
  3. Fiert Otinel .I .cop grant et plenier
  4. Amont,au hiaume,mès nel pot empirier,
  5. Et nequedent Otinel fist ploier .
  6. «Sainte Marie !dit Karles au vis fier,
  7. «Garissiez hui le cortois messagier,
  8. «Qui se combat por vo loi essaucier !»
  9. Ote se drece,en lui n''ot qu''aïrer,
  10. L''escu enbrace,ja se voudra venger .
  11. Tint Corrosouse,si la va emploier,
  12. .I .cop li done qui ne fu pas legier,
  13. Que de son hiaume li osta .I .quartier ;
  14. La lievre enporte et trestot le joier,
  15. Si que les denz véissiez blanchoier .
  16. Dit Otinel :«Issi doit on changier
  17. «Cop por colée,maille por denier .
  18. «Ja Alfanie ne vos aura mestier,
  19. «La vostre amie,que vous aviés tant chier .»
  1. Li paien fu mult durement navrez ;
  2. Bien set et voit jamès n''iert honorez .
  3. Il tint Mellée dont il fu adoubez,
  4. Vers Otinel s''est toz abandonez .
  5. Se Dex n''en pense par la soue bontez,
  6. Dont Karles ert corrouciez et iriez ;
  7. Mès Otinel n''est mie espoentez,
  8. Ainz est plus fier que lion effraez .
  9. Sor son chief mist son fort escu bendez ;
  10. Clarel i fiert com hom desmesurez,
  11. Par mi li trenche,ou champ li est volez .
  12. L''elme li fent qui est à or gemmez,
    13. [ fol. 0267 ]
  13. Jusqu 'à la coife li est li brans colez ;
  14. Ne fust l''aubert qui tant estoit saffrez,
  15. Jamès par home ne fust medecinez .
  16. Mès neporquant si fort fu estonez
  17. Parmi la bouche li est le sanc volez .
  18. «Par foi,dit Otes,trop est cist cop alez ;
  19. «Mès,par Saint Pere,qui est mes avoez,
  20. «De Corrouçouse,dont li pons est dorez,
  21. «Vos sera ja si ruiste cop frapez,
  22. «Par tel maniere,si bien ne vos gardez,
  23. «Jamès par vos n''ert tenue citez .
  1. OTES roueille les iex de mautalant,
  2. L''espée lieve,son cop vait entesant,
  3. Et fiert Clarel sus son hiaume luisant ;
  4. Quassé li a,ne pot avoir garant ;
  5. Coiffe ne broingne n''i fist deffendemant
  6. Que nel porfende deci es denz devant .
  7. Cil ne se puet plus tenir en estant,
  8. Mort chiet à terre,si se va estendant,
  9. Et Mahomet son seignor maudisant .
  10. Otinel est baut et liez et joiant,
  11. Monjoie escrie hautement en oiant .
  12. François sunt lié et paien sont dolant,
  13. Grant joie font d''Otinel le vaillant .
  14. Mès or oiez com grant encombremant
  15. Vint à Ogier,le chevalier vaillant :
  16. Quant Alfanie oï le convenant
  17. Que Clarel ert et mort et recréant,
  18. De duel et d''ire se va .III .foiz pasmant .
    19. [ fol. 0268 ]
  19. Quant el''revint,si se lieve en estant,
  20. Ses chevaliers apele mantenant .
  21. Plus de .XL .sont vers li acorant .
  22. «Seignors,dist ele,faites tost mon comant ;
  23. «Prenez Ogier,le cuvert sodiant,
  24. «Si le liez à une atache grant .
  25. «Ja li François de nos n''iront moquant .
  26. - Dame,font il,tot à vostre comant .»
  27. Vers Ogier vont,si le vont saisissant ;
  28. Mès Ogier fu vertuous et poissant .
  29. De son poing destre en vait .I .si frapant
  • 1.
    P. 51, v. 4 :
    Et rois Clarel contre lui fieremant.
    Variante de b :
    E Clarel broche son destrier Tornevent.