Otinel

Geste

Otinel: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Elena Albarran , , éd. par François Guessard , Henri Michelant , Otinel: Chanson de geste P. Jannet Paris 1858 F. Vieweg Paris 1859

  1. Le confanon vait à vent ventelant,
  2. Qui est ferré à .IIII .clous d''argient .
  3. Des esperons a hurté l''auferrant,
  4. Contre les noz s''en vint esperonant,
    5. [ fol. 0272 ]
  5. En haut se va durement escriant :
  6. Rollant demande le noble combatant,
  7. Mult le menace qu''il le fera dolant,
  8. Mort l''abatra sor l''erbe verdoiant .
  9. Il dit que France au roi Garsile apent
  10. Ne que roi Karles n''i doit avoir noient ;
  11. Rollans l''entent,si taint de mautalant,
  12. Vers le paien broche son auferrant,
  13. Et Florien contre lui fieremant .
  14. Rollant feri sor son escu luisant ;
  15. Ne fu pas cop de garçon ne d''enfant,
  16. Mult est cil fort qui le va soustenant .
  1. LE Turc feri Rollant sor son escu,
  2. Desouz la boucle li a fraint et fendu .
  3. De son haubert a le pan desrompu,
  4. Les pieces volent du bon espié molu .
  5. Lez le costé li avoit embatu,
  6. Le destre estrier li a du pié tolu,
  7. Enpaint le bien,ne li vaust .I .festu,
  8. Sa lance brise,et Rollans l''a feru
  9. Desouz la boucle .I .cop par grant vertu ;
  10. L''escu li perce,l''aubert li a rompu,
  11. Ou cors li met le fort espié molu,
  12. Mort l''abati emmi le pré herbu .
  13. Monjoie escrie,paien l''ont entendu,
  14. Et dit li quens :«Fel cuvert mescréu,
  15. «Jamès en France n''ert de vos plet tenu .»
  16. Dit l''amirant,qui mult dolent en fu :
  17. «Par Mahomet !cestui avons perdu,
    18. [ fol. 0273 ]
  18. «Ce est Rollans qui le nos a tolu ;
  19. «Se ne le venge,ne me prise .I .festu .»
  1. LI amirans s''eslesse à Olivier,
  2. Et li quens broche Fauvel,son bon destrier .
  3. Li Sarrasins le feri tout premier,
  4. L''escu li perce au fer et à l''acier,
  5. .C .mailles trenche du bon haubert doublier,
  6. Et du costé li fait le sanc raier .
  7. Li quens le fiert sor l''escu de quartier .
  8. Ne li valut la monte d''un denier,
  9. Ne son hauberc le rain d''un olivier .
  10. Ou cors li met la hante de pomier,
  11. Mort le trebunche devant lui ou sentier .
  12. «Monjoie !escrie,ferez i,chevalier !»
  13. Lors i ferirent Flamenc et Hainuier,
  14. Et Loherenc,qui ne sont pas lanier,
  15. Normans,Bretons,Angevin,Berruier .
  16. Grans criz i ot as enseignes bessier,
  17. Les hardiz joingnent,les rens font formoier .
  18. Fort sunt et fier li glouton losengier,
  19. Dex les confonde,qui tot a à baillier !
  1. FORT fu l''estor et ruiste la mellée .
  2. Des nos i ot mainte sele versée,
  3. Que li paien ont mult chier comparée .
  4. Bien se contienent noz François à l''espée ;
  5. As paiens copent et forcele et corée .
  6. Maint Sarrasin i gist goule baée .
  7. Or escoutez de la gient desfaée :
    8. [ fol. 0274 ]
  8. Quant lor ost virent ensi desbaratée,
  9. Chascuns en haut a la teste levée,
  10. Trop sevent mal la pute gient faée .
  11. De lor bliaus trenchent grant gironée,
  12. Es fers des lances l''a chascuns afirmée .
  13. Por ce le firent,c''est verité provée,
  14. Que l''ost de France en fust espoentée .
  15. Seure lor corent de mult grant randonée ;
  16. Par tel vertu ont nostre ost si hastée
  17. Que forment l''ont arriere reculée .
  18. Ne porent faire as paiens contrestée ;
  19. Tant en i a de la gient deffaée,
  20. Couvert en sont les mons et la valée .
  1. ARIERE sont noz François reculez
  2. .XIIII .arpenz et demi mesurez ;
  3. Paien les ont durement malmenez .
  4. Lez .I .perron s''aresta Corsabrez ;
  5. Fors est et fiers et menbruz et quarrez .
  6. A haute voiz s''est li Turs escriez :
  7. «Or i parra,paien,quel le ferez .»
  8. L''escu enbrace,s''est vers les noz alez ;
  9. Ja les éust malement confessez,
  10. Quant .I .des noz est vers lui galopez :
  11. Hardoin est par son nom apelez,
  12. Jones hom est,mult est proz et senez,
  13. Novelement ot esté adobez .
  14. Le paien fiert sor son escu dorez,
  15. Si roidement li est au front hurtez
  16. Por poi li oil ne li sont hors volez .
    17. [ fol. 0275 ]
  17. Le paien est si dou cop estonez
  18. Ne set quel part son cheval est tornez .
  19. Par les espaules l''a li ber acolez,
  20. Son prison est et à lui afiez .
  21. .V .de ses homes a l''enfant apelez :
  22. L''un fu Gaudin et Foques li senez,
  23. Et Baudoin et Lambert l''alosez,
  24. Et cil d''Aurences,qui tant est renomez .
  25. Ce dit li enfes :«Cest paien me gardez,
  26. «A Karlemaine,mon seignor,le livrez,