Otinel

Geste

Otinel: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Elena Albarran , , éd. par François Guessard , Henri Michelant , Otinel: Chanson de geste P. Jannet Paris 1858 F. Vieweg Paris 1859

  1. Delez l''oïe,mort l''abat maintenant ;
  2. Pus fiert .I .autre,tot autretel li rent ;
  3. Mès ne li vaut la monte d''un besant,
  4. Que trop estoient Sarrasin et Persant .
  5. Par force l''ont à une estache grant
  6. Lié mult fort,par les flans,maintenant ;
  7. A .V .paiens l''alerent commandant,
  8. Qui mult li firent angoisse et paine grant .
  9. De lui lairons,Jhesu li soit aidant !
  10. Quant lieus sera,bien serons repairant .
  1. LA bataille est et li estour vaincu .
  2. .I .paien est à Garsile venu,
  3. Qui li aporte mult doloreus salu,
  4. Que Clarel est mort sanglent abatu :
  5. Otes l''a mort,qui tant a de vertu .
  6. Quant ot Garsile le message entendu,
  7. Ains mès nul jor ausi dolent ne fu .
  8. Il le regrete comme foul mescréu :
    9. [ fol. 0269 ]
  9. «Ahi !dist il,Clarel,or t''ai perdu ;
  10. «Cil qui t''a mort m''a bien au cuer feru .
  11. «Si ne te venge,ne me prise un festu .»
  12. Il prent .I .cor,n''i a plus atendu .
  13. Plus de .IIIm .li respondent menu,
  14. .XXXm .sunt au premerain issu,
  15. De cels derier n''i a conte tenu ;
  16. Tant en i a ainc tant n''en fu véu,
  17. Qui tuit menacent Karlon,le viel chanu,
  18. Rollant le conte et Olivier son dru .
  19. Se Diex n''en pense par la seue vertu,
  20. Tuit i morront et i seront vaincu .
  1. OR est li ost Karlon bien ajustée armée1 ,
  2. Crient et poignent par milieu de la prée,
  3. Et Rollans a sa grant ost ordrenée ;
  4. Ffet .II .eschieles de sa gent honorée,
  5. Qui de bataille est bien enluminée .
  6. A .XXm .homes est la menor esmée
  7. De cels de France,à qui prouece agrée .
  8. Anqui auront paien male soudée ;
  9. Mult i atendent dolerouse jornée,
  10. Car là aura mainte teste copée .
  1. As cops ferir vont François lieement,
  2. Bien fu armez chascuns à son talent .
  3. Li rois chevauche sor .I .destrier corant ;
  4. Naimon apele,si li dit en oiant :
  5. «Amis,biau frere,m''enseigne vos comant ;
  6. «Portez la,sire,je vos donrai Volant,
    7. [ fol. 0270 ]
  7. «Le mien destrier,que vos me prisiez tant .
  8. «De .V .chastiaux vos saisis par cest gant .
  9. «En vo compaigne apelez Guinemant,
  10. «Robert de Troies,Gautier le Tolosant .
  11. - Sire,dit Naimes,tot à vostre commant .
  12. «Se Diex de gloire nos i veust estre aidant,
  13. «Por bien porter n''i perderez noiant .»
  1. NOSTRE emperere vait ou cheval monter,
  2. Li quens Rollans et Olivers le ber .
  3. François les sivent sanz plus de demorer ;
  4. De ci à l''eve n''i voudrent arester,
  5. Isnelement passent sanz demorer .
  6. L''enseigne fist Naimes desvoloper,
  7. Vers Otinel s''en prenent à aler .
  8. .I .bon destrier li fet li rois doner ;
  9. Cil [i] monta qui mult fist à loer,
  10. Escu et lance li fait renoveler,
  11. Quar li siens est empirié au chapler .
  12. Atant es vos Garins de Saint Omer,
  13. Fromont de Troies et Girart de Moncler ;
  14. Vers la bataile commencent à aler .
  15. Paien s''esmuevent serré por assambler :
  16. Tant en i a nus nes porroit nombrer ;
  17. A .I .des noz en puet on .III .conter .
  18. Son estandart fait Garsile lever .
  19. Dient paien :«Alons à els joster,
  20. «Faisons nos lances desus els tronçonner .»
  21. Vienent avant li legier bacheler,
  22. Cil qui de France se voudront heriter ;
    23. [ fol. 0271 ]
  23. As brans d''acier le voisent conquester .
  24. Or puet chascuns son hardement mostrer :
  25. «Nostre est la force,or pensons du mater .»
  1. FRANÇOIS chevauchent mult efforciéement,
  2. Et Sarrasin mult orguillousement .
  3. De l''ost se part .I .Turc premierement,
  4. C''est Florient de Sulie la grant .
  5. Mort a .III .homes à s''espée trenchant,
  6. Au roi Garsile a demandé le gant,
  7. Du premier cop por ocirre Rollant
  8. Ou Olivier ou Otinel le grant ;
  9. Lequel qu''il truist,n''ira autre querant .
  10. De chieres armes s''est armez jentement,
  11. Mult iert li gloz de grant efforcement .
  12. D''un drap de soie,qui fu de Bonivent,
  13. Estoit covert son haubert jacerant,
  14. Et son cheval,qui tant par est movant
  15. Ne s''i tendroit .I .levrier en corant .
  16. D''une manche ot .I .gofanon pendant,
  17. Que li dona hui matin en riant
  18. La fille al du2 roi Garsande le tirant,
  19. Ce est Cormande au gient cors avenant .
  20. Por la pucele a pris tel hardement
  21. Dont a moru ainz miedi passant .
  22. La hante lieve,le fer a mis au vent,
  • 1.
    P. 55, v. 13 :
    Or est li ost Karlon bien [bajustée].

    Leçon fautive de a : bien armée, peut-être pour aü
    née.
  • 2.
    P. 57, v. 21 :
    La fille [bal] roi Garsande le tirant.
    Leçon de a :
    La fille du roi....