Otinel

Geste

Otinel: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Elena Albarran , , éd. par François Guessard , Henri Michelant , Otinel: Chanson de geste P. Jannet Paris 1858 F. Vieweg Paris 1859

  1. «De moie part vos pri que lui rendez .»
  2. Et cil respondent :«Si com vos commandez,
  3. «Nos le ferons à vostre volentez .»
  4. Mult le fit bien le novel adoubez ;
  5. L''espée hauce qu''ot pendu à son lez,
  6. A .X .paiens en a les chiés coupez .
  7. Nus ne le voit n''en soit espoentez ;
  8. Ne l''atendissent por .M .mars d''or pesez .
  9. Monjoie escrie,François sont retornez,
  10. Par sa prouece rest l''estor assemblez ;
  11. Des abatuz en i a .C .montez,
  12. Qui i ferirent des bons brans acerez ;
  13. De hardement est lor poeir doublez .
  14. .I .chevalier qui de Bretaigne est nez,
  15. Hellin ot nom,grant fut son parentez,
  16. .I .paien fiert,qui estoit rois clamez,
  17. Dessus son hiaume qui fu à or gemez ;
  18. Si pesant cop li a le ber donnez
  19. Jusques es espaules li est li brans colez,
  20. Mort l''abati,Monjoie est escriez .
    21. [ fol. 0276 ]
  21. Lors véissiez Bretons acheminez ;
  22. De bien ferir fu chascuns aprestez .
  23. A Hellin vienent li François adoubez ;
  24. De bien occirre les paiens deffaez
  25. Estoit chascuns forment entalantez .
  26. Anqui seront paien mal arivez .
  27. Dex !c''or ni fu Otinel li menbrez !
  28. Ja éust prise l''enseigne Barbarez ;
  29. Mès aillors ert,n''est mie reposez,
  30. Où .M .paiens a mors et afolez .
  31. Du sanc en a les poins ensanglantez,
  32. A l''estandart a ja .III .foiz hurtez,
  33. A .III .rois a les chiés du bu sevrez .
  1. Li rois Garsile a dit à Adragant :
  2. «Amis,dit il,mult me va malement,
  3. «De mes barons ai mult le cuer dolant,
  4. «Qui sunt ocis,trestoz mes iex voiant ;
  5. «Mès si Karlon,qui le poil a ferrant,
  6. «Et Olivier,Otinel et Rollant
  7. «Ne pent as fourches,ainz que soit jor faillant,
  8. «N''aurai mès joie en trestot mon vivant .
  9. «Se de son cors ne me vois esclairant,
  10. «Et en bataille ne le fas recréant,
  11. «Jamès en France ne doit clamer .I .gant .»
  12. Dit Adragant :«C''alez vos menaçant ?
  13. «Par Mahomet,en qui je suis créant,
  14. «Ne foi que doi Jupin et Tervagant,
  15. «Il ne vos dote la value d''un gant ;
  16. «Car avec lui est son nevou Rollant,
    17. [ fol. 0277 ]
  17. «Et Olivers qui tant est combatant .
  18. «Je les i vi dès le commencement .
  19. «Rollans feri Sinagon le vaillant,
  20. «Tout porfendit et lui et l''auferrant .
  21. «C''est uns déables,un malfé,.I .tirant ;
  22. «Contre s''espée n''a nul''ame garant ;
  23. «Mult par est fox cil qui à cop l''atent .
  24. «Par Mahomet en qui je sui créant,
  25. «Si vers moi vient,je l''irai tost fuiant .»
  26. Et dit Garsile :«Il n''i aura garant
  27. «Que il ne muire,si je puis vivre tant .»
  28. Lors apela Lanquedin d''Aquilant :
  29. «Amis,dist il,ne soiez sejornant,
  30. «.Xm .paiens prenez à vo comant,
  31. «Si secorez mes homes maintenant .»
  32. Et cil respont :«Tot à vostre commant .»
  33. Lanquedin monte ou bon destrier corant,
  34. Ses homes fait monter isnelemant,
  35. Vers la bataille s''en vint esperonant .
  36. Donc recommence li estour mult pesant,
  37. Ains en sa vie nus hom ne vit si grant .
  38. Li quens Rollans vait la presse rompant,
  39. O Durandal va les rens chalonjant ;
  40. Qui il consuit,il n''a de mort garant .
  1. MULT le font bien Baiver et Alemant
  2. Et Borgoignon et Pouhier et Flamant,
  3. Mult en ocient et metent à tormant ;
  4. Mès Sarrazin ne se vont esmaiant,
  5. Ne il ne volent ne pais n''acordemant .
    6. [ fol. 0278 ]
  6. Mult fierement s''aloient contenant ;
  7. Qui entr''els chiet,malvais loier atent .
  8. De nule part ne vont afebloiant .
  9. Tant en i a,Damedex les cravant !
  10. N''en sauroit conte nus hom qui soit vivant ;
  11. Covert en sont et li pré et li champ .
  12. Otinel vient à esperon brochant,
  13. Garde sor destre,s''a véu Guinemant ;
  14. Abatu l''orent .III .Sarrasin Persant,
  15. Ja fust ocis,quant il i vint poignant .
  16. Tret Corrouçouse du fuerre maintenant,
  17. Les .II .a mors,li tiers s''en va fuiant .
  18. A Guinemant rendi son auferrant .
  19. Cil i monta,qui mult en fu joiant ;
  20. N''ot mès tel joie en trestot son vivant,
  21. Il nel rendit por mil mars d''or pesant :
  22. Otinel vait durement merciant .
  23. Isnelement trait du fuerre le branc ;
  24. Celui qui fuit ala si consivant
  25. Tot le fendi jusques es dens devant .
  26. Et Otinel vait Monjoie escriant,
  27. De Corrouçouse va les paiens trenchant .