MCCCLXIII

Loys, parla grace de Dieu roy de France. Savoir faisons à tous, presens et avenir, nous avoir receue l'umble supplicacion de Amaurry de Linières1, escuier, et Pierre Grimoart, [p. 345] son serviteur, contenant que, ou moys de jung derrenier passé, ilz obtindrent de feu nostre très chier seigneur et père, que Dieu absoille, ses lettres de remission2 pour occasion de la mort et occision commise et perpetrée en la personne de feu Jehan de Veluyre, lesquelles, par vertu de noz autres lettres à eulx octroyées, ilz présentèrent à nostre seneschal de Poictou ou à son lieutenant à son siège de Poictiers, par vertu desquelles et de l'execucion dudit seneschal, lesdiz supplians firent adjourner Guillaume de Veluyre 3et nostre procureur en ladicte [p. 346] seneschaucie, à certain jour avenir, pour proceder à l'enterinement desdictes lettres de remission. Auquel jour ou autre deppendant d'icelluy, lesdiz supplians requisdrent l'enterinement desdictes lettres de remission par devant le seneschal ou son lieutenant, et prindrent sur ce leurs conclusions pertinens au cas, et pour y deffendre fut donné delay par ledit seneschal ou son lieutenant à nostre procureur audit lieu de Poictiers à certain jour ensuivant. Et combien que lesdites lettres de remission fussent et soient raisonnables, attendu que la mort dudit de Veluyre estoit venue en lui par sa faulte, neantmoins ledit Guillaume de Veluyre les fist debatre par plusieurs moiens non recevables, et sur ce furent lesdiz supplians mis en nos prisons en la consiergerie de nostre Palais dudit Poictiers, et leur fut assigné jour ensuivant pour reppliquer. Auquel jour ledit de Veluire qui procedoit contre ledit suppliant par grant hayne, pour les faire detenir prisonniers èsdictes prisons, appella frivolement dudit seneschal ou son lieutenant. Lesquelz supplians, voyant qu'ilz estoient grandement retardés ou procès desdictes lettres de remission, tant à cause dudit appel que pour les pors et faveurs que ledit de Veluyre avoit audit Poictiers, obtindrent noz autres lettres, par lesquelles estoit mandé à nostre bailly de la Touraine ou son lieutenant à Chinon, congnoistre dudit procès et faire mener lesdiz supplians en noz prisons dudit Chinon ; par vertu desquelles lettres [p. 347] maistre René Dreux4, licencié en loiz, lieutenant particulier dudit bailli à Chinon, voult proceder à l'execucion d'icelles. Mais ledit Guillaume de Veluyre, pour empescher et faire tousjours detenir prisonniers lesdiz supplians, appella frivolemcnt dudit maistre René. Par le moien duquel appel il surcey de plus avant proceder à l'execucion desdictes lettres, et à ceste cause lesdiz supplians, ou moys de fevrier derrenier passé, obtindrent noz autres lettres par lesquelles estoit mandé au premier de noz conseilliers en nostre court de Parlement que, s'il lui apperroit desdictes appellacions et autres choses dessusdictes, que, nonobstant icelles faictes ou à faire, il prensist reaulment et de fait lesdiz supplians en nosdictes prisons de Poictiers et les menast ou fist mener en noz prisons de Saint Jehan d'Angely, et fist commandement de par nous audit seneschal de Poictou ou son lieutenant, grefïier de sa court et autres officiers d'icellui lieu de lui bailler les informacions qu'ilz avoient contre lesdiz supplians et pour eulx, pour les porter audit lieu de Saint Jehan d'Angely, par devers nostre