Otinel

Geste

Otinel: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Elena Albarran , , éd. par François Guessard , Henri Michelant , Otinel: Chanson de geste P. Jannet Paris 1858 F. Vieweg Paris 1859

  1. Nus ne le voit qui le voist atendant ;
  2. Devant lui fuient et il les va chaçant ;
  3. Plus tost qu''il puent vont devan lui fuiant .
  4. Olivier trove et Turpin et Rollant
  5. Et Engiller et Gautier le Normant,
  6. Jefrei d''Anjou e Hernaut l''Alemant .
  7. Adonques vont paien acraventant,
  8. Mult en ocient et metent à tormant .
    9. [ fol. 0279 ]
  9. «Diex !dist Oton,vraiz pere tot poissant,
  10. «Ces compaignons aloie je querant .»
  11. Or sunt ensemble li chevalier vaillant .
  12. Lor armes bruient comme faucon volant .
  13. As brans d''acier mainent tel chaplement
  14. C''on n''i poïst oir nes Dieu tonant .
  15. Forment les doutent li cuvert mescréant,
  16. Et il ont droit,ne font pas comme enfant .
  17. Li rois Garsile s''en va mult esmaiant ;
  18. Ne set que face,se il s''en voit fuiant .
  1. LI rois Corsuble fist une traversée,
  2. Au bruit des lances a s''enseigne escriée ;
  3. .III .foiz s''escrie,pus a trete l''espée,
  4. Fromont de Troies en donne tel colée
  5. Desus sa targe,de si grand randonnée,
  6. Ne li valut une pome parée ;
  7. Tote l''espaule li a du cors sevrée .
  8. Mès Otinel li vint,trete l''espée,
  9. En haut li a sa parole escriée :
  10. «Felon cuvert,ja n''i aurez durée,
  11. «Tornez vers moi vostre targe bendée ;
  12. «Vez ci vo mort où je l''ai aportée,
  13. «Par tens morrez de male destinée .»
  14. Et dit li rois :«Mar l''avez afiée .»
  15. Fiert Otinel sus la targe bendée
  16. Que la moitié en abat en la prée ;
  17. Du haubert prent toute la gironée,
  18. Le cheval trenche très parmi l''échinée,
  19. En .II .moitiez chéi mort en la prée ;
    20. [ fol. 0280 ]
  20. Mès Otinel saut sus de randonnée ;
  21. Vers le paien s''en vint par aïrée,
  22. De Corroçouse li a tele donnée
  23. Hiaume ne coiffe ne la broine saffrée
  24. Ne li valut une pome parée ;
  25. Toute la teste li a esquartelée,
  26. Tout li porfent le piz et la corée,
  27. Jusqu 'en la sele est l''espée arestée .
  28. Cil ne pot pas endurer tel colée,
  29. Mort chiet à terre ;la guerre en est finée .
  30. Dit Otinel :«Isi fet cop m''agrée ;
  31. »Au vif déable soit s''ame commandée !»
  32. Prent le destrier par la regne dorée,
  33. Maintenant saut en la sele florée ;
  34. Nel donast pas por l''or d''une contrée :
  35. N''ot tel cheval jusqu''à la mer salée .
  36. Lors fu Monjoie hautement escriée .
  37. Naimes li dus a l''enseigne portée
  38. Entre paien plus d''une arbalestrée .
  39. Poignant l''enchaucent la pute gient desvée ;
  40. Il quident bien avoir borse trovée,
  41. Quant Naimon voient de sa gient desevrée .
  42. Parmi eus toz s''en va teste levée
  43. Desus Volant,qui court de randonnée,
  44. De ci as lices n''i a regne tirée .
  45. Dont recommence le bruit et la mellée .
  46. François i fierent,chascuns trete l''espée ;
  47. Ainc tel bataille ne pot estre trovée,
  48. Toute jor dure de ci à l''avesprée .
  49. Muerent et versent la pute gient desvée :
    50. [ fol. 0281 ]
  50. Ainz mès nus hom n''esgarda telle mellée .
  51. Diex dont paien male courte durée !
  52. Si orent il,ainz que fust l''avesprée .
  1. NOSTRE emperere fu mult joians et liez
  2. Por ses barons,quant il les vit haitiez ;
  3. Mès por Ogier est dolens et iriez,
  4. Qu 'en prison est et tenuz et liez .
  5. Mès les mains a delivres et les piez ;
  6. Parmi le gros du cors est atachiez
  7. A ffors chaienes,dont son cuer est iriez ;
  8. De .V .paiens est tozjors bien guetiez .
  9. Doucement prie Ogier les renoiez :
  10. «Por Dieu,seignors,ces chaienes lachiez,
  11. «Ou cors me blecent,trop me par destraigniez .»
  12. Dient paien :«De folie plediez ;
  13. «Encor serez mult plus contraliez,
  14. «Quant Karles iert vaincuz et essiliez .
  15. «Adonc serez du tot à mort jugiez,
  16. «Penduz ou ars ou en la mer noiez,
  17. «Ou vos serez trestoz escorchiez .
  18. «Car Otinel,li cuvert renoiez,
  19. «A mors Clarel,qui tant estoit prisiez,
  20. «Sor vostre cors tornera li meschiez .»
  21. Ogier l''entent,à poi n''est enragiez ;
  22. De duel et d''ire li est le sanc changiez ;
  23. S''il onques puet,il en sera vengiez .
  24. Tant atendi de lui sont esloigniez ;
  25. Lors prent les fers dont il estoit liez,
  26. A ses .II .mains les a toz depechiez .
    27. [ fol. 0282 ]
  27. Quant fu delivre,vers eus s''est eslessiez,
  28. As poins quarrez les a si camoissiez
  29. Qu''il lor a fet voler les iex des chiés ;
  30. Toz .V .les a ocis et detrenchiés .