MCCCII

Charles, par la grace de Dieu roy de France. Savoir faisons à tous, presens et avenir, nous avoir receue l'umble supplicacion de Jaques Le Jude, escuier, seigneur de Maugué, contenant que, comme ledit suppliant soit homme [p. 104] de bien et d'estat doulx et paisible, et tousjours s'est gou verné et vesqu et conversé doulcement et paisiblement entre ses congnoissans, sans ce que jamais il fist chose qui fust digne de reprehencion, et dès son jeune aage s'est employé en nostre service ou faict de la guerre, où il s'est honnorablement porté, et mesmement ou voyage de Tartas1 il se y porta grandement et honnorablement durant icelluy, et fut le premier qui entra dedens Saint Sever2, quant il fut pris derrenierement ; et depuis a esté et est de nostre ordonnance et retenue, soubz la charge de nostre cher et feal cousin le sire d'Orval3. Or est il ainsi que puis naguères ledit suppliant, qui estoit logié à Connerré avec la compaignie de nostre dit cousin, demanda congié à nostre dit cousin ou à Poncet de Rivière4 lieute- [p. 105] nant d'icelluy nostre cousin, d'aler veoir ses besongnes, lequel le luy donna jusques au mois de mars, lors prouchainement venant ; et pour ce, le second jour du mois de decembre, ledit suppliant, qui se disposoit pour s'en aler en son hostel qui est en nostre païs de Poictou, laissa au matin son pourpoint en sa chambre sur son lit; ouquel pourpoint estoit sa bourse, en laquelle avoit sept escus neufz et deux frans en monnoye, et, luy estant hors son dit logis, ung nommé Simonnet, aagié de quinze ans ou environ, qui dès longtemps avoit esté son paige, et Valentin d'Alest, son varlet, prindrent ledit pourpoint et ladicte bourse, et comptèrent ledit or et argent, et après misdrent ledit pourpoint et ladicte bourse en ung petit coffre qui estoit en la chambre dudit suppliant. Et le tiers jour dudit mois de decembre, ledit Jaques suppliant s'en voult partir pour aler faire ses besongnes à sa maison, et [p. 106] prist sondit pourpoint pour prendre sadicte bourse et argent, lesquelz il trouva oudit coffret ; et lors icelluy suppliant print sadicte bourse et trouva que desdiz sept escus d'or qu'il y avoit mis n'en y avoit que six et qu'il en avoit esté prins ung escu. Et incontinent ledit suppliant appella ledit Valentin, son varlet, et luy demanda qui avoit esté en sa bourse et qui avoit mis son pourpoint oudit coffre ; lequel luy dist que se avoit esté luy, et que quant il luy mist, lesdiz sept escus et quarante solz y estoient, et que luy et ledit Simonnet l'avoient compté. Et lors ledit suppliant envoya querir icelluy Simonnet qui estoit en l'estable et luy demanda son escu, et luy dist qu'il luy avoit emblé et qu'il failloit qu'il le luy eust emblé, parce qu'il avoit la clef de la chambre, et que nul autre ne l'avoit emblé que luy, et comment qu'il fust, qu'il le rendist et il ne le batroit point, ou s'il ne le [p. 107] rendoit qu'il luy eopperoit une oreille, et luy lya les posses et fist semblant de luy copper l'oreille. Et lors ledit paige dist audit suppliant, son maistre, qu'il le laissast aler, et qu'il l'avoit baillé à une femme de la ville, et qu'il le yroit querir et l'apporteroit ; moiennant lesquelles parolles, il laissa aler ledit Simonnet vers la femme à qui il avoit baillé ledit escu, laquelle femme luy respondi qu'elle ne savoit que s'estoit. Et en icelle heure, ledit paige s'en voult fouir, mais ledit Valentin incontinent le print et le mena audit suppliant ; lequel suppliant luy dist qu'il avoit emblé son dit escu et aussi de l'argent et des esguillettes par plusieurs foiz ; et à ceste cause ledit suppliant estant en sadicte chambre fist despouiller ledit Simonnet tout nu et le mena devant le feu qui estoit en sadicte chambre, et luy dist qu'il luy feroit brûler les nages, s'il ne luy confessoit verité, et ilec le bati d'une coupple à coupler chiens, à quoy le dit suppliant vouloit couppler ses chiens d'oiseaux pour s'en aler, et le tint longuement près du feu en le batant dudit coupplet ; et pour ce qu'il ne voult riens confesser, il luy donna ung coup du pié contre le ventre, tant que ledit Simonnet cheut contre le feu et se brula les nages et l'eschine ; mais incontinent icelluy Simonnet se leva et ledit suppliant, qui de ce fut desplaisant, luy dist qu'il se vestist, ce qu'il fist. Et après icelluy suppliant ala querir une phisicienne, qui estoit en ladicte ville de Connerré, et luy monstra ce que sondit paige avoit ; laquelle luy dist qu'il avoit grant mal, mais que au plaisir Dieu, elle le gariroit bien ; et aussi en parla à ung barbier et luy recommanda ; et bailla ledit suppliant à ladicte phisicienne de l'argent, ce qu'elle luy demanda, pour le penser, et luy dist qu'elle le pensast bien, et qu'il la contenteroit si bien qu'elle en seroit bien contente, dont elle print la charge. Et incontinent ledit suppliant qui estoit tout prest pour s'en aler en sadicte maison, qui jamais ne creust que mal ou inconvenient [p. 108] venist audit Simonnet, s'en party du lieu et s'en ala en sadicte maison oudit païs de Poictou faire ses besongnes. Et depuis, ledit suppliant estant à sesdictes besongnes, luy a esté rapporté que de là à trois ou quatre jours qu'il s'en estoit party dudit lieu de Connerré, ledit Simonnet estoit alé de vie à trespas. A l'occasion duquel cas ainsi advenu que dit est, ledit suppliant doubte estre en dangier de justice, se noz grace et misericorde ne luy estoient sur ce imparties, en nous humblement requerant que, attendu la manière comment icelluy cas est avenu que dit est, et que icelluy suppliant ne cuidoit pas que mort s'en deust ensuir, et est vraysemblable à croire que, s'il eust esté bien gouverné il ne fust pas mort, que en tous autres cas icelluy suppliant s'est bien et doulcement gouverné, sans avoir fait ou commis, ne esté attaint ou convaincu d'aucun autre villain cas, blasme ou reprouche, il nous plaise nosdictes grace et misericorde luy impartir. Pour quoy nous, les choses dessus dictes considerées, voulant misericorde preferer à rigueur de justice, audit Jacques Le Juge (sic), suppliant, en l'onneur et reverence de la Passion Nostre Seigneur, qui à tel jour souffry mort et passion, avons ou cas dessus dit quicté, remis et pardonné, etc. Si donnons en mandement par ces presentes au....5 et à tous noz autres justiciers, etc. Donné aux Roches Tranchelion, ou mois de mars l'an de grace mil cccc. cinquante huit avant Pasques, et de nostre règne le xxxvii^e.

Ainsi signé : Par le roy tenant ses requestes, èsquelles les sires de Vauvert6, de Chasteaubrun7, maistres Georges [p. 109] Havart8, Jehan Le Boulengers9 et plusieurs autres estoient. A. Rolant. —Visa. Contentor. Chaligaut.