seneschal de Xaintonge ou son lieutenant illec, et y adjournast à certain jour ensuivant les parties adverses desdiz supplians, pour proceder audit procès, sur l'enterinement desdictes lettres de remission, selon les5 faiz audit lieu de Poictiers ainsi que de raison. Auquel jour se présentèrent lesdiz supplians et aussi ledit de Veluyre, Jehan et Jehan (sic) Dufay et leurs femmes, parties adverses desdiz supplians ;[p. 348] lesquelz en soustenent les lettres de remission firent reppliquer, et ledit de Veluyre et nostre procureur en ladicte seneschaucie adjoinct avec lui firent dupplicquer, et sur ce, oyes lesdictes parties bien au long, furent appoinctées contraires, sauf à leur faire raison des choses de droit et escripture par articles. Et ce fait, de la part desdiz supplians fut dit [que] par auctorité dudit seneschal de Poictou ilz avoient fait faire certaines informacions valans enques[tes] pour estre eslargis desdictes prisons pendant ledit procès, qu'ilz avoient jà pieça mis par devers la court dudit seneschal de Poictou ou son lieutenant, pour leur donner appoinctement sur ledit eslargissement, mais que par le moien des pors et faveurs que ledit de Veluyre avoit audit lieu de Poictiers et des appellacions par lui interjectées, n'y avoit esté besongné, et estoient lesdiz supplians, depuis la presentacion de leurs lettres de remission, tousjours demourez en prison audit lieu de Poictiers, jusques au tiers jour de mars derrenier passé, en grant povreté et misère de leurs personnes. Lesquelles enquestes nostredit conseillier avoit apportées dudit lieu de Poictiers par devers ledit seneschal de Xaintonge, par quoy lesdiz supplians requisdrent que, moiennant icelles enquestes, veue la longue detencion de leurs personnes et qu'ilz estoient prestz de monstrer le cas de la mort dudit de Veluyre estre advenu ainsi qu'il estoit contenu èsdictes lettres de remission, estre eslargiz desdictes prisons, offrans donner bonne caucion d'ester à droit et obeyr à toutes les assignacions qui leurs seroient baillées jusques en diffinitive, et aussi attendu que ledit procès principal estoit contesté et que, après contestacion en la court dudit seneschal de Xaintonge, estoit acoustumé faire eslargissement à tous ceulx qui demandoient l'enterinement de lettres de grace et remission en cas de omicide. Lequel eslargissement le lieutenant dudit seneschal de Xaintonge differa faire pour lors, moiennant ce qu'il disoit n'avoir [p. 349] veu le tout desdietes enquestes, et eslargy lesdiz supplians par nostre ville de Saint Jehan d'Angely, qu'il leur bailla pour prison, et leur assigna certain jour pour oyr droit sur ledit eslargissement. Auquel jour ou autre deppendant d'icelluy, lesdictes parties comparurent par devant ledit lieutenant et par lui veu et visité ce qui par lesdictes parties avoit esté produit, il dist et declaira par sa sentence et appoinctement que lesdiz supplians estoient en voye d'eslargissement et les eslargy partout jusques à la publicacion d'enqueste dudit procès principal, moiennant certaine caucion qu'ilz donnèrent et qu'ilz seroient tenuz venir et obeir à chascune assignacion en personne, et au jour de la publicacion de l'enqueste eulx rendre prisonniers en nostre chastel dudit lieu de Saint Jehan d'Angely, sur peine d'estre privez, forcloz et deboutez de l'effect et contenu èsdictes lettres de grace et remission.

