CCLVI

Droit d'usage dans les bois de Chavagne, accordé au prieur de Saint-Marcel de Montmorillon.

  • B AN JJ. 71, n° 57, fol. 45 v°
  • a P. Guérin, Archives historiques du Poitou, 13, p. 140
D'après a.

Philippes, par la grace de Dieu, roys de France. Savoir faisons à touz, presenz et avenir, que, nous en regart de pitié et en pure aumousne avons donné et octroyé, donnons et octroyons, de grace especial, au prieur de Saint-Mercel de Montmoreillon, pour lui et pour ses successeurs, prieurs du dit lieu, et pour les malades confluanz au dit saint, tout au tel usage en noz bois de Charvaingne, comme pluseurs des habitans de la dite ville y ont, tant pour chauffaige comme autrement, se ainsi est que senz prejudice des diz usagiers il puisse estre fait. Donnans en mandement aus gardes des diz bois, presenz et avenir, que le dit prieur et ses successeurs, prieurs du dit lieu, pour euls et pour les diz malades, pour leur hostel, il laissent et facent joir et user de notre presente grace, selonc la condicion dessus dite. Et pour ce que ce soit ferme et estable à touz jours, nous avons fait mettre nostre seel en ces lettres. Sauf en autres choses nostre droit et en toutes choses le droit d'autruy. Donné au bois de Vinciennes, l'an de grace mil ccc. trente et sept, ou mois de mars.

Par le roy, à la relacion de l'aumosnier, R. de Molins.