CCLXXXIII
Confirmation par Philippe de Valois de la commune de Niort et des privilèges à elle octroyés par ses prédécesseurs.
- B AN JJ. 72, n° 178, fol. 113
- a P. Guérin, Archives historiques du Poitou, 13, p. 202
Philippes, etc. Savoir faisons à touz, presenz et avenir, que nous avons veu les lettres de noble memoire nostre très chier seigneur et cousin, le roy Charle, que Dieux absoille, contenans la fourme qui s'ensuit : Karolus, Dei gracia, Francorum et Navarre rex, etc.1. Nous adecertes à noz diz bourgeois de Niort toutes et chascunes les choses dessus dites, en la maniere qu'il en ont usé paisiblement, justement et raisonnablement jusques au temps d'ores, de nostre auctorité royal et de grace especial, confermons. Sauf en toutes choses nostre droit et l'autrui. Et que ce soit ferme chose et estable ou temps avenir, nous avons fait mettre nostre seel à ces presentes lettres. Donné à Becoysel en Brie, l'an de grace mil ccc. quarante et un, ou moys de juing.
Par le roy, à la relacion monseigneur Loys de Vaucemain, lors seul ès Requestes de l'Ostel. P. Fortis.
Sine financia. Justice.