De laquelle sentence et appoinctement nostredit procureur, qui estoit principalle partie, n'appella aucunement et y acquiessa. Mais ce neantmoins ledit de Veluyre, combien que icelle sentence ne touchast le procès principal, mais seulement l'eslargissement desdiz supplians pendant ledit procès, pour tousjours faire detenir prisonniers lesdiz supplians, appella frivolement de ladicte sentence ou appoinctement. Par le moien duquel appel et par avant que ledit de Veluyre Peust relevé, au moins qu'il feust venu à la congnoissance desdiz supplians, doubtans que s'ilz aloient hors de ladicte ville de Saint Jehan d'Angely, nostredit procureur voulsist dire et pretendre qu'ilz estoient encourus ès peines à eulx indites et les faire priver et debouter de l'effect desdietes lettres de grace et remission, demourèrent en arrest ès prisons dudit lieu de Saint Jehan d'Angely par aucun temps, pendant lequel ilz nous firent donner à entendre le cas tel que dessus en effect et substance, et moiennant ce obtindrent noz lettres par lesquelles, et pour les causes plus à plain de- [p. 350] dans contenues, estoit mandé et commis aux gouverneur de la Rochelle, prevost de Saint Jehan, [commis] à la garde du seel desdiz lieux, ou à leurs lieuxtenans et à chascun d'eulx, que en leur faisant apparoir dudit eslargissement fait par ledit lieutenant du seneschal de Xaintonge, et que nostre dit procureur eust acquiescé audit appointement, sans en avoir appellé, de la coustume et usance dont en ladicte senescliaucée est faicte mencion, et en baillant par lesdiz supplians bonne et seure caucion, autre qu'ilz n'avoient baillée, de ester et fournir à droit, qu'il les eslargist partout, tant pour la prosecucion dudit procès comme autrement, jusques ad ce que desdiz appeaulx fust discuté, pourveu qu'ilz seroient tenuz comparoir en personne à toutes les journées qui leur seroient assignées par ledit seneschal de Xaintonge ou son lieutenant oudit procès principal et à la publicacion de leur enqueste, de eulx rendre prisonniers en nostre chastel de Saint Jehan lesquelles noz lettres le juge de la prevosté dudit chastel de Saint Jehan, duement informé du contenu en icelles, a mises à execucion, et par ce moien ont lesdiz supplians esté eslargiz. Mais ce neantmoins ledit de Veluyre s'est tiré devers nostre chancellerie à Paris et, soubz colleur de ce qu'il nous a donné à entendre subreptissement et contre verité que ledit Jehan de Veluyre avoit esté inhumainement occis par lesdiz supplians et Mery Fèvre, sans ce qu'il leur eust mesfait ne mesdit, et que de ce ilz avoient prins lettres de remission dont ilz avoient demandé renterinement par devant nostredit seneschal de Poictououson lieutenant à Poictiers, où ils avoient esté constituez prisonniers, interroguez sur ledit eas, et leurs concessions redigées par escript, et que examen de tesmoins avoist esté fait touchant le debat de ladicte remission et pour savoir si, nonobstant icelle, ledit seneschal ou son lieutenant procederoit contre eulx par procès extraordinaire, et que ledit examen avoit esté rapporté par devers ledit seneschal de [p. 351] Poictou ou son lieutenant, et que lesdiz supplians avoient sceu que ledit de Veluyre et nostre procureur avoient prouvé que ladicte remission estoit subreptice et Savoient lesdiz supplians en icelles confessé la verité du cas, dont riens n'estoit, qu'ilz avoient prins lettres de nous, donnans à entendre que noz procureur et advocat en ladicte seneschaucie de Poictou avoient affinité et faveur oudit de Veluyre, pour interdire la congnoissance dudit procès audit seneschal de Poictou ou son lieutenant et la commettre audit seneschal de Xaintonge ou son lieutenant, et que après ilz furent èsdictesprisons de Saint Jehan, que ledit Fèvre avoit brisé lesdictes prisons et s'estoit absenté sans auctorité de justice, dont riens n'estoit, et que lesdiz supplianz avoient requis estre eslargis et mis hors desdictes prisons, ce que avoient debatu au contraire par ledit de Veluyre, et que pour ce qu'il avoit esté appoincté par ledil seneschal de Xaintonge ou sondit lieutenant que lesdiz supplians seroient eslargiz et mis hors desdictes prisons, sans faire droit sur ledit procès et sur ledit debat de ladicte remission, ledit de Veluyre avoit appellé à nous et à nostre cour de Parlement6 il a obtenu noz lettres d'adjournement [p. 352] en cas d'appel, par vertu desquelles ledit seneschal de Xaintonge ou son lieutenant a esté adjourné au huitiesme jour du moys de jung prochain venant, pour soustenir et deffendre les tors et griefz que icellui de Veluyredit lui avoir esté faiz par ledit lieutenant, iceulx veoir repparer et amender comme de raison, et aussi a esté enjoinct audit seneschal de envoyer lesdiz supplians prison- [p. 353] niers soubz bonne et seure garde ès prisons de la Conciergerie de nostre Palais à Paris, avec ledit procès, charges et informacions feablement cloz et seellés par devers nostredicte court de Parlement, pour en estre ordonné ainsi que de raison, et intimer lesdiz supplians. Et en oultre ce, a esté mandé par icelles noz lettres au premier huissier de [p. 354] nostre Parlement ou nostre sergent que, s'il lui appert ledit Fèvre avoir impetré ladicte remission et brisé lesdictes prisons, de le prendre au corps et le mener prisonnier en nostredicte Conciergerie à Paris. Desquelles lettres le lieutenant dudit seneschal de Xantonge a donné son excecutoire, par le moien duquel il a donné mandement au premier nostre sergent de adjourner ledit suppliant audit huitiesmejour de jung prochain, de eulx rendre en personne en ladicte court de Parlement, avec la caucion qu'ilz avoient autresfoiz donnée en toute la cause, sur peine d'estre actains et convaincuz des cas à eulx imposez et de estre [privez] et deboutez de l'effect et contenu de leurdicte remission ; et a baillé à Jehan de Villeneufve7 qui est à la poste dudit de Veluyre, les procès, enquestes et informacions pour porter en nostre court de Parlement audit jour. Et avec ce iceulx supplians, par vertu dudit executoire, ont esté adjournez audit jour en la forme dessus declairée.

Et depuis naguères ont esté detenuz prisonniers en nostre chastel de Lezignen, pour occasion dudit cas. Et pour ce que, à nostre nouvel advenement à la couronne et à nostre nouvelle entrée en chascune ville ou place, il nous loise delivrer tous prisonniers et leur remettre tous et chacuns les cas par eulx commis et perpetrez, dont ilz sont ou pourroient estre accusez, iceulx supplians, narracion à nous faicte des choses dessus dictes et des lettres de remission dudit cas de feu nostre dit seigneur et père, dont dessus est [p. 355] faicte mencion, eulx estans prisonniers en nostre dit chastel de Lezignen, à nostre première entrée en icellui, nous ont humblement supplié et requis noz grace et misericorde leur estre sur ce imparties. Pour quoy nous, ces choses considerées, ausdiz supplians et chascun d'eulx, pour ces causes et consideracions et autres à ce nous mouvans, avons, en tant que mestier seroit, de rechief et de nouvel, et en usant des droiz et prerogatives de noz predecesseurs roys de France, en chacune ville ou place de nostredit royaume, après nostredit nouvel advenement ala couronne, comme dit est, et autrement, de nostre grace especial, plaine puissance et auctorité royal, remis, quicté et pardonné, remettons, quictons et pardonnons, par ces presentes, ledit cas et omicide dont ès lettres de grace de nostre dit feu seigneur et père est faictemencion, et autrement en la manière que ledit cas est ou pourroit estre advenu, et autres cas s'aucuns en avoient commis, ensemble toute peine, amende et offense corporelle, criminelle etciville, en quoy, à l'occasion dessus dicte, ilz sont ou pourroient estre encouruz envers nous et justice, et les avons restituez et restituons à leur bonne fame et renommée, au païs et à leurs biens non confisquez, satisfaction faicte à partie civilement tant seulement, se faicte n'est. Et sur ce imposons scilence à nostre procureur general, present et avenir, et à tous autres, en mettant au neant par ces dictes presentes tous procès, deffaulx, ban et appeaulx sur ce ensuiz, tant par nostredit seneschal de Poictou que autre part, en quelque manière que ce soit. Si donnons en mandement, par ces mesmes presentes, à noz amez et feaulx conseilliers les gens tenans nostre Parlement à Paris et à tous noz autres justiciers, etc., leurs corps et biens pour ce prins, saisiz, arrestez ou empeschez leur mettent ou facent mettre sans delay à plaine delivrance, etc. Donné à Lezignen, ou moys de may l'an de grace mil cccc. soixante et deux, et de nostre règne le premier. [p. 356] Ainsi signé : Par le roy, le sire du Lau8 le bailly de Sens9 et autres presens. Le Prevost. — Visa. Contentor. J. Du Ban.