Floovant

Geste

Floovant: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Lucence Ing , Floovant: Chanson de geste , éd. par Henri Michelant , Françoise Guessard , P. Jannet Paris 1858 F. Vieweg Paris 1859

  1. Qui les cudoient vandre l''amiraul de Persie .
    2. [ fol. 0395 ]
  2. Chacuns ai pris le suen des chevaliers nobiles,
  3. Sus montent es destriez,n''i demorerent mie ;
  4. Sus tot le plux inel monterent Maugalie .
  5. Por force s''an tornerent et isent de la vile ;
  6. Dusque à l''aigue dou Rin ne cessent ne ne finent,
  7. Et passerent lou pont,de l''autre par se tindrent tidrent,
  8. Puis depiecent lou pont et les planches an lievent lievet,
  9. Si les laisent floter por desus la marine .
  10. Droitemant vers Beaufort ont lor voie acolie ;
  11. Or les condue Dex,li fiz Saingte Mairie !
  1. OR s''an vont nos François tot lou ferré chemin,
  2. S''anportent Maugalie au gant cors eschevi .
  3. Atant vint l''amiraus à tot .M .Sarazins,
  4. Et seuvoit nos François li cuvers de put lin .
  5. Atant e vos .I .roi,Corpion de Vaugris ;
  6. Il vint à l''amiraul,si l''ai à raison mis :
  7. «Amiraus de Persie,mout por estes honiz :
  8. «Or s''an vont li François joiant et esbaudiz,
  9. «Si anportent ta file,Maugalie au fier vis .
  10. «Car me faites lou don,anparesres aparesres jantiz,
  11. «Puis ocirai François,à mon espée forbi .»
  12. Et respont l''amiraus :«Mout por avez bien dit ;
  13. «Je vos an faz le don,mas que Fransois soint pris .»
  14. Et il li respondi :«Sire,vostre merci .»
  15. Lors broiche le chevaul des desperons marsis,
  16. Et trespase les terres,les vauz et les larriz .
  17. Au monter d''une angarde nos François consuï,
  18. Hautemant lor escrie :«N''an irez mie ansi ;
  19. «Çai lairez vos la file à l''amiraul Persis,
  20. «Que vos avez enblée,ne la porez garir .
  21. «Nos ne vos lou1 metrons mie an la chartre gesir,
  22. «Ainz vos ferons toz pandre et detraire à rroncins .»
  23. Quant Richiers l'''antandi,ne le prise .I .matin ;
    24. [ fol. 0396 ]
  24. Il li ai trestourné le destrié Arabi,
  25. Vet ferir le paien desoz son escu bis,
  26. Desoz la bocle à or li ai frait et maumis,
  27. Et le haubert dou dos derot et dessartis .
  28. Ou cors li mist le fer de son espié bruni ;
  29. Tant com hante li dure,l''abat mort estordi .
  30. Puis a pris le chevaul por les renes d''or fiz,
  31. Venuz est à son pere,si l''ai à raison mis :
  32. «Prenez cel bon chevaul,sire peres,fait il ;
  33. «Il est miaudres dou vostre,je le sa bien de fi .
  34. «Vos revenez de Rome,si estes penanaz ;
  35. «Cist vos aurai mestier sor mon maitre,à Paris,
  36. «En la cort Cloovis,le roi de Sain Denis .
  37. -Richiers,dit Joceranz,de Deu .Vc .merci .»
  38. Lors est montez ou frois et laise l''eslantiz .
  1. OR s''an vont noz François tot le couté dou tertre .
  2. Maugalie regarde,la courtoise,la bale,
  3. Et voit venir paiens,la pute jant averse .
  4. Où que voit Floovant,belement l''an apale :
  5. «Consoiliez moi,biau sire,por Deu,le roi celestre ;
  6. «Je voi venir paiens plus de .XXm .as elmes .
  7. «Lont sumes de Baufort,si sumes an lor terres ;
  8. «Mout pres nos vont suvant,la pute gant averse .
  9. «Bien sai que san bataile auler ne povons gaires ;
  10. «Se mes peres me tient,il me todra la teste :
  11. «Je ne sarai foïr,lase !que porai fare ?
  12. «Or me sui porpansée d''une avanture belle ;
  13. «Ja ai ici un dras en ma mange senestre,
  14. «Trestoz taliez à laz,à Richier durent estre,
  15. «Je les vetirai jai,frans chevaliers onestes,
  16. «Et puis si monterai à droit en ceste sale .»
  17. Et respont Floovanz :«Pansez an,damoisele,
  18. «Si vos metrons à nom Forquere de Tudale .»
    19. [ fol. 0397 ]
  19. A pié est desçandue la cortoise,la bale ;
  20. Richiers ai recéue antre ses braz la bale .
  21. Puis vesti autres dras por desus sa gonnale ;
  22. Si comme chevalier s''atorne la pucele .
  1. MAUGALIE la bale est à pié desçandue .
  2. Onques tresto lou jor ne montai an sanbue,
  3. Ainçois ai pris une erbe,si an oint sa figure,
  4. Son cors et son visage torne en autre faiture ;
  5. Moure resanblai bien,tant fut noire et oscure .
  6. Puis a vestu les dras qui li sont à mesure .
  7. Ou destrié est montée,qui tot vai l''anblaüre ;
  8. Moult bien resanblai home à la grant forchaüre .
  1. LA pucelle iert mult prouz et si fut mout vailant .
  2. Blainche chemise et braies a vestu metenant,
  3. Qui furent à Richier,lou ardi combatant,
  4. Et par desures vet une cote avenant,
  5. Et puis après .I .porpre qui moult estoit saanz,
  6. Puis montai en la sale dou destrié auferan,
  7. Et ai pris une lance et .I .escu pesant .
  8. Pardevant nos François s''en vai esperonant ;
  9. Li esperons es piez li furent bien saanz .
  10. Et Floovans li dit :«Forqueres,or avant !
  11. «Por coi n''avez vos pris nul autre garnemaz,
  12. «Haubert et hiaume bon,et bon espié trenchant ?
  13. -Sire,dit la pucelle,je ne an quier néant ;
  14. «Mes autres armes c''ai ne sont mie si granz :
  15. «Mestier m''auront ancores à Biaufort çai devant,
  16. «Lai où la file est au riche roi Floran .
  17. «Des contraïres,sire,me dot je mout formant :
  18. «.I .sanbadi matin m''an dit ele jai tant
  19. «Au Nof Chatel où je iere,vos ouroiles oiiant,
  20. «Je ne vosise mie por nule riens vivant .
    21. [ fol. 0398 ]
  21. «Mult durement m''an pois,car ole ai le cors gant
  • 1.
    Nos ne [vos] metrons mie. Le ma
    nuscrit donne : Nos ne lou metrons, leçon en désac
    cord avec le sens, qui demande vos ou vous.