MCCXCIV

Charles, par la grace de Dieu roy de France, à tous ceulx qui ces presentes lettres verront, salut. Comme, par noz autres lettres et pour les causes contenues en icelles, ayons aujourd'uy donné, cedé et transporté à nostre très chier et amé cousin Jehan bastard d'Orleans, conte du Dunois, et à ses enfans masles, procréez en loyal mariage, et aux masles descendans d'iceulx enfans masles en loyal mariage, les villes, chastellenies, terres et seigneuries de Partenay, Secondigny, Vouvant, Mervant, le Couldray Salbert, Chastellaillon, Mathefelon et autres terres et seigneuries, que feu Jehan Larcevesque, en son vivant chevalier, seigneur de Partenay, nous avoit vendues, delaissées et transportées, pour en joyr par nostre dit cousin et ses enfans masles, procreés en loyal mariage, et les masles descendans desdiz masles aussi en loyal mariage, perpetuellement et à tousjours, ou cas que nostre très chier et très amé cousin Artur, duc de Bretaigne, connestable de France, auquel avions dès pieça fait don et transport desdictes terres et seigneuries, et à ses hoirs masles, yroit de vie à trespassement sans hoirs masles procreés de son corps en loyal mariage, pour les causes et ainsi qu'il est plus à plain contenu en nosdictes autres lettres ; à cause desquelles terres et seigneuries pend procès en nostre court de Parlement1, entre nostredit cousin de Dunois [p. 81] et nostre chière et amée cousine Marie de Harecourt2 sa femme, à cause d'elle, le conte de Tancarville3 et le seigneur de Husson4 demandeurs en matière petitoire et [p. 82] autrement, d'une part, et nostredit cousin Artur, duc de Bretaingne, et nostre procureur general, adjoinct avec luy, d'autre, non voulans que ledit don ne prejudicie aucunement à nosdiz cousin et cousine ele Dunois ne à leurs enfans, ne aux droiz, parties et porcions qu'ilz pretendent èsdictes terres et seigneuries par les faiz, et moiens declairez oudit procès. Pour ces causes et consideracions, avons declairé et declarons par ces presentes que nostre entencion n'a esté ne n'est que, par ledit don et transport desdictes terres et seigneuries fait à nostre dit cousin de Dunois et à ses enfans masles procreés en loyal mariage et aux masles descendans desdiz enfans masles en loyal mariage, soit fait ou porté aucun prejudice à nosdiz cousin et cousine de Dunois, à leurs hoirs et successeurs quelconques, ne aussi à la poursuicte qu'ilz ont fait ou pourroient faire, en nostre dicte court et ailleurs, pour raison desdictes terres et seigneuries, ne aussi que ceste presente reservacion face ou porte aucun prejudice ne derogue en aucune manière au droit qui luy peut appartenir, à cause du don que luy avons fait et faisons presentement. Mais voulons et nous plaist que nosdiz cousin et cousine et leursdiz hoirs et successeurs quelxconques soient et demeurent entierement en tous leurs droiz, noms, raisons, actions et poursuites qu'ilz ont de present et que leur pevent ou pourroient eschevoir, avenir et appartenir, à cause desdictes terres et seigneuries, leurs appartenances et deppendences, en quelque manière que ce soit, tout ainsi qu'ilz estoient par avant ledit don, cession et transport et non obstant icelluy. [p. 83] En tesmoing de ce, nous avons fait mettre nostre seel à cesdictes presentes. Donné à Vendosme, le xxii^e jour du mois d'octobre l'an de grace mil cccc. cinquante huit, et de nostre règne le xxxvii^e .

Ainsi signé : Par le roy en son conseil, ouquel Messieurs les ducs d'Orléans5 et de Bourbon6, les contes de Eu7, de Foix8 et de la Marche9, vous10, l'evesque de Constances11, le seigneur de Beaujeu12, Janus de Savoye13, Loys de Sa- [p. 84] luces14, les sires de Torcy15, de Precigny16 et du Monteil, Guillaume Cousinot17, chevalier, maistres Estienne Le Fèvre18 et Jehan Bureau19, sire Jehan Hardoin20, maistres Pierre Doriole21, Pierre et Raoul de Refuge22 et Denis Daucerre23 et autres presens. J. de La Loère.