CCLXIV
Permission à Robert Odart, chevalier, d'achever un étang et d'en faire creuser d'autres sur ses terres du Petit-Pré et de la Beule, à Saint-Vincent-de-l'Oratoire et à Saire.
- B AN JJ. 72, n° 69, fol. 60 v°
- a P. Guérin, Archives historiques du Poitou, 13, p. 162
Philippes, par la grace de Dieu, roys de France. Savoir faisons à touz que nous, eu consideracion aus bons et aggreables services que nostre amé Robert Oudart1, chevalier, nous a faiz touz jours en noz guerres et fait encores, et ses devanciers nous ont faiz bien et leaument ou temps passé, avons octroie et octroions de grace especial, de certaine science et de nostre auctorité royal, au dit chevalier, que il en ses heritages seanz au Petit Pré et à la Beulle2, ès paroisses de Saint-Vincent d'Oreur et de Sairre, ou bailliage de Touraine, puisse faire et construire à son proffit, sanz prejudice d'autruy, estancs, et parfaire et achiver l'estanc de la Beulle et du Petit Pré, non contrestant que il y ait chemin, pourveu qu'il face et laisse faire en sa terre profitables chemins pour les trespassans. Et pour ce que ce soit ferme chose et estable à perpetuité, nous avons fait mettre nostre seel en ces lettres. Donné à Compiengne, l'an de grace mil ccc. trente et neuf, ou moys d'octobre.
Par le roy à la relacion de messires M. Chamaillart et L. de Vaussemain. Henri. — Sine financia. Justice.
