[p. 161]

CCLXIII

Nouvelle prorogation accordée au connétable Raoul Ier, comte d'Eu, pour le rachat de sa terre de Civray.

  • B AN JJ. 269, n° 208, fol. 95
  • a P. Guérin, Archives historiques du Poitou, 13, p. 161-162
D'après a.

Philippes, par la grace de Dieu, roys de France. A touz ceulz qui ces lettres verront, salut. Comme pour les empeechemens que nostre amé et feal cousin, Raoul, conte de Eu, connestable de France, a heus pour noz besoingnes, nous aionz, de grace especial et de certainne science, par noz autres lettres, prolonguié à son profit le temps dedens lequel il povoit rachater ou raembre la terre de Sivray, que il vendi au cardinal d'Aucerre jadiz, la quele prolongacion faudra à ceste prochainne feste de Toussains, et nostre dit cousin soit encore occupez de noz besoingnes, pour les queles il ne puet ne ne porroit au dit terme sa dite terre racheter ; nous qui point ne volons que pour les empeechemens de noz dites besoingnes il soit damagiez, la dite prolongacion et le temps de racheter la dite terre avons prolonguié et par ces lettres prolonguons jusques au jour de Pasques prochain venant, de nostre grace especial et de certeinne science. Si vous mandons et à chascun de vous, si comme à lui appartendra, et commandons que nostre presente grace vous tenez et faites tenir et garder enterinement, senz aucune chose faire au contraire, toutefoiz les levées et issues de la dite terre demouranz en la main des [p. 162] executeurs du dit cardinal, jusques à tant que le dit paiement soit fait. Donné à Saint-Quentin, le xxviiie jour d'octobre, l'an mil ccc. xxx. ix.1.


1 On trouvera plus loin une autre prorogation accordée au fils du comte d'Eu. Le même registre en contient une troisième, en date du 30 janvier 1342 (n.s.), qui ne sera pas publiée, parce qu'elle ne diffère en rien de celle-ci (JJ. 269, n° 212, fol. 96).