CCXLIX

Philippus, Dei gratia, Francorum rex. Notum facimus universis, presentibus et futuris, quod, cum propter rebellionem quam contra nos fecerat in ultima guerra Vasconie, que erat inter nos et ducem Acquitanie, defunctus Guillermus de Marmanda, universa et singula dicti Guillermi bona nobis applicata fuissent, postmodum que in pacis tractatu facto et habito inter nos et dictum ducem concordatum fuisset quod bona rebellium, que quilibet nostrum à rebellibus suis, occasione rebellionis hujusmodi, ceperamus, ad manum cujuslibet nostrum devenerant, [p. 130] restitui faceremus et reddi, nos, licet dicta que dicti Guillermi fuerunt bona dilecto et fideli nostro Arnaldo Bernardi, de Pressaco, alias dicto Soldan, vendiderimus seu tradiderimus in solutum pro quater mille et quingintis libris monete pro tempore currentis, pacem et convenciones in dicto tractatu pacis habitas observare volentes, dicta bona universa et singula, que fuerunt dicti Guillelmi rebellis, ad manum nostram tanquam nobis acquisita et confiscata, racione rebellionis predicte, tenuimus et venerunt, exnunc restituimus et deliberamus ad plenum et integrum dicti Guillelmi heredibus, non obstante vendicione predicta, quam nos exnunc cassamus, irritamus nullamque et irritam decernimus per presentes, ac nullius in antea existerint faciatis1. Salvo et reservato per nos expresse heredibus dicti defuncti Arnaldi Bernardi, alias dicti Soldan, quod dictum empcionis predicte precium restituetur eisdem per heredes defuncti Petri Remigii2, qui precium, sicut intelleximus, habuit supradictum, in casu in quo dicta pecunia in nostram non fuit utilitatem conversa, alias nos de nostro satisfaciemus eisdem. Quod ut ratum et stabile perpetuo perseveret, nostrum presentibus litteris fecimus apponi sigillum. Salvo in aliis jure nostro et in omnibus quolibet [p. 131] alieno, Actum Tholose, anno Domini millesimo ccc. tricesimo quinto, mense januarii.

Per dominum regem, in suo concilio, ad relacionem dominorum Jacobi Rousseleti et Guillelmi de Villaribus P. Fortis